بغض النظر عن التجاوزات او الثغرات او المشاكل اللى بتحصل سواء فى واتساب او حتى اى تطبيق محادثات فورية، لو مكنتش فاهم بشكل تقنى تيليجرام شغال ازاى فقرار انك تحول من WhatsApp الى Telegram هو اسوأ قرار ممكن تاخدة من ناحية الخصوصية #يتبع
ببساطة، محادثات تيليجرام العادية اللى بتبدأها "بشكل عادى"* جدا مع اى طرف من الاطراف مش مشفرة من الطرفين او مش End to End Encrypted بمعنى ان الرسائل المتبادلة متسجلة على خوادم تيليجرام وممكن يتم قراءتها عادى جدا، وإدارة تيليجرام تقدر تقراها، دا عكسه بيحصل على واتساب #يتبع
على واتساب، لو بدأت اى محادثة "بشكل عادى" - وعلى عكس تيليجرام - المحادثة بتكون مشفرة من الطرفين بطبيعة الحال ومفيش اى طرف فى النص يقدر يقراها الا لو عنده حق الوصول لخدمة WhatsApp Web او له حق الوصول المادى لتليفونك او عن طريق malware بيتم زرعها فى التليفون #يتبع
اللى فاتت دى ظروف بتضرب بأى تشفير او اى تطبيق عرض الحائط). *لاحظ انا حاطط "بشكل عادى" مابين علامات تنصيص ودا لأن لو عايز محدش يقرا رسايلك على تيليجرام لازم المحادثة تبدأ كـ "محادثة سرية" #يتبع
الشخص العادى اللى عايز ينزل تطبيق ويبدأ يتكلم مباشرة بدون ما يبص على الكلاكيح والاعدادات التقنية الخاصة بالخصوصية دى للأسف مش بيفرق معاهم كتير، لازم الفكر دا يتغير#يتبع
لازم تعرف ايه اللى بيحصل حتى لو مش فارق معاك لان لو مش فارق معاك فهو فارق مع حد قريب منك ممكن انت نفسك تكون سبب فى اذيته بدون ما تعرف.
واتساب على قد ما هوا باين "شرير" لبعض الناس ولكن عند النزول على التفاصيل التقنية، واتساب للأسف افضل من تيليجرام، وافضل من Facebook Messenger.
واتساب على قد ما هوا باين "شرير" لبعض الناس ولكن عند النزول على التفاصيل التقنية، واتساب للأسف افضل من تيليجرام، وافضل من Facebook Messenger.
طيب امال لو انا عايز اسيب واتساب اروح فين؟
الاجابة بسيطة جداً، يا تروح Signal يا تروح Wire يا تروح Telegram (بس بشروط خاصة ومع معرفة الفرق مابين المحادثات العادية والمحادثات السرية) يا اما لو انت غريب الاطوار روح XMPP (سابقاً Jabber) يا اما تروح تكبر دماغك وتنفض وتشوف حاجه اهم
الاجابة بسيطة جداً، يا تروح Signal يا تروح Wire يا تروح Telegram (بس بشروط خاصة ومع معرفة الفرق مابين المحادثات العادية والمحادثات السرية) يا اما لو انت غريب الاطوار روح XMPP (سابقاً Jabber) يا اما تروح تكبر دماغك وتنفض وتشوف حاجه اهم
هنا هتلاقوا مقارنة لكل تطبيقات المحادثة الفورية مع اوجة مقارنة كتيرة جدا والمقارنة هتساعدك كتير تقرر: skty.cc
حاجه اخيرة لازم الكل ياخد باله منها وهى إن اى تطبيق محادثات فورية مينفعش كدا تنزله وتستخدمه مباشرة، خد لفه فى الاعدادات وحاول تظبطها بما يناسب درجة الفوبيا بتاعتك (الفوبيا حلوه للخصوصية على فكرة)، انما موضوع ان فى تطبيقات منيعة للاختراق وغير قابلة للإختراق فدى "اسطورة" متصدقهاش.
فى الاخر دا قرارك انت، متخليش حد يأثر عليك ويقولك تروح فين ومتروحش فين، الناس فى الغالب بتروح للتطبيقات اللى بتلاقى عليها اصحابها، بس لازم تاخد بالك كمان، انك لو رحت لتطبيق هيضرك واخدت بالك وقريت واتأكدت من دا، حاول تحذر اصحابك دول كمان.
الموضوع نسبى، ولو عارف تستخدم تيليجرام ازاى (دا لو بجد عارف) هيبقى تيليجرام افضل من واتساب بالتأكيد، انما لو مش عارف، اعرف، افضل من انك تقول "اللى اعرفه احسن من اللى معرفهوش، لان جايز اللى متعرفهوش هوا الافضل.
كل شخص له threat-model فى حاجات معينه بتكون خطر لشخص ما ومش خطر لشخص اخر
جاري تحميل الاقتراحات...