انا ما ح اقوليكم الكلام النظري بتاع التنمية البشرية والكتب(رغم انه مهم)،انا ح اوريكم تجربتي الشخصية لاني منكم وزيكم ومريت بنفس الانتو بتمرو بيه، مشيت في نفس الشوارع وعشت نفس التفاصيل وواجهت نفس الصعاب البتواجهكم
لوعايز ألخص تجربتي بكلمه:
حددهدفك 'وتأكد' انك حتحققه مهماكانت الظروف

وعشان نكون عمليتين ونبدأ نستفيد من القروب دا ويحقق أهدافه عايزكم توروني انتو بتفضلو شنو هل اوريكم قصتي بالتفصيل وكل المراحل المريت بيها والصعاب الاتجاوزتها، عشان اي حد شايف نفسه 'اتعس واحد وصاحب أسوأ حظ' يعرف انه في أصعب من حالته لكن برضه في ناس اتجاوزوها وحققو أهدافهم واحلامهم

ولا ابدا طوالي احدد ملامح البرنامج وأقدم النصائح والتوجيهات اللي حتفيدهم في حياتهم (في حالة التزامهم بالتطبيق)، لكل الناس بكل مستوياتهم حسب مراحلهم الحياتية، طلاب، خريجين، واللي ما كملو تعليمهم وغيرهم
محتاج رايكم عشان نبدأ صاح لانه اي برنامج او تدريب بدون تفاعل الناس ما حيخدم غرض

عشان كدا ح اتابع التعليقات ونشوف الاكتر تصويتا شنو ونبدأ بيه ان شاء الله