السبع الموبقات
كلنا -بلا استثناء- بنعمل ذنوب مختلفة المستويات والتأثير.. كلنا فينا شرور متفاوتة الضرر..
لكن في شرور احنا مانقدرش نستوعب مدى ضررها أو كارثيتها.. شر بينتشر ويتمدد ويؤثر ف نفوس وحيوات ممكن عمرنا مانستوعبها أو نشوفها حتى..
كلنا -بلا استثناء- بنعمل ذنوب مختلفة المستويات والتأثير.. كلنا فينا شرور متفاوتة الضرر..
لكن في شرور احنا مانقدرش نستوعب مدى ضررها أو كارثيتها.. شر بينتشر ويتمدد ويؤثر ف نفوس وحيوات ممكن عمرنا مانستوعبها أو نشوفها حتى..
نوعية الشرور دي ربنا سبحانه قال عليهم -على لسان نبيه صلى الله عليه وسلم- موبقات..
سبع خطايا استقرت في قاع الشرور كلها..
وإن كنا لابد مذنبون؟ فعلى الأقل نبعد عن السبعة دول..
قد تتخيل عزيزي القاريء إن الموبقات دي بعيدة عننا كمجتمع يعني..
تعال نشوف..
سبع خطايا استقرت في قاع الشرور كلها..
وإن كنا لابد مذنبون؟ فعلى الأقل نبعد عن السبعة دول..
قد تتخيل عزيزي القاريء إن الموبقات دي بعيدة عننا كمجتمع يعني..
تعال نشوف..
الأولى: الشرك بالله..
ودي مابقتش بالسجود لصنم خلاص.. دي ممكن تحصل لما قلبك يقتنع إن الشركة هي اللي بترزقك.. أو الدكتور والدوا هما اللي بيشفوك.. أو فلان هو اللي بيخلصلك مصلحتك..
الشرك بالله سهل أوي يحصل لما نعبد الأسباب وننسى رب الأسباب..
ودي مابقتش بالسجود لصنم خلاص.. دي ممكن تحصل لما قلبك يقتنع إن الشركة هي اللي بترزقك.. أو الدكتور والدوا هما اللي بيشفوك.. أو فلان هو اللي بيخلصلك مصلحتك..
الشرك بالله سهل أوي يحصل لما نعبد الأسباب وننسى رب الأسباب..
الثانية: السحر..
وده للأسف منتشر بدرجة كبيرة رغم أنف الـ Materialism والـ Physical Reductionism..
والانتشار من الناحيتين، سواء من ناحية السحرة اللي عملوا عقود مع الشياطين أو من ناحية الزباين اللي بيستعينوا بالسحرة ليؤذوا الناس..
وده للأسف منتشر بدرجة كبيرة رغم أنف الـ Materialism والـ Physical Reductionism..
والانتشار من الناحيتين، سواء من ناحية السحرة اللي عملوا عقود مع الشياطين أو من ناحية الزباين اللي بيستعينوا بالسحرة ليؤذوا الناس..
الثالثة: قتل النفس التي حرم الله بغير حق..
ودي برضو منتشرة والناس بتستسهلها.. اتنين يتخانقوا وتاخدهم العزة بالإثم فواحد فيهم يطلع سلاح ويقتل التاني كده ببساطة ويقف يتفاخر إنه جامد أوي وبيقتل اللي يزعله..
ودي برضو منتشرة والناس بتستسهلها.. اتنين يتخانقوا وتاخدهم العزة بالإثم فواحد فيهم يطلع سلاح ويقتل التاني كده ببساطة ويقف يتفاخر إنه جامد أوي وبيقتل اللي يزعله..
الرابعة: أكل مال اليتيم..
وأشهر صوره لها حاليًا زوجة جوزها يموت فأهله وأخواته يطردوها هي وعيالها من كل ماهو حق لها ولهم.. وبيعتبروا إنهم كده بيحافظوا على فلوس الأسرة عشان الغريبة دي هتاخدها وتروح تديها لراجل غريب تتجوزه!
وأشهر صوره لها حاليًا زوجة جوزها يموت فأهله وأخواته يطردوها هي وعيالها من كل ماهو حق لها ولهم.. وبيعتبروا إنهم كده بيحافظوا على فلوس الأسرة عشان الغريبة دي هتاخدها وتروح تديها لراجل غريب تتجوزه!
الخامسة: أكل الربا..
عاوز شقة؟ خد قرض
عاوز عربية؟ خد قرض
عاوز تعمل مشروع؟ خد قرض
عاوز ماتشتغلش؟ حط مبلغ ف بنك ربوي وعيش من الفوايد.. متضايق عشان حرام؟ هنجيبلك فتاوي إنه مش حرام عشان ضميرك يرتاح..
الحاجات دي بقت روتين أصلًا.. يعني أساسًا الكلام ف حرمانيتها بقى خبل وأڤورة..
عاوز شقة؟ خد قرض
عاوز عربية؟ خد قرض
عاوز تعمل مشروع؟ خد قرض
عاوز ماتشتغلش؟ حط مبلغ ف بنك ربوي وعيش من الفوايد.. متضايق عشان حرام؟ هنجيبلك فتاوي إنه مش حرام عشان ضميرك يرتاح..
الحاجات دي بقت روتين أصلًا.. يعني أساسًا الكلام ف حرمانيتها بقى خبل وأڤورة..
السادسة: التولي يوم الزحف..
يمكن دي الوحيدة اللي ماشوفنهاش لسه الحمدلله..
السابعة: قذف المحصنات الغافلات المؤمنات..
عاوز تطلق من غير ماتدفع ولا مليم؟ لبس مراتك قضية زنا ولاعنها ادام القاضي عادي..
يمكن دي الوحيدة اللي ماشوفنهاش لسه الحمدلله..
السابعة: قذف المحصنات الغافلات المؤمنات..
عاوز تطلق من غير ماتدفع ولا مليم؟ لبس مراتك قضية زنا ولاعنها ادام القاضي عادي..
متضايقة من فلانة؟ قولي إنها شمال وبتاعت شقق..
دخلت ف نقاش مع واحدة على السوشيال ميديا وزنقتك؟ قولها يا ***** عادي..
الباطل بقى لابس شيك وله مسميات حلوة وريحتها حلوة..
ربنا يعافينا جميعًا ويسترنا ولا يفضحنا..
دخلت ف نقاش مع واحدة على السوشيال ميديا وزنقتك؟ قولها يا ***** عادي..
الباطل بقى لابس شيك وله مسميات حلوة وريحتها حلوة..
ربنا يعافينا جميعًا ويسترنا ولا يفضحنا..
جاري تحميل الاقتراحات...