رسالة الدافع (أو خطاب النوايا) هي أهم خطوة بلا منازع في طلب تقديمك للمنحة التركية وهي الحاجة البيحصل عن طريقها مفاضلات اختيار الفائزين بالمنحة من بين عشرات الالاف من الطلبات, فعشان كدا بننصحكم انكم تدوها زمن مناسب للكتابة وما تتسرعوا وتكتبوا أي كلام
#منحة_الحكومة_التركية
#منحة_الحكومة_التركية
كتير من الطلبة بحسوا بالرهبة من كتابة رسالة الدافع, ودي حاجة مفهومة نسبة لانها حتحدد بشكل كبير قبول الطالب من عدمه, لكن في نفس الوقت بنقول ليكم انو ما تخلي الرهبة دي تستحوذ عليك لانو ببساطة في رسالة الدافع انت مطالب بانك تشمل حاجات اساسية بسيطة بعد تعرفها حتتسهل عليك الكتابة جدا
طيب قبل ما نخش في مضمون الرسالة وانو انت مفروض تكتب عن شنو في ملاحظات بسيطة بخصوص رسالة الدافع في المنحة التركية انت لازم تكون ملم بيها :
1- رسالة الدافع بالنسبة لطلاب البكالريوس والماستر ممكن تتكتب بأي لغة سواء عربي أو انجليزي أو اي لغة تانية, فما تجبر نفسك تكتب بلغة انت ما مرتاح ليها لانها حتأثر على جودة تعبيرك.
2- بالنسبة لطلاب الدكتوراه فلازم يكتبوا رسالة الدافع يا اما باللغة الانجليزية أو التركية فقط.
3- رسالة الدافع حاجة خاصة بيك انت, ولجنة الاختيار عايزة تعرف شخصيتك, تجاربك, أحلامك وطموحاتك, فابعد كل البعد عن انك تنقل كلام شخص تاني بالنص أو تعمل copy and paste لنماذج من الانترنت
3- رسالة الدافع حاجة خاصة بيك انت, ولجنة الاختيار عايزة تعرف شخصيتك, تجاربك, أحلامك وطموحاتك, فابعد كل البعد عن انك تنقل كلام شخص تاني بالنص أو تعمل copy and paste لنماذج من الانترنت
4- ما تتكلف في الكتابة,يعني ما لازم تكتب كلمات كبيرة وتعابير مصطنعة, وصل فهمك بلغة تكون بسيطة ومعبرة في نفس الوقت.
5- خليك مرتاح وانت بتكتب, دا ما اختبار, ممكن تكتب وتمسح وتعدل لحدي ما تحس انو رسالة الدافع دي بتعبر عنك وبتوصل الرسالة الانت عايزها للقارئ.
5- خليك مرتاح وانت بتكتب, دا ما اختبار, ممكن تكتب وتمسح وتعدل لحدي ما تحس انو رسالة الدافع دي بتعبر عنك وبتوصل الرسالة الانت عايزها للقارئ.
يلا نجي لشكل ومضمون رسالة الدافع(خطاب النوايا) في المنحة التركية, حتلقى مكتوب ليك : ( اكتب تجاربك الأكاديمية والاجتماعية في المجال الذي تنوي الدراسة فيه في هذا القسم, والسبب الرئيسي لاختيارك تركيا, واشرح أهمية التعليم اللذي سوف تتلقاه وخططك المستقبلية في تركيا)
الحد الأقصى لعدد الحروف 3000 حرف يعني تقريبا 450 كلمة كدا.
طيب واضح من النص الفوق دا انو في عدد من الأسئلة انت مفروض تجاوب عليها, ولازم تجاوب على كل سؤال وما تتجاهل اي حاجة طلب منك انك تذكرها. ما بالضرورة انك تجاوب على الأسئلة دي بالترتيب, يعني مثلا
طيب واضح من النص الفوق دا انو في عدد من الأسئلة انت مفروض تجاوب عليها, ولازم تجاوب على كل سؤال وما تتجاهل اي حاجة طلب منك انك تذكرها. ما بالضرورة انك تجاوب على الأسئلة دي بالترتيب, يعني مثلا
ممكن تبدا خطاب النية بتاعك بالجزئية بتاعت سبب اختيارك لتركيا, لكن المهم انك تجاوب عليهم كلهم.
خلونا أول نمسك جزئية (اكتب تجاربك الأكاديمية والاجتماعية في المجال الذي تنوي الدراسة فيه في هذا القسم)
هنا المفروض تكتب عن أسباب اختيارك للتخصص (أو التخصصات اذا اخترت اكتر من واحد, بس..
خلونا أول نمسك جزئية (اكتب تجاربك الأكاديمية والاجتماعية في المجال الذي تنوي الدراسة فيه في هذا القسم)
هنا المفروض تكتب عن أسباب اختيارك للتخصص (أو التخصصات اذا اخترت اكتر من واحد, بس..
نصيحة ليك انك تحاول تختار تخصص واحد بس أو اذا ما ممكن 3 بالكتير) والشغف والتجارب الشخصية العندك فيما يتعلق بالتخصص دا, سواء كانت أكاديمية أو اجتماعية. يعني مثلا ليه عايز تدرس الهندسة الالكترونية؟ شنو الحاجة الشدتك للمجال دا؟ هل عندك تجربة ممكن تحكيها عن المجال دا سواء كانت
أكاديمية أو اجتماعية أو تطوعية؟احكي عن قصة حصلت ليك متعلقة بالمجال دا.
دي كلها أسئلة ممكن تساعدك على الاجابة عن السؤال دا وانت مفروض تصيغها باسلوبك الفريد والخاص بحيث انها تعبر عنك وعن تجربتك.
دي كلها أسئلة ممكن تساعدك على الاجابة عن السؤال دا وانت مفروض تصيغها باسلوبك الفريد والخاص بحيث انها تعبر عنك وعن تجربتك.
الجزئية التانية (السبب الرئيسي لاختيارك تركيا)
هنا ممكن تعدد مميزات تركيا كبلد, سواء جودة التعليم العالية,التقدم والازدهار البتعيشه تركيا, البيئة المساعدة على الانتاج والتميز,... الخ, يعني بالدارجي كدا كسر تلج(لكن ما شديد بس). لمن تجاوب على السؤال دا ابعد من انك تذم بلدك, يعني
هنا ممكن تعدد مميزات تركيا كبلد, سواء جودة التعليم العالية,التقدم والازدهار البتعيشه تركيا, البيئة المساعدة على الانتاج والتميز,... الخ, يعني بالدارجي كدا كسر تلج(لكن ما شديد بس). لمن تجاوب على السؤال دا ابعد من انك تذم بلدك, يعني
مثلا ما تقول انك اخترت تركيا عشان السودان بلد سئ والمعيشة فيهو ما محتملة والوضع الاقتصادي كارثي, مع انو الكلام دا صاح, لكن حيدي انطباع ما كويس عنك.
الجزئية الأخيرة ( واشرح أهمية التعليم اللذي سوف تتلقاه وخططك المستقبلية في تركيا)
وهنا حتتكلم عن انو كيف الدراسة الجامعية الحتتلقاها في تركيا حتساعدك في المستقبل واتفصل في انك تشرح أي أهداف مستقبلية انت عايز تحققها من خلال المنحة دي. في الجزئية دي حاول بقدر الامكان...
وهنا حتتكلم عن انو كيف الدراسة الجامعية الحتتلقاها في تركيا حتساعدك في المستقبل واتفصل في انك تشرح أي أهداف مستقبلية انت عايز تحققها من خلال المنحة دي. في الجزئية دي حاول بقدر الامكان...
برضو انك توضح كيف انك حتفيد بلدك الأم بالتعليم الاخدتو خلال السنوات دي (حتى لو ما مخطط انك ترجع)
جاري تحميل الاقتراحات...