قبل سنين وتقريباً عام ٢٠١١ وعمري ١٥ سنة كنت دايماً ذيك الفترة تعبانة جداً احس بارهاق عظيم والم واكتئاب وعصبية وشعور مايوصف وماعرف اش سبب تعبي بس اللي عرفته اني تعثرت بدراستي ومن ذيك السنة تغيرت حياتي ٣٦٠ للأسوأ كنت ادعي كثير واستغرب ليش ما المس اثر دعواتي ليش ما انفرجت علي؟
كنت دايما اسمع ان الاستغفار فرج وقيام الليل دواء وكنت منهارة بكاء اخر الليل و اشوف كوابيس واستغرب مره ان حياتي العكس تتعقد وكل شيء بالحرف ادعيه يصير عكسه! مثلاً دراستي كنت دايما الاولى او الاولى مكرر اخر سنتين ماطيق الدوام صرت ، ادعي اتعافى يزيد الالم كل شيء بالحرف يصير عكسه..
ذيك الفترة م كنت ع الانستقرام بس اسمع قصص من قريباتي عن الاستغفار والدعاء واستمريت برضو سنين ومن جهلي وصغر سني كنت اترك واقول اش معنى انا م اشوف نتيجة ؟ ليش يصير العكس! ومرات الله يغفرلي اشوف اني مثلا مع ربي وناس عاصية وحياتهم تيسيرت وانا وضعي يزداد سوء .. لين وصلت عام٢٠١٥ ..
وحياتي زادت تعقيد وجاني تعبي المعروف لكن عرفت جواب لكل اسئلتي: انا اكتب عشانك مو عشان احكي خصوصياتي او مشاكلي لكن عشان اعرف كثير وجداً صار معاه هالامر ويستغرب! ليش ادعي كثير حالي نفسه ويتعقد ! ليش استغفر واذكر ما اشوف ثماره زي غيري؟ ليش فلان مثلاً مقصر مره مع ربي ومتوفق وانا لا!
حبيت يكون بخط يدي عشان اعمق ويوصل للقلب اكثر و عشان ما اكثر من الثريد وتملون واتمنى الخط يكون واضح: ولسه بكمل الباقي ♥️♥️
و بعد العشر سنوات هذي وانا بسن ال٢٥ او ٢٦ تغيرت كلياً و يشهد الله على كل حرف اكتبه صرت اشوف كل الدعوات المؤجلة من سنين وحتى الدعوات الحالية مُستجابة وان الله سبحانه ما ينسى عباده حتى لو يإسوا وبطلوا دعاء يفاجئهم بالفرج تمسكوا بحبل الله بتلاقون كل سعادة وتذكروا لكل ابتلاء نهاية♥️
احنا مو في سباق مين يسبق اول بالفرج ،بالتخرج،بالزواج ،بالانجاب!لكل منا رزق محفوظ وبيجيه حتى لو كان على ضعف وقلة حيلة واللي مع الله سبحانه مايخيب ولا يتوه ولايضيع♥️!واللي يعرفني من زمان يعرف اني مبتلاه من عمري٤سنوات ولكن باخر خمس سنين بدات اشوف كل شيء بنظرة مختلفة وصار زي ماقلت💗
صدقوني مهما تشوفون عكس كل شيء بتبدا الامور توضح معاكم والله سبحانه بيعوضكم وحتى انا وانتو بتفرج علينا حتى لو ببطء وشوي شوي الله يريد اكيد نتعلم شيء جديد ولكن بالاخير الجزاء عظيم والصبر مر لكن عاقبته حلوة وتذكروا ان دوام الحال من الحال ولابد يجي يوم زي ماكتبت بتكتبون قصص جبركم🙏🏻♥️
وثمرة كلً الدعاء والاستغفار والصدقات بيجي يوم تشوفون كل شيء يتيسير مو شرط فقط بموضوعكم لا كل شيء وتقولون هذا اثر كل شيء كنت اسويه حتى لو بعد سنين ، بختم الثريد ادري تكلمت كثير بس جاني شعور كذا اكتب وًحسيت ممكن يكون جواب ع اسئلة بخاطر كم شخص واتمنى وصلت الجواب بشكل عميق ويريح♥️
جاري تحميل الاقتراحات...