ثريد
---
ليه ربنا مفسرش القرآن ؟
--
١- من الاسئلة اللي بتيجي في بالي هو ليه ربنا مفسرش القرآن ؟ مش كان احسن على الاقل هيكون مفهوم من الاختلافات بين العلماء و هيكون واضح اكتر في قضايا كتير عليها اختلافات و سهل الفهم
---
ليه ربنا مفسرش القرآن ؟
--
١- من الاسئلة اللي بتيجي في بالي هو ليه ربنا مفسرش القرآن ؟ مش كان احسن على الاقل هيكون مفهوم من الاختلافات بين العلماء و هيكون واضح اكتر في قضايا كتير عليها اختلافات و سهل الفهم
٢- الاجابه بكل بساطه هتلاقيها جوا القرآن نفسه ، ربنا في كذا موضع في القرآن حث على اهمية التدبر و التأمل و تشغيل العقل ، فلو القرآن كان مفسر ده هيلغي فكرة التدبر ، القرآن كان هيتقرأ مرة واحدة بس
٣- لو ربنا فسر القرآن فأنت هتقرأه و تحفظ تفسيراته و خلاص شكراً على كدا مش هتفتحه تاني ولا هتقرب منه لانك خلصته خلاص ، مبقاش هيضيف لك جديد
٤- تاني سبب لعدم تفسير القرآن : هو ان القرآن صالح لكل زمان و مكان ، لو ربنا فسره و فسر اياته فمش هيكون صالح لكل زمن ، هيتفسر بالنسبه لزمن و مواقف معينه ، لان الناس و فكرهم و عقولهم بتتغير باختلاف الزمان و المكان
٥- من حكمة ربنا انه نزل القرآن بدون تفسير ، عشان في كل مرة تقراه تفهم منه حاجة جديدة ، في كل موقف تتعرضله و تقرأ بعدها القرآن بتدبر تطلع بمعاني و عبر جديدة تنطبق على الموقف اللي اتعرضتله
٦- لو بتقرأ القرآن في مصر هتفهم منه اشياء تنطبق على عاداتك و تقاليدك و لو بتقرأ القرآن في جنوب افريقيا هتفهم منه حاجات منطبقه على الواقع بتاعك و عاداتكم و تقاليدكم ، لو بتقراه من ٥٠٠ سنه هتفهمه على الواقع وقتها و لو بتقراه بعد ٥٠٠ سنه هتفهمه على الواقع وقتها
٧- حتى على نفسك لما بتقراه السنة دي غير لما قريته من ٥ سنين غير لما تقراه بعد ٥ سنين ، فهمك في كل مرة هيختلف له حسب افكارك و التجارب اللي اتعرضت لها ، كل فترة هتشوف حاجة جديدة فيه مكنتش شايفها
مقدمة تفسير الشعراوي : ولو أن القرآن من الممكن أن يفسر. لكان رسول الله ﷺ أولى الناس بتفسيره. لأنه عليه نزل وبه انفعل وله بلغ وبه علم وعمل. وله ظهرت معجزاته. ولكن رسول الله ﷺ اكتفى بأن يبين للناس على قدر حاجتهم من العبادة التي تبين لهم أحكام التكليف في القرآن الكريم
جاري تحميل الاقتراحات...