كافاني واحد من أفضل 5 مهاجمين شوفتهم في حياتي، بعد فترة مهاجم متكامل ومرعب في نابولي، إتظلم في فترته مع باريس اللي لعبها مع مهاجم قوي كمان زي زلاتان وكان يستحق يلعب في فريق أكبر في مسيرته ويكون المهاجم الأول،
ثريد عن جوكر كرة القدم 🤡
ثريد عن جوكر كرة القدم 🤡
المهاجمين أنواع، أكتر مركز في كرة القدم فيه لاعبين مختلفين الصفات والهيئة، لكن كل الأنواع دي مهمتها الأولى هي إنهاء الفرص لأهداف،
في الوقت اللي فيه كل المراكز في الكورة إتطورت، المدافع بقى مطلوب منه دور هجومي في بناء الهجمة واللعب، لاعب خط الوسط اللي مطلوب منه يكون لاعب وهمي مع المهاجمين في المساحات بين مدافعي الخصم، الأظهرة اللي إتطورت بكل أشكال ومعاني التطوير، بل أصبحت الركيزة الأولى في كرة القدم حاليًا،
يظل مركز المهاجم غير قابل لأي إستحداث. يعني ايه مهاجم؟ يعني لاعب بيعرف يسجل، غير كده حتى لو بتعمل كل شيء إلا التسجيل، تظل مهاجم فاشل!
كافاني واحد من المهاجمين اللي تميزوا بكل شيء، فيه مهاجم بطيء لكنه محطة لكل اللاعبين وقوي في التمركز وسرقة رقابة المدافع اللي بيلعب عليه، وفيه المهاجم السريع المهاري اللي بيشارك في بناء اللعب واللمسة قبل الأخيرة، وفيه المهاجم السريع اللي بيكسب خطوة على المدافع وبيتوقع مسار اللعب.
كافاني كل ده، مهاجم بيعمل كل شيء مطلوب من دور المهاجم واللي بيكون كل حاجة في بعض، مش هبالغ لو قولت إنه أقوى مهاجم عاصرته بيربط الخطوط ويفكر في اللحظة اللي بيعود فيها للوراء لما بيهاجم الكرة مش المساحة، واللي كمان بيتقدم خطوات للأمام لما بيرتد الخصم وبيقرر يهاجم المساحة مش الكورة.
في الكورة عمومًا، لازم المهاجم يكون ناضج، ده بيحصل بتراكم الخبرة وتنمّي الثقة، حاليًا فيه كتير من المواهب اللي بيتصفوا بصفات كتيرة لكن مش كاملة، بالتالي المهاجم الخبرة بقى عملة نادرة،
كافاني عنده قوة من التكنيك عالية جدًا، دائم الحركة، دائمًا لما بيتحرك بيحاول يسرق خطوة من المدافع اللي بيلعب عليه أو اللي بيراقبه، ممتاز في التمركز وتمويه المدافعين اللي بيحاولوا يتوقعوا مسار لعب زملاء كافاني لأنه دائمًا أسرع منهم في كل تفكير،
هي دي الفكرة في شمولية كافاني، فيه مهاجمين كتير بيسجلوا من وضعيات أكتر ثبات، بينتظروا تحركات الجناحين وصانع اللعب والوسط وتمريراتهم،
لكن فيه النوع الأكثر شمولية، وهو اللي بيتوفروا على مهارة التوقع والإحساس، فين هتنتهي العرضية أو تمريرة صانع اللعب، وبيبدأ يتحرك على أساس الإحساس ده.
في ماتش ساوثهامبتون، اللي إنتهى بثلاثية لهدفين لليونايتد، كافاني نزل 20 دقيقة كبديل، برونو قرر يتجه للشمال بعد تحويل اللعب عليه، ده بسبب تشتيت رقابة دفاع ساوثهامبتون اللي كانوا بيدافعوا على اليمين، بالتالي تحويل اللعب ناحية الشمال بتكون أفضل لوجود مساحات مش بيتم مراقبتها
كافاني كان بيتحرك دائمًا، توقع مسار اللعب وسجل هدفين في الوقت اللي ساوثهامبتون كان فيه بيدافع بـ8 لاعبين تحت الكورة! دي أصعب بكتير من وجود مساحات بين المدافعين، خصوصًا المساحة اللي بتكون موجودة بين الظهير وقلب الدفاع اللي بجواره قبل الدخول للمنطقة.
كافاني في باريس من 3 مواسم، وقبل ماتش في الدوري الفرنسي ضد موناكو اللي كان فيه مبابي وبرناردو سيلفا وغيرهم من النجوم اللي خرجوا لفرق تانية، قال بعد الماتش إنه إتفرج على وضعيات رقابة دفاعهم أكتر من 6 ساعات متواصلة، قرر يحلل تحرك كل مدافع وازاي يقدر يكسب خطوة بالكورة ومن غير الكورة
في الماتش ده، كافاني سجل هدفين سرق فيهم نفس المدافع، وصنع هدف!
معظم أهداف الموهبة الفذّة هالاند مع دورتموند حاليا، هي من داخل منطقة الجزاء، ليه؟ لأنه دائمًا بيفكر ازاي هيستكشف الفراغ اللي بينتج من رقابة الخصم، وفي لحظة وبشكل مفاجئ، بتشوف بيتحرك خلف المدافع أو أمامه، ويسبقه بخطوة
معظم أهداف الموهبة الفذّة هالاند مع دورتموند حاليا، هي من داخل منطقة الجزاء، ليه؟ لأنه دائمًا بيفكر ازاي هيستكشف الفراغ اللي بينتج من رقابة الخصم، وفي لحظة وبشكل مفاجئ، بتشوف بيتحرك خلف المدافع أو أمامه، ويسبقه بخطوة
كافاني بيعمل كده، لكن مشكلته مع اليونايتد إن اللاعبين مش بيفهموا تحركاته وتمريراتهم قليلة له، إلا لوك شو وبرونو فيرنانديز وفان دي بيك،
ده ظهر النهارده مثلًا ضد ليفربول من دي بيك، فان دي بيك لعب الدور الأفضل له، صانع لعب وهمي بسبب تحركات كافاني المستمرة، التسلل بشكل خبيث بدون كورة في أنصاف المساحات وسرقة تحرك المدافعين وإلتقاط الكرات في المنطقة، دي بيك لو كان موفق النهارده كان سجل أو صنع.
كمان بعيدًا عن سياق اللعب بالكورة، بيلفت نظري دائمًا من أول يوم شوفت فيه كافاني، الذكاء الحاد في التمركز والتحرك بدون الكورة، هدفه في فولهام مثلًا مش وليد الصدفة، لأنه توقع مسار اللعب، بالتالي بخطأ من الحارس عرف يسجل، لو لاعب تاني بدون ذكر إسمه، كان مش هيتوقعها من البداية!
كمان الضغط المستمر منه على الخصم وهم بيبنوا الهجمة، عنده 34 سنة ومازال بيضغط ومش بيتكاسل وبيرجع كمان كلاعب إضافي تحت الكورة وقت الحالة الدفاعية، في حين إن فيه نفس اللاعب اللي بدون ذكر إسمه مش بيضغط ولا بيفكر يقطع كورة ولا يغطي لاعب.
كافاني لعب 590 دقيقة مع اليونايتد، 590 دقيقة بس من بداية الموسم، سجل فيهم 5 أهداف وصنع هدفين وكان يقدر يسجل ويصنع أكتر لو اللاعبين فاهمينه أكتر،
بالمناسبة، كافاني سجل 4 أهداف مش 5، لكن كورة العارضة النهارده ضد أليسون هعتبرها هدف، يبقوا 5 مش 4.
بالمناسبة، كافاني سجل 4 أهداف مش 5، لكن كورة العارضة النهارده ضد أليسون هعتبرها هدف، يبقوا 5 مش 4.
مين هو الجوكر؟
هيث ليدجر في السينما،
وإدينسون كافاني في كرة القدم 🤡
هيث ليدجر في السينما،
وإدينسون كافاني في كرة القدم 🤡
جاري تحميل الاقتراحات...