بعد ماتتخرج من الجامعة احذر من فخ ( برتاح سنة بعد التخرج ) هذي أكبر غلطة ممكن يسويها الطالب بحق نفسه ويضيع فرص عليه أفضل شي بعد ما تتخرج تحدد طريقك يا تكمل ماجستير أو تبحث عن وظيفة ، لأن اللي يسوي هالشي ويجلس لا يكمل دراسته ومايبحث عن وظيفة بعد ما يتخرج هو ضيع على نفس فرص كثيره
ولا طور نفسه بتخصصه مثلاً لو أستثمر الوقت في تطوير لغته الأنجليزية و تعلم مثلاً الشبكات أو البرمجه وأخذ دورات تقوي الـ CV ، لو أهمل نفسه بعد ما يتخرج بسبب أنه بيرتاح هو كذا راح ينسى معلومات راح يمل ويمكن ما يرجع يتقبل التعلم من جديد وبينصدم أنه اذا رجع يدور وظيفة أنه ناسي كل شي
نصيحتي لكل شخص خريج هالترم هذا أو السنوات الجاية مرحلة ما بعد التخرج هي مرحلة مهمه جداً اذا ماتبي تكمل ماجستير أبحث عن وظيفة ما حصلت وظيفة مثلاً تناسبك أدخل بتمهير ٦ شهور تدرب في شركة مثلاً واذا اعجبهم شغلك ياخذونك معهم وممكن تكون وظيفة العمر واللي تحبه
وبنفس الوقت اللي تدور فيه وظيفة لا تهمل نفسك من ناحية التعلم وتطوير نفسك ، طور نفسك بالأنجليزي طور نفسك بمجال تخصصك برمجه او شبكات او غيره ، توجه للشهادات الأحترافية أقل شي اذا وصلت للوظيفة تكون معك شهادات مقويه الـ CV ومضيفه لك معلومات ومطوره مستواك أيضاً
وشيء ثاني بعد البعض يعتقد أنه اذا حصل على الشهادة الأحترافية وهو مو فاهمه يعني مثلاً حفظ الأسئلة ودخل ونجح يعني راح يتوظف لا الشهادة الأحترافية توصلك للمقابله لكن فهمك للشهادة ومهاراتك هي اللي راح تخليك تثبت نفسك وتتوظف يعني ركز على فهم المحتوى والتطبيق
أخر شي وأهم شي تذكر أن رزقك بيد الله سبحانه وتعالى أنت تفعل الأسباب والله يرزقك ماراح يضيع تعبك شد حيلك طور نفسك لا توقف تعلم لا تكتفي بالمعلومات اللي اخذته بالجامعة بس أبحث عن المعلومه جتى تكون ملم بتخصصك ومبدع فيه ، الله يوفقكم ويكتب لكم الرزق يارب ❤️
جاري تحميل الاقتراحات...