Mohammed Alara₿i
Mohammed Alara₿i

@Moh_alarabi

31 تغريدة 105 قراءة Jan 15, 2021
Twitter
#ثريد:(لا تفتح الباب للغرباء ليلا) :
.
.
-(لا تفتح الباب للغرباء) جملة كانو يقولوها لينا اهالينا زمان وحتى الان بتتقال لينا بس حصل فيوم سمعت قصة عن حاجة حصلت و كانت غريبة؟
⭕ ماتنسى الرتويت عشان تجي تقراها بعدين⭕
(حأسرد الثريد تغريدة تغريدة فخليكم متابعين)
#ثريد:(لا تفتح الباب للغرباء ليلا) : . . -(لا تفتح الباب للغرباء) جملة كانو يقولوها لينا اهالينا زما...
-اهلا انا (عمر) داير احكي ليكم قصتي مع اسوأ ليلة في حياتي.
كان عندنا مناسبة ف البلد وامي وابوي سافرو وقاعدين انا واختي ف البيت، ف اليوم السافرو فيهو بالليل حولي الساعة ١٢ كدا باب الشارع دقَّ.
اختي سالتني منو الحيجينا ف زمن زي دا؟!
ف البداية م ركزت قلت يمكن ديل شفع الحي لانهم بالليل بدقدقو الابواب ساي. شوية كدا تاني الباب دقّ دق اقوي من الاول.....
قمت سريع فتحت الباب لقيت راجل كبير ف العمر ومعاهو مرا منقبة...
_السلام عليكم عليكم السلام_ قال لي فلان موجود؟ وكان اسم ابوي.
-رديت قلت ليهو انو ابوي دا سافر عندو مناسبة وحيجي بكرا الصباح. فقام ردا وقالي انا زميلو من زمان كنا شغالين سوا في (.....)وفعلا ابوي زمان كان شغال ف المكان دا وقال انهم جايين من مكان بعيد وغريبة ماكلمني انو مسافر.
-رديت قلت ليهو يمكن نسى بس اتفضلو اقعدوا معانا لحدي الصباح وكدا.
فعلا دخلو وقعدنا ف الصالة وزي ماعارفين جو الضيافة ف البداية ما بتعرف تفتح موضوع وشوية بدينا نتكلم ومرتو ابدا ما اتكلمت.
-اختي جابت العصير والموية لاخطت انو مرتو ابدا ما شربت حاجة بعد عشرة دقايق اتكلمت مع الراجل ف اضانو (بتهمس ليهو) فا قام قالي ياولدي عن اذن بس.
-مرتي عايزة تدخل الحمام قمت قلت اوصف ليها اول ما بديت اتكلم معاها تطلعي من الصالة وتلفي يمين الراجل اتكلم معاي بنهرة كدا! (ما تتكلم مع مرتي!!) ومعالم وشو اتغيرت بقا غضبان شديد! انا سكت مستغرب شديد واختي نفس الشي. قامت قالت للمرا تعالي معاي قامت وطلعت وراها بس في شي غريب!؟
-مرتو دي مشيتها كانت غريبة مش يعني بتعرج ولا حاجة لا كانت زي المابتمشي! يعني ما بتاخد خطوات ومتحركة ف نفس الزمن كيف ماعارف! قلت يمكن انا بس بركز شديد عادي في ناس بتمشي بأطراف اصابعا بس انا متنشن شديد من الجو الغريب الحصل من الراجل
-بعديها حصل صمت كدا ف الصالون بقيت ما بتكلم معاهو كنت خجلان منو ولمن لاحظت ليهو لسة بعاين لي وملامحو غضبانة ؟قمت اعتذرت ليهو انا اسف ماكان قصدي شي ياخال بس لسة كان بعاين لي!
-مرت فترة ولاحظت انو اختي والمرا اتأخرو ما جو راجعبنقمت اقلت اشوف الحاصل شنو اول ما قمت الراجل تاني بصوت هرشة قالي اقعد ما تطلع؟؟؟انا قلت الراجل دا مجنون يا جماعه ولا شنو في بيتنا ويهرشني؟ ما اشتغلت بيهو وطلعت جا بي وراي ساكيني؟
-قفلت فيهو الباب وجريت على الحمام اشوف اختي وين لقيت باب الحمام فاتح بس مافيهو زول؟ خفت يمكن عملت حاجة في اختي. سمعت صوت ف السلم لمن مشت مالقيت زول طلعت السلم ومشيت على غرفة اختي لقيت الباب مقفول بقيت بدق ف الباب وسامع صوت بكى جوا؟؟؟
-بقيت بنادي عليها سارة! سارة بسرعه فتحت الباب دخلتني وهي نفسها قايم ومعالم وشها متغيرة شديد ماقادرة تتكلم كان خايفة ظاهر عليها سألتها في شنو قالت لي المرا وصلت جمب باب الحمام ولمن فكت نقابها ماكان عندها وش؟؟؟
-كيف يعني ماعندها وش قالت لي عديل كدا زي الماعندها راس من فتحة النقاب شايفة النقاب جوا فاضي مافي اي حاجة مثبتاهو!! اول ماشفت المنظر دا جريت وهي لحقتني وراي بقت بتخبط في الباب بقوة شديدة وبعديها راح الصوت؟
-فجأة سمعت صوت الراجل وهو جاي من السلم بصرخ؟ ياعمر انا مش قلت ليك ما تطلع؟ فجاة صوتو بفا ورا باب الغرفة النحن فيها طوالي؟ بقا بطلع اصوات غريبة شديد؟ ؟؟ صوتو تخن شديد وهو بيصرخ بي اسمي وبمدو ي عممممممررررر!! انا من الخوف راسي اتلخم وماعرفت اتصرف كيف
فجأة الصوت اختفى لمدة تلاتة دقايق انا واختين مركزين مع الباب فجأة الباب اترزع رزعه قوية شديد لمن اتكسر؟؟
-فتحنا باب البلكونة وخشينا وقفلنا الباب كانت البلكونة جمبها في بلكونة غرفتي نطينا الاتنين ودخلنا غرفتي وسامعين صوتو دخلت غرفة اختي كسر الباب!
-خشينا الغرفة وفجأة حصل هدوء غريب قلت ف الفترة دي اتصل على ابوي اكلمو وشكلو نايم ما بيرد قلت ادق على الشرطة اتصلت ووريتهم الحاصل واديتهم العنوان بقينا جوا الغرفة وبتحصل اصوات غريبة مرا بتصرخ وخربشة ف الباب والراجل بصرخ قدام الباب ياعمر اطلع ياعمر اطلع؟
قلت انا اتم الموضوع دا والراجل دا بيتهجم علي ف البيت ف حتى لو قتلتو دا يعتبر دفاع عن النفس شلت عصاية كبيرة وقلت اتوكل عليهو واضربو ضربة واحدة ياقتلتو يا قتلني فتحت الباب ودي الحاجة الغريبة؟؟ مالقيتو!!
-انا اول ما فتحت الباب جيت طالع سريع والغريبة انو بصوت الدق ف الباب الزول دا مفروض يكون قدام الباب طوالي مالقيت اييي زول.؟بقيت بفتش عنو ولا مرتو ف الطابق كلو مالقيت اي زول ؟ سامع كركبات وكل ما امشي وراها ما بلقى اي شي؟
اخر شي وصلت قصاد السلم وشفت مرتو ماشة تحت نزلت وراها سريع تاني مالقيت فجأة اي شي بقى هدوء فجاة سمعت صوت بكسي الشرطة برا....
جريت على الباب وفتحتو نزلو عساكر وخشو البيت بقينا نفتش مالقينا اي شي قالو لي طيب فتش لو في حاجة اتسرقت من البيت فتشنا وفعلا ما لقينا اي حاجة بس ظاهر الباب حق الصالة مكسور وباب غرفة اختي فما كذبونا سالوني من اوصاف الراجل واسمو وريتهم وبعد اتاكدنا انو مافي شي مشو فجاة دقا لي ابوي
-الو عمر في شنو يا زول اختك ورتني القصة وانا هسي ف الشارع راجع عليكم ودا منو الزول دا قمت قلت ليهو اسمو وملامحو قالي ابدا مابعرف زول بالوصف دا ولا حصل اشتغل معاي زول بالشكل دا؟؟؟
لحدي الزمن داك الوضع كان هادي الشرطة مشت وما كان في اي شي حاصل بقينا قاعدين ف الحوش انا واختي وشايل عصايتي ومنتظر اي شي يحصل.
-زي الساعه ٣ بقيت بسمع صوت كركبات جو البيت وعدة بتكركب جوا المطبخ؟
-قلت ليها امشي دقي الباب لي جيرانا واقعدي معاهم وخليهم ينادو معاذ صاحبي يجي هنا معاهو اخوانو
-اول ما طلعت اختي الكركبة زادت جوا البيت شديد بقيت بسمع صوت الكنب بيحك مع الارضية زي في زول جوا بلز في العفش شلت عصايتي ودخلت البيت ماكان في اي شي بس بسمع كركبي وصوت رجلين بتخبط ف الارض بقوة.
-فجاة في نهاية ممر لقيت الراجل واقف ومدنقر ف الارض شايل في يدو سكينة. بقيت بعاين ليهو منتظرو يتحرك وانا مابين خايف ومابين عايز اهجم عليهو فجاء بدا يقطع في شرايين يدو؟؟؟ ودمو بيتكب زي الماسورة وهو بعاين لي وبيتبسم ابتسامة غريبة شديد ماظاهرة عليهو اي معالم الم فجاة؟
وقع ف الارض ودمو سايل سمعت اصوات جاية من برا لمن مشيت عليها لقيتو مصعب واخوانو قلت ليهم تعالو تعالو شافو المنظر ومخلوعين شديد قالو لي دا شنو قلت ليهم قصة طويلة هسي دا نعمل معاهو شنو وهو مابشر زاتو استغربو من كلامي ماعارفين الحصل تاني سمعنا اصوات عدة كتيرة من المطبخ اتكسرت وصرخة!
مشينا لقينا مرا منقبة واقعه ف الارض وفي سكين في نص صدرها؟ وظهرت كيف ومتين ماعارف انا قبل خمسة دقايق كنت ف المطبخ اتذكرت كلام اختي مشيت فتحت النقاب وهنا كانت الصدمة!!
⭕ تحذير صورة حساسة ف التغريدة القادمة ⭕
-المرا كان عندها وش بس محروق؟ محروق شديد لدرجة انو ما بتقدر تحدد معالمها اول ما شفنا المنظر دا جاتنا قشعريرة وواحد من اخوان صاحبي استفرغ طوالي. قمنا طلعنا من البيت وبقينا واقفين ف الشارع ماعارفين نعمل شنو.
-المرا كان عندها وش بس محروق؟ محروق شديد لدرجة انو ما بتقدر تحدد معالمها اول ما شفنا المنظر دا جاتنا...
وفي نص مانحن في حيرتنا الدنيا بدت تصبح فجأة عربية ابوي ظهرت ف بداية الشارع وكان جاري بسرعه اول ما وصل حكينا ليهو الحاصل كلو في دقايق وجوا البيت شفنا شنو. عندو سلاح ف العربية طلعناهو ودخلنا البيت وهنا كان الاستغراب المابعدو استغراب!
مالقينا اي شي؟؟ مالقينا الراجل ما لقينا المرا مع انو الحاجة دي ما شفتها براي شافوها معاي اولاد جيرانا بس لمن دخلنا البيت ما كان في اي شي ولا حتى اثار دم ولا اي شي بس العدة ف المطبخ مكسرة الابواب مكسرة والعفش مقطع زي البي سكينة.
بعد ما فتشنا اي شي واتاكدنا انو موجود بسرعه اتصلنا على شيخ الجامع جا وقرا لينا ف البيت ومن اليوم داك ماحصلت لينا حاجة بالشكل دا تاني بس كانت اسؤء واغرب ليلة مرت علي في حياتي.
ولحدي هنا انتهى الثريد ياريت يكون عجبكم ونتأسف على الاطاله 🙏🏻💕.
.
ماتنسى دعمك لي برتويت بيبسطني شديد وبخليني استمر انو اقدم المحتوى بأحسن جودة ممكن بقدر عليها
.
واذا عندك قصة اتفضل احكيها لي DM.
.
وبحبكم جدا جدا❤️

لم تظهر جميع التغريدات؟

جاري تحميل الاقتراحات...