1/ هذا واحد ثريد بسيط فيه واحد اتسركيلة على بعض المواضيع على بركة الله
2/ من اهم الاسباب و اللي كتأثر فالشخص هو المحيط، المحيط كايلعب واحد الدور كبير فبزاف دالحوايج قبل مانزيدو نتعمقو فالحديث نعطيو مثال بسيط :شخص سافر✈ الى بلاد جديدة فالشخص كايتماشى اتوماتكيا مع العادات دالمحيط ديالو مثال آخر المجتمع المغربي هنا غانهضرو على قوة المحيط حنا كما…
3/ …كاتعرفو مجتمع محافظ لكن فاش كانجيو لفضاء الإنترنيت كانستاضمو بواحد التناقض كيفاش فالواقع كانشوفو حاجة و كايتم الترويج لحاجة لكن فالسوشل ميديا كانشوفو حاجة اخرى السبب بسيط وكايعود الا الفرد بشكل كبير فنتا ما تراه يعكس توجهات فرد و حقيقته اللي منزوعة منها رقابة المجتمع…
4/ …فالشخص فاش كايبغي يتنمر اولا يدير افعال اولا يعبر على افكار كايكون ديكساع كايهضر بحقيقتو نقدو نقولو ان الأنترنيت واحد الوسيلة اللي عبارة عن قناع🎭 لانه الهوية ديالك ماكاتعرفش و كاتخلي بعض الحوايج المقبورة تخرج للسطح و تلذذ بفعلها هنا كانستنتجو ان الأنترنيت لها دور انه…
5/ …الشخص كايبين الحقيقة اللي هي الشادو نعرفو shadow theory هي ببساطة و (نمرو عليها مرور الكرام لأنه طويلة باش تشرح فيها بزاف داللعيبات) هي انه حنا كأشخاص عندنا بزاف دالطباع اللي ماكانبغيوش نشوفو راسنا فيهم اولا ماكانتقبلوهومش فكايتخباو و كايتهملوا و كايتم الاعراض عنهم نظرا…
6/ …لبزاف دالعوامل منها عاوتاني المحيط و الطفولة .... لذلك هنا الشخص فاش كايكون بوحدو كايقد يخرج هاد الأفعال و كايبين على حقيقتو مثلا واحد الشخص ماكايقدرش يقول كانبغيك يفصح عن مشاعره زعما كانلقاو فهاد عدم القدرة عن الإفصاح هو ظل من بعد المرات خاصك تواجه الظل ديالك و تخرج…
7/ …شيحوايج.../// نرجعو للموضوع قلنا انه من الأسباب الرئيسية فتبني عادة هو المجتمع و كذلك مسألة كيفاش الشخص كايشوف للأمور صراحة أي حاجة راه كاتلقا انه داخل فيها الشخصية و طريقة النظر للأشياء دونك ماغانعتابروهش شيئ مهم و ماندخلوهاش فالنقاش حيت كانهضر هادي من البديهيات و…
8/ …ندوزوي للشيئ الثاني/// اللي هو تكسير العادة من بين اهمها هو الصدمة فمثلا شخص كايموتلو شيحد و كايتحط فموقف و كايشوف حوايج عمر شافهم كايوقع ليه صدمة اللي كاتخليه يتبنا عادة اولا يتخلص من عادة كأنه يبدا يصلي اولا يقطع شراب بسبب هاد الحادث ليكان غايأدي للموت ديالو هنا الصدمة…
9/ …كايكون عندها واحد التأثير كبير علاش لأنه فقط تخايلها يا عزيزي القارئ كأن الحدث ماكايوقعش فقط على مستوى العقل الواعي بل كايتجاوز لا وعي بحال الا واحد القنطرة🌁🌉 كاتبنا فديك اللحظة و كاتدوز الصدمة و العواقب للاوعي لذللك كاتلقا واحد التغير جذري و قوي لأنه نابع من العقل…
10/ …الباطني/// المشكل هو انه واخا الشخص كايشوف ناس ماتوا و ولا عندهم سرطان بسبب عادات معينة الشخص نفسه ديما كاشوف راصو انه ماغايوقع لوش داكشي لأنه الصورة اللي كايشوف بيها العالم كايشوفها من زاويتو هو و كايحاكي هاد العالم بوحدو لذلك كايعتابر راصو مميز و انه عدة اشياء…
11/ …ماغاتصيبوش لسبب وجيه الشخص متفرد بالوجود ديالو لإدراك خطورة شيى ما و يتخلص من هذه النظرة خاص الوجود ديالو يتقسم على 2 و يوقع حدث فواحد تما غايأثر على الوجود الآخر و هذا ممكن نوعا ما :الأحلام هي اللي كاتلعب هاد الدور...
12/ الا جينا نشوفو العادات و الناس اللي كيتبناو العادات غانلقاو واحد القاسم مشترك بيناتهم اللي هو ان نحن الأشخاص قبل تبني اي عادة العقل الباطني كايصنفهم الأشياء الى طبيعي غير طبيعي و في مسألة العادات الضارة كاتزاد خانة طبيعي غير اعتيادي اولا طبيعي مسموح به هاد تكوين صورة عن…
13/ …شيى ما كاتجي من الضغر لذلك الا قدرنا ترسيخ انه شيئ ما غير عادي منذ الصغر كانكونو درنا خطوة استباقية لانه فديك الفترة بالظبط كاتكون الشخصية و كايتم تبني افكار و تصورات ... ///العقل الباطني ديالنا كايعرف هادي كاتقتل هادي ماكاتقتلش السم كايقتل و كايأدي لتدمير آني اذن تجنبو…
14/ …لكن حيتاش عادة عندها واحد التدمير غير لحظي و كايكتاسب هاد النظرة من المحيط فكايتقبلها و كايحصنفها ضمن الخانة 3 و من بعد كايسهل المرور الى تبني الفعل اللي جاي من تكوين صورة عليه بلا كاندخلو فالإعلام و و فتكوين بعض الصور و تقبلها صراحة كاينين أفكار اللي عندهم امتداد…
15/ …لمواضيع اخرى و لا تقتصر فقط على العادات و شكخا كانوا فقط بعض الأفكار اللي جبيت نشاركها معاكم 😄😄
جاري تحميل الاقتراحات...