ثريد: عودة المشتري والنهايات السعيدة .. #أبراج #خرائط_فلكية
ببساطة شديدة المشتري كل ١٢ سنة بيكون في نفس برج مشتري خريطة ميلادك وبالتالي عزيزي القارئ كل ١٢ سنة هيكون عندك عودة للمشتري. اول عودة بتبدأ وانت عندك ١٢ سنة واللي بعدها ٢٤ سنة وبعدين ٣٦ سنة وهكذا. يعني المشتري بيعبر نفس برج وبيت خريطة ميلادك و عادةً دي بتكون سنة مهمة ليك.
١. المشتري من الكواكب المرتبطة بالحظ والسعادة ولكن كمان مرتبط بالقدرة علي التطور والنمو الفكري والروحي وبالتالي عودة المشتري بتجلب قيم جديدة في حياتك، بتدفعك للتفكير والتأمل، فترة بتختبر إيمانك الداخلي وإيمانك بنفسك وعلاقتك بربنا وفلسفتك في الحياة بشكل عام.
٢. عودة المشتري هي فرصة للنمو الروحي، فرصة للبحث عن مصادر سعادتك، مصادر الهامك وعن قيمك كشخص ولذلك خلال السنة دي في إمكانية انك تقابل او تتعرف علي اشخاص ملهمة للغاية. اشخاص مش من نفس بيئتك ولا مروا بنفس تجاربك ولا عندهم نفس قناعاتك ومن خلالهم "بتسافر" لعالم جديد كلياً عليك.
٣. عودة المشتري قد تجلب فرصة للسفر او الانتقال لمكان مختلف وخاصةً لأهداف دراسية ولكن حتي لو مفيش فرص فعلية للسفر للبعض نقدر نقول انك علي الاقل هتسافر بفكرك لبيئة او محيط مختلف عنك، هتجد حالك في تجارب غير معتادة وقد تجد حالك منجذب لثقافة او حضارة او فكر معين خلال الوقت ده.
٤. المشتري كوكب كبير جداً وكذلك اثره وبالتالي عودة المشتري قد تجلب لك نجاح ساحق، شهرة غير متوقعة وفرص علمية فبتجد عدة اشخاص بتقرر تستكمل دراستها خلال الوقت ده او بتسعي لتعلم شئ مختلف وفي اشخاص بتتخرج وبتحقق نجاحات علمية خلال عودة المشتري لأنه بيدفع الشخص للتوسع والعلم والمعرفة.
٥. أثر عودة المشتري بيختلف من شخص للتاني وده متوقف علي عمر وطبيعة حياة كل شخص بالإضافة لطبيعة البيت اللي المشتري بيعبره فاحياناً عودة المشتري بترتبط بزواج، حمل، ترقية، تخرج، الحصول علي وظيفة يعني "حدث ضخم" ومن خلاله بتكتسب خبرة وبتبدأ حياتك تكبر بشكل تلقائي ومتوقع.
٦. في نفس الوقت "عودة المشتري" لا تحقق المعجزات ولا دايماً مرتبطة بالنهايات السعيدة لأن في اعتقاد عند البعض ان طالما المشتري كوكب الحظ يبقي دي أجمل سنة في حياتي وللأسف دي خدعة :D الفكرة ان الطاقة دي بتمنحك فرص وبتضعك في تجارب تقدر من خلالها "بمجهودك+إيمانك" انك تصل لما تسعي إليه.
٧. وبناءً عليه سهل خلال فترة عودة المشتري تكون بتواجه تحديات وازمات متعددة وتجد ان الامور فجأة كبرت مع انها بدأت صغيرة وانك فقدت سيطرتك بس في نفس الوقت "الفوضي" دي فيها فرصة انك تعمل الصح، تتمتع بروح رياضية، تقوي من إيمانك الداخلي يعني طبيعة التحدي اللي تعكس افضل ما فيك ومش العكس
٨. وعلي فكرة عودة المشتري احياناً بتكون مرتبطة بحادث او تجربة قوية وعميقة في حياة الشخص بيخرج منها بدروس أخلاقية وانسانية وده امر مثير للاهتمام لأن ممكن تجد الشخص فقد إيمانه بنفسه وبكل شئ حواليه وخلال عودة المشتري يمر بتجربة صعبة وتعيد ليه الإيمان والثقة والامل مرة اخري.
٩. عودة المشتري بتمثل مرحلة حساسة بالتأكيد لأنها بتمثل القدرة علي النمو والقدرة علي التعلم ودي مش حاجة سهلة إطلاقاً لأن مش كل الناس مستعدة تتعلم، مش كل الأشخاص عندها شجاعة انها تقول غلطت او ماعرفش وبالتالي مش هتستفيد من العودة الا لو قررت تتعلم، قررت تعرف، قررت تكبر وتسيب نفسك.
١٠. خلال عودة المشتري سهل تقابل اشخاص من جنسيات مختلفة او من طبقات اجتماعية مختلفة، سهل تجد مصادر الهام جديدة، سهل تجد اشخاص مستعدة تدعمك وتعلمك او من خلالها تتعلم دروس عن نفسك. فبالتأكيد مش سنة مناسبة للانعزال بالعكس ابسط المواقف هيكون من وراها حكمة فاستمتع :)
١١. الحياة بدون ايمان مالهاش معني فأفضل حاجة ممكن تعملها خلال عودة المشتري انك تبحث عن إيمانك، تسترجعه مرة تانية لأنه لو راح منك مش هتكبر، اينعم هتكمل ومع الوقت هتعجز ولكن هتفضل روحك محبوسة وهتفضل كل حاجة بلا معني. فكل ما تضيع من نفسك ابحث عن إيمانك عشان تجد لحياتك معني.
🌟 كالعادة خريطتك ليها الكلمة الأخيرة وتأكد ان مفيش بطل لحكايتك غيرك 🕊️
دي فكرة عامة عن أثر عودة المشتري وبالتالي التجربة هتختلف من شخص للتاني وده متوقف علي طبيعة كل خريطة والبرج والبيت والاتصالات اللي بنتكلم عنها. فحاول تكون مرن عزيزي القارئ وتكيف الكلام بطريقة تناسبك.
دي فكرة عامة عن أثر عودة المشتري وبالتالي التجربة هتختلف من شخص للتاني وده متوقف علي طبيعة كل خريطة والبرج والبيت والاتصالات اللي بنتكلم عنها. فحاول تكون مرن عزيزي القارئ وتكيف الكلام بطريقة تناسبك.
".. انت مش محتاج نهاية سعيدة ولكن محتاج حياة سعيدة. محتاج تبقي مؤمن باللي بتعمله، بالشخص اللي انت بتمثله، مؤمن بأفعالك واحلامك وحتي بجنانك وفي الاخر مصداقيتك هتخدمك اكتر من مثاليتك.."
بحبكم أبطالي 🦄 💜
بحبكم أبطالي 🦄 💜
جاري تحميل الاقتراحات...