ثريد
--
ليه الناس ممكن تتجاهلك ؟
---
١- الـ overthinking و الافكار السلبية : دايماً الافكار السلبية بتأثر علبك بصورة انت مش حاسس بيها ، فبتقوم بعمل جدار عازل بينك و بين الناس ، ده بيأثر عليك في طريقه تعاملك مع الناس
--
ليه الناس ممكن تتجاهلك ؟
---
١- الـ overthinking و الافكار السلبية : دايماً الافكار السلبية بتأثر علبك بصورة انت مش حاسس بيها ، فبتقوم بعمل جدار عازل بينك و بين الناس ، ده بيأثر عليك في طريقه تعاملك مع الناس
- الحل : حاول تفكر بطريقة ايجابيه و حاول تخرج اللي جواك و تشاركه مع الناس عشان تتعرف على شخصيتك و عشان تكسر الجدار اللي انت عامله حول تعاملاتك مع الناس
٢- توقع الاسوء : مثلاً لما تكلم حد و تلاقيه مبيردش ، فعقلك يصورلك ان الشخص ده متجاهلك عمد و تبتدي الافكار السلبية ناحية الشخص ده تشتغل ، مع انه الشخص ده ممكن يكون عنده ظروف او مشغول و مش فاضي
- الحل : دايماً خلي عندك حسن ظن في الحاجات اللي زي دي ، متخليش عقلك يتحكم فيك و بص دايماً للجانب الايجابي ، الصورة مش كاملة عندك عشان تحكم عليها ، فاعمل حساب عندك للاعذار و قدرها و التمس ١٠٠ عذر
٣- لو انت مصدر للطاقة السلبية و النكد : كل واحد عنده مشاكله و الناس بتحب تروح للي يدعمها وقت المشاكل و يديهم طاقه ايجابيه ، فطول ما انت باصص للحانب السلبي الناس هتبعد عنك عشان محدش هيحب يقرب من حد بيزودها عليه
- الحل : اختار الوقت المناسب اللي تتكلم في عن مشاكلك مش كل ما تقعد مع حد تفضل تحكيله عن مشاكلك و تبص على الجانب السلبي و تشوف الحياة سوداء ، طبيعي انت لو مكان الشخص ده هتتجاهله
٤- لو انت عايش دور الضحية او لو مغرور : لو عايش دور الضحية و شايف الدنيا كلها جايه عليك و عمال تتكلم عن مشاكلك من غير تدي فرصه لحد يشاركك همومه ، او لو مغرور و دايما تتكلم عن نجاحاتك و عربياتك و سفرياتك
- الحل : متزهقش الناس منك و ترجع تعيط ، مش كل مرة تتكلم عن نفس الحاجة ، الناس بتحب اللي يشاركها مشاكلهم و اهتماماتهم ، و مبتحبش الشخص يشوف نفسه اعلى منهم
٥- الغيرة : الغيرة سواء منك انك تغير من اللي حواليك عشان شايفهم احسن منك ، او الناس تغير منك عشان شغلك او عشان انت وسيم او بتهتم بنفسك ، الغيرة دايما بتبان في التعاملات
- الحل : لو انت اللي بتغير ، ركز على الغيرة الصحية اللي بتحفزك و خليك واثق في نفسك و اتمنى دايما الخير للناس ، لو الناس بتغير منك حاول توضح لهم بعض العيوب اللي عندك عشان تكون الصورة واضحة قدامهم
٦- بتختار ناس غلط : في حالة شائعه بتحصل انك تيجي تحاول تكون وسط شلة صحاب و تكون منهم بس تلاقيهم بيتجاهلوك او مش بتتعامل بنفس الاهتمام اللي بيتعامل بيه باقي افراد الشلة
- الحل : التعامل مع كل فرد لوحده هيكون سهل مش مع الشلة مرة واحدة ، مع الوقت هتكون قريب من كذا شخص في الشلة دي فيكون دخولك للشلة سهل ، لكن متعملش العكس عشان غلط ، صاحب الكل وحيد
٧- بتختار ناس مش شبهك : فكرة انك تكون مختلف عن اللي حواليك سواء تفكيرك او اهتماماتك دي بتأثر بشكل طبيعي على العلاقات ، لان الناس بتحب اللي يشاركها اهتمامتهم و تفكيرهم و ده اللي بيسبب العنصرية الناس بتميل للي شبههم
- الحل : اختار ناس شبهك ، قرب من الناس اللي لهم نفس افكارك و اهتماماتك ، و تقبل الناس اللي حواليك حتى لو مختلفين عنك
٨- لو انت كذاب و منافق : في ناس مدمنة كذب ما شاء الله ، بيجيبوا كلام من دماغهم و بعدين يورطوا اللي حواليهم فيه ، و محدش بيحب يقرب من الناس اللي بتتكلم عليهم وحش من ورا ضهرهم و هما قدامهم عاملين صحابهم
- الحل : حط في دماغك ان الكذب مش هينجيك ، لو عملت مصيبة و اعترفت احسن من انك تكذب عشان لو الشخص اكتشف مذبك مش هيلتمس لك اعذار ، احترم نفسك و قول اللي حواك قدام الناس بدون نفاق ، لان المنافق بني ادم مش بيحترم ذاته اصلاً
٩- انك تكون مش قد كلامك حتى في ابسط الاشياء يعني توعد بحاجة مهما كانت بسيطه و متعملهاش او تماطل في عملها ، لانك بتعشم الناس على الفاضي
- الحل : مش عيب ترفض والله ، بس العيب انك توعد حد بحاجة و متعملهاش ، لان الوعد بيعشم و يطمن الشخص اللي وعدته و ممكن تعطله عن كتير بسبب وعدك الكاذب له
جاري تحميل الاقتراحات...