اللي ناويين يسافرون قطر ويشرفونا، للعلم انها تغيرت تغير جذري آخر سنتين، بحط لكم في هالثريد اهم واحلى الأماكن عندنا من مقاهي ومناطق ترفيهية ومولات ويامرحبا بكم في بلدكم الثاني .. 🇶🇦
فضل التغريدة وارجع لها وقت ماتحتاجها..
فضل التغريدة وارجع لها وقت ماتحتاجها..
طبعًا قبل ما ابدأ حاب اقولكم الحمدلله على لم الشمل ويشهد الله ان الشوق واصل حده ياهل السعوديه والبحرين والامارات وعمان والكويت، خليجنا واحد❤️
١. اكيد سمعتوا عن مول الحزم، باختصار لو تدخله تحس نفسك فعالم آخر، اشي فخامه اشي اضواء اشي مطاعم، انصحكم تكون وجهتكم الاولى، من وجهة نظري هذا افخم مول فالعالم
٢. اللؤلؤة، كانت بحر وتم دفنها وبناء مدينة كاملة على الطريقة الايطالية🇮🇹، تقريبًا كل الاوربيين فقطر ساكنين هنا، المهم انها وجهه مهمه لكل سائح، تبي تحس نفسك فاوروبا؟ زورها
٣. كتارا، تبي تشوف الشعب القطري عن قرب؟ تعال هنا، احلى شي المقاهي والمعارض اللي تتنظم فيها، جو ثقافي بحت وممتع بنفس الوقت
٤. مشيرب قلب الدوحة، للحين ما انتهت لكن جزء صغير منها مفتوح وقابل للزيارة، والله العظيم تصميم هالمدينة ولا بالاحلام، شي مو طبيعي مابي اكثر كلام زوروها وحاسبوني لو ماعجبتكم
٥. مكتبة قطر الوطنية، اتوقع هذي افخم واكبر مكتبة بالشرق الاوسط، اي كتاب في بالك بتحصله هنا، منظرها واجوائها يخلونك تحب تقرأ غصب، ياعشاق الكتب والرويات لاتفوتكم 📖
٦. متحف قطر الوطني، تصميمه نادر ورهيب بنفس الوقت، اي شيء متعلق بالتراث بتحصله هنا، مكان رائع ويستحق الزيارة
٧. لوسيل، ايضًا مدينة جديدة للحين ماكتملت، لكن يُسمح بزيارتها، خذ فرتبن فيها واضمن لك نفسيتك بتتغير ١٨٠ درجة، كل شي فيها فخم حتى سكانها ماشاءالله بس
٨. افخم المولات عندنا بالترتيب
-الحزم مول
-فستفال سيتي
-قطر مول
-طوار- جلف- ازدان مول
-الحزم مول
-فستفال سيتي
-قطر مول
-طوار- جلف- ازدان مول
٩. جزيرة بنانا 🏝، جزيرة مصغره او تقدر تقول شاليه، فيها كل شيء وياخذك قارب من الدوحة لين هالجزيرة، صراحه قضيت فيها احلى ٥ ايام من حياتي، تجربة ماتتفوت
١٠. شاطئ لوسيل، مكاني المفضل لرياضة المشي، اشي منظر اشي جو اشي ناس، صراحه ١٠/١٠
تبي جو؟ عندنا
تبي بر؟ عندنا
تبي بحر؟ عندنا ❤️
تبي بر؟ عندنا
تبي بحر؟ عندنا ❤️
١١. ملاعب كأس العالم 2022
- استاد خليفة الدولي
- استاد لوسيل
- استاد البيت
- استاد الجنوب
- استاد خليفة الدولي
- استاد لوسيل
- استاد البيت
- استاد الجنوب
١٢. مقهى سوشيال، تعطيهم اغنيتك المفضلة او اي شي تحب تسمعه ويشغلونها لك مع هالڤيو، دعوه للاسترخاء فعلاً
١٣. منتجع سلوى، افخم منتجع في ٢٠٢٠ صمموه على الطريقة اليونانية 🇬🇷، صراحه للحين ما زرته بس مخليه ضمن الاولويات فالمستقبل، شي رهيب ومختلف 🏝
١٤. جامع الامام محمد عبدالوهاب، من اكبر المساجد في دول الخليج، تصميمه جدًا مبهر، دعوه للطمأنينة❤️
انتهى الثريد✏️
فيه بعد اماكن كثير ماذكرتها لكن هذا اللي قدرت احصيه، اتمنى اني ماطولت عليكم، ودعمكم لي بمتابعتي يحفزني، شكرًا لحسن قرائتكم♥️
فيه بعد اماكن كثير ماذكرتها لكن هذا اللي قدرت احصيه، اتمنى اني ماطولت عليكم، ودعمكم لي بمتابعتي يحفزني، شكرًا لحسن قرائتكم♥️
اي صح نسيت شيء مهم، تكفون اي شخص او عائله تزور قطر فالايام القادمة يكلموني خاص، عندي اشياء حلوه بتفيدهم في رحلتهم، واعتبروها هديه مني لكم وترانا نحبكم والله❤️
جاري تحميل الاقتراحات...