رتبها

#السيليكون | حصل فكرتوا في الطريقة البتخليني أعرف اشتري شامبو للشعر؟
لالا ما انك تسأل مجرب أيوة في طريقة أفضل بكتير!
الثريد دا للجنسين للتوعية ورفع الوعي الشرائي..
#يلا_ثريد

الشامبو منتج مهمته انه يعمل كمذيب للدهون والزيوت من جسم الشعرة و فروة الرأس ومطلوب منه كمان انه يكون معطر وكمان بيعمل رغوة ويغذي ويكون لونه حلو وعلبته جميله ومبتكرة ودي الحاجة المفروض تقدمها الشركات بس كيف تعمل كدة وتكون أرباحها عالية ؟؟

البتعمله الشركات انها بتضيف مواد تحسن من قوام ولون ورائحة الشامبو بأَضافة مواد كيميائية انت كمستهلك ما حتميّزها من بقية المواد
من المواد دي مادة اسمها :
#السيليكون
و أغلبنا مرينا بأعراض السيليكون وهي أنه شعرك يبدأ يبقى باهت وتعبان

ولما نبدأ علاج ما يتعالج والحالة تكون بطالة وتشتري الغالي والرخيص وماسكات طبيعية وغيرو وبرضو مافي استجابة ليييييه؟
اهم ضرر بيسببه السيليكون هو جفاف الشعر لأن الشعرة الواحدة عندها مسامات والمسامات دي لما تتقفل الموية ما بتقدر تدخل والموية يعني ترطيب وبالتالي الشعرة حتنشف

ومهما نرطب ونزيت وممكن تكونوا مريتوا بإحساس انو مهما بلينا الشعر بالموية ما بيتبل بسهولة وبنلاحظ قطرات الموية خارج الشعرة .
السيلكون مهمته في الشامبو انو يغلف الشعر واحدة واحدة ويكون حولها طبقة شفافة زي البلاستيك بتخلي الشعر لامع ومفرود وتخلي الشعرة سميكة وتقيلة وسهلة التسريح

ودا بيخلي النتائج من الاستخدام مُرضية جدا ونجي نقول الشامبو رهيب وحسن لي من شعري وما حأستخدم تاني غيره
للأسف إنو الطبقة دي بتمنع الشعرة من الاستفادة من التغذية والترطيب وأي شي لأنها بتشكل غلاف عازل عن المحيط ومهما نعمل ليها ما بتستفيد وتبدأ تنشف والسيليكون ما بغلف الشعرة وبس

بيغلف البصيلات في الفروة وتبدأ بحصول التساقط والاسوأ انو السيليكون مادة تراكمية يعني كلما نستخدم شامبو او كريم فيهو سيليكون الطبقة بتزيد وتبدأ تظهر الخشونة والتساقط وبهتان اللون والتكسر .

مشكلة السيليكون أنه في منو ذائب في الماء والاغلب منو البيستخدم في منتجات الشعر غير ذائب في الماء ودي حاجة بتخلي السيليكون ما بيطلع من الشعر فورا حتى لو وقفنا شامبو فيهو السيليكون وبيحتاج من شهر ل 3 شهور عشان يطلع حسب درجة الاستخدام وتراكميته

طيب السؤال ليه الشركات بتستخدم السيليكون لما هو ضار؟؟ السيلكون يعتبر من المواد الرخيصة جدا اكبر كمية منو خام ما بتكلف الشركات غير دولارات لأكبر كمية منو ويعبو الشامبو سيليكون وعطور وكيماويات ومواد حافظة وخلاص والقارورة ما تكون كلفت الشركة ولا نص دولار

طيب نحن ما قعد نشتري شاامبو رخيص صح؟؟؟شامبوهات وماركات بيجيبوها في اعلانات و الاسماء البراقة دي كلها شامبوهات رخيصة وكلها سيليكون وضارة جدا غالية لانك انت ما بتدفع قيمة الشامبو بس لا انت بتدفع قيمة الشامبو وقيمة الفنانة المشهورة البتعمل دعاية بالآف الدولارات

وهي أصلا عمرها ممكن ما تكون شافت الشامبو الا ساعة التصوير وتشيل قروشا بهنا وما بتتذكر زاتو الشامبو اسمو شنو ...نوع من التسويق ما اكتر زائد القيمة السوقية للعلامة التجارية وبقية تكاليف المنتج
دي الحاجات النحن بنشتريها

السيليكون بيضر الشعر الكيرلي اكتر شي اللي هو الشعر المجعد او المموج بتاعنا..لأنو اغلب الشعر الكيرلي بيكون شعر جاف محتاج ترطيب ومحتاج زيوت من برة ما زي بقية أنواع الشعرالممكن يغذي نفسه براهو من زيوت الراس الطبيعية (السيبم) عشان كدة بنكون عرضة للاذى اكثر من غيرنا

طيب أنا كيف اعرف المنتج فيهو سيليكون ؟
ببساطة اننا نقرأ المكونات بتاعته وراء الشامبو
ونفتش عن الكلمات البتكون مكتوب سيليكون او تنتهي ب (xone-conol-cone ) ويعتبر Dimethicone الدايمثيكون من ارخص انواع السيليكون واصعبها في الخروج من الشعروالتالي قائمة باسماء السيليكونات :

قائمة بأسماء السيليكونات :
Dimethicone
Bisaminopropyl dimethicone
Cetearyl methicone
Cetyl Dimethicone
Cyclopentasiloxane
Stearoxy Dimethicone
Stearyl Dimethicone
Trimethylsilylamodimethicone
Amodimethicone
Dimethicone
Dimethiconol
Behenoxy Dimethicone
Phenyl trimethicone

في انواع ذائبة في الماء والافضل طبعا عدم استخدامها بتكون بادية ب (PEG) :
Lauryl PEG/PPG-18/18 Methicone
Hydrolyzed Wheat Protein Hydroxypropyl Polysiloxane (water soluble)
Dimethicone Copolyol (water soluble)
PEG-Dimethiconor

any other 'cone with "PEG-" suffix (water soluble)
Benzophenone-2, ( or 3, 4, 5, 6, 7, 8, 9, 10) - sunscreen
Methychloroisothiazolinone - preservative
Methylisothiazolinone – preservative.

ودي مادة واحدة بس وممكن خلال ثريد تاني أتكلم مادة خطرة تانية وكمان كيف نقرأ المكونات في العلبة ونعرف نسب المكونات في المنتج.
وفي النهاية دي صحتك وأنت متروك ليك الخيار إما أنك تشتري شي رخيص وتدفع دبل الحتدفعه في شراء شي أغلى ممكن يفيدك ويحافظ على صحتك (هو في أغلى من صحتك؟)

الثريد دا وبقية السلسلة بالتعاون ورعاية من تطبيق #كبسولة البيحاولوا انهم يوفروا المعلومة الصح والمنتج الكويس والخدمة الأفضل :
دا رابط تحميل التطبيق :
play.google.com
ودا حسابهم :
@capsulesudan
التغريدة الجاية حأضع ليكم مراجع للمزيد من الإطلاع عن موضوع السيليكون

play.google.com/store/apps/det…

mcgill.ca
alliancetechgroup.com
naturaler.co.uk

naturaler.co.uk/list-silicone-…

alliancetechgroup.com/news/case-stud…

mcgill.ca/oss/article/di…