رتبها

مساء النور 🌿💗
اليوم إن شاء الله بتكلم عن الجزء الثاني من components وبتكلم عن طريقة فصل المكونات

✨ أول معلومة لازم نعرفها إن أكياس التبرع بتتكون بالعادة من ٤ أكياس، وحده مخصصه لِ كامل الدم يعني لما يتبرع المتبرع الدم بيروح فهالكيس
الكيس الثاني مخصص لِ SAGM أو CPD أو على حسب الماده المحطوطه بس المهم بتكون مخصصه لها

الكيس الثالث مخصص للصفائح الدموية واخر كيس للبلازما

✨طيب فيه عندنا طريقتين لفصل الدم:
1- Automation way 🖥 : وهالطريقة سهله جِداً فقط بنحط الأكياس في جهاز وبعد تقريباً ٢٠ د بيطلع لي الأكياس مفصولة وجاهزه، الجهاز هذا يتحمل ٤ أكياس

طيب ونجي لِ manual way 🩸: يبيلها شِغل شوي
أول شيء بنسويه إن بنحط الأكياس في centrifuge طبعاً بس في جهاز ثاني، اللي بيسويه إن فقط بيفصل اللي paked RBCs من البلازما والصفائح
في المرة الأولى بنمشي الجهاز على light spin يعني الوقت بيكون قصير وعدد الدورات في الجهاز قليل

وبعد ماتنفصل عندي الخلايا الحمراء من الصفائح والبلازما بجي بحطها على Plasma extractor .. شوفوا شلون إن platelets rich plasma موجودة فوق وpaked RBCs صايره تحت

🌿 الفكرة هِنا إني بحط الكيس داخل وهو زي اللي بيضغط عليه بحيث إن الكيس يغص 😂 ويبتدي platelets rich plasma يطلع

✨ طبعاً هنا احنا نقفل على كيس البلازما ونخلي بس كيس platelets اللي مفتوح عشان ينزل فيه
اذا اللون الاصفر كله مشى تبتدي الخلايا الحمراء بتنزل على طول نشيله ونقص كيس الخلايا الحمراء من الباقي

بهالطريقة إحنا صار عندنا كيس خلايا حمراء وكيس platelets rich plasma، طيب احنا الحين نبي نطلع بلازما بروحها والصفائح بروحها شنسوي؟؟ 😟

الحين احنا قلنا إن فيه ٤ أكياس عندنا صح؟ كيس الخلايا الحمراء مع كيس SAGM أقصهم بروحهم وبيبقى عندي كيسين اللي هو الكيس platelets rich plasma وكيس فاضي

اللي بسويه إني باخذ الكيس اللي توني فصلته اللي هو platelets rich plasma وبحطه مره ثانيه في الجهاز بس هاااا هالمره على heavy spin يعني عدد الدورات في السنترفيوچ بيكون أكثر

وبعد مايخلص بيصير عندي platelets مترسب تحت والبلازما فوق طيب؟ بجي وأضغطها مره ثانيه بحيث إن البلازما اللي هي فوق بتروح لكيس البلازما والصفائح بتظل اوكي؟

هِنا هالصور شوفوها وإن شاء الله تفهمون الفكره

🩸طيب الحين أنا فصلت المكونات إلى خلايا حمراء وصفائح وبلازما، what’s the next؟

أول شيء بمسك الخلايا الحمراء، زي ماذكرت سابقاً إني فصلت كيس الخلايا الحمراء مع كيس SAGM بروحهم صح؟ اللي بسويه إني الآن بعلق كيس SAGM فوق وبخلي كيس الخلايا الحمراء تحت بحيث إن SAGM " أو المادة المحفوظة " تنزل لين كيس الخلايا الحمراء
عشان تحفظ الخلايا الحمراء لفترة أطول

وبعد ماتنزل الماده أروح أعكس وأخلي كيس الخلايا الحمراء فوق وكيس الSAGM تحت، ليش؟؟ لأن الخلايا الحمراء في معاها الخلايا البيضاء وأنا أبي أتخلص من الخلايا البيضاء لأنها تسبب لي immune reaction فَ فيه فلتر مخصص إنه بيمسك الخلايا البيضاء يخليها ماتنزل

يعني شوفوا فهالصورة الخطوة رقم واحد إني أنزل الماده الحافظة لكيس الدم وبعد مايخلص بقلبه وبخلي كيس الدم فوق والدائرة الزرقا عبارة عن الفلتر اللي بيفلتر لي الخلايا البيضاء وبيصير اللي بينزل تحت بس خلايا حمراء

اذا خلصنا من الفلترة بروح بقص الكيسين عن بعض وبرتب كيس الخلايا الحمراء وبحطه في الثلاجة، طبعاً هاااا في ثلاجة non screening لما تطلع نتايج السيرولوجي بنودي الأكياس للثلاجة اللي تكون مفحوصه وخالصه

🩸 انزين الحين باقي لنا البلازما والصفائح، طبعاً البلازما مافيها شيء، بمجرد اني افصلها عن الصفائح بحطها في الفريز تبع اللي مو مفحوصين واذا طلعت النتايج أوديها لربعها البلازما المفحوصيين 😂

طيب آخر شيء بقى عندنا كيس الصفائح، اللي بسويه إني بخلي الكيس برا شوي لأنه أساساً ينحفظ في درجة حرارة الغرفه وبعدها بدخله للِ incubator إلى أن تطلع نتايج السيرولوجي

✨اذا طلعت نتايج السيرولوجي بنسوي للصفائح pooling يعني إني أجمع تقريباً كل كيسين أو ثلاثة أو أربعة أكياس وأخليهم في كيس واحد

بحط الأكياس هنا وفكرة هالجهاز زي اللي يربط اللي الأكياس مع بعض، وبعد مايربطهم بعلقهم بخلي الأكياس فوق والكيس الكبير اللي أبي أجمع الصفائح فيه تحت
زي الصورة

طيب شفتوا الكيس الصغير هذا؟ بعد ما أسوي تجميع للصفايح بنزل شوي من الصفايح لهالكيس الصغير وبعدين بقصه

باخذ الكيس الصغير وبحطه في Incubator في درجة حرارة ٣٥ تقريباً وبعد ١٨ ساعه بفحص الكيس في جهاز إسمه eBDS oxygen analyzer

فيه زي probe هذي اللي على جنب بدخلها داخل الكيس وبيشوف لو فيه bacteria contammation ولالا، إذا طلع pass يعني أموري تمام

✨ فيه معلومة إني ما اقدر أسوي صفائح وcryoprecipitate بنفس الكيس
يا أسوي صفائح أو Cryo لأن مثلاً لو جيت سويت صفايح وأبي أسوي Cryo مافيه كيس له خلاص خلصوا

وبكِذا انتهى الثريد، اللي عنده اي اضافة يتفضل، والغلط وارد جِداً أي تعديل تفضلوا
وأتمنى أتمنى إن الثريد يكون مفهوم وتستفيدون .. بالتوفيق للجميع 💗💗💗

نلتقيكم إن شاء الله في الأسابيع الجاية مع الكروس ماتش وبقية التستات

@NAJM @elyazeed7 @ghayda_basfar @haya_lab @lab_phot @alrziny_labs @AfghaniHani @kokofaris_ @Rawan_lab @labstudents

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة