ناس كتير بتيجي مخالفات عربياتها عالية و معظم التظلمات بتترفض ف الناس بتدفع و هما مش عارفين ان فيه خطوة تانية بعد التظلمات. الكلام ده نقلاً عن قاضي كان رئيس محكمة المرور.
(ثريد)
(ثريد)
لو عملت تظلم و اترفض او لسه شايف انك مظلوم في المخالفات، اطلع على الادارة العامة للمرور في محافظتك (القاهرة في الدراسة و الجيزة كانت في بين السرايات و تقريباً راحت ٦ اكتوبر) و اطلب تعمل معارضة على الأحكام. هيتحددلك جلسة في محكمة المرور و هينظروا مخالفاتك و ممكن تقللها.
الموظفين غالباً بيخوفوا الناس و يقولوا لو المعارضة اترفضت القاضي هيحكم بالحد الأقصى للمخالفات. الموضوع ده اي كلام، ماتخلوش اي حد يخوفكم انكم تاخدوا حقكم.
لو بصيتوا على مخالفاتكم على الانترنت، هتلاقوا مثلاً مخالفة "تعمد تعطيل حركة المرور" (٥٠٠ جنيه) و دي بيحطوها مع اي مخالفة انتظار في الممنوع (٢٠جنيه)، و لازم يثبت فيها العمد أصلاً ف لما بتروح للقاضي في المعارضة بيشيلها خالص.
في مخالفة تانية "عدم اتباع تعليمات رجل المرور" (٥٠٠ جنيه) و دي بتبقى مع الانتظار في الممنوع و تعمد تعطيل حركة المرور، كومبو كده. دي برضه ماحدش يعرف يثبتها ف القاضي بيشيلها برضه.
يعني انت تركن صف تاني او في الممنوع و المفروض تدفع ٢٠ جنيه، فجأة تلاقيك لبست كومبو ١،٠٢٠ جنيه.
يعني انت تركن صف تاني او في الممنوع و المفروض تدفع ٢٠ جنيه، فجأة تلاقيك لبست كومبو ١،٠٢٠ جنيه.
جاري تحميل الاقتراحات...