اولاً الحمدلله الذي اعطاني الامل والاستمرارية لين وصلت الى ما انا عليه الان!.
ثانياً، هذا ثريد بسيط اشرح فيه قصتي اللي بدأت من ٢٠١٢... بسم الله الرحمن الرحيم...
ثانياً، هذا ثريد بسيط اشرح فيه قصتي اللي بدأت من ٢٠١٢... بسم الله الرحمن الرحيم...
القصة بدأت من ٢٠١٢، كنت خارج من باب البيت وأول ما خرجت لقيت سواق اخويا قالي كلمة غيرت مجرى حياتي، قال:"سلطان ما شالله ايش دا!! صرت كبير مرا ماشالله" < يقصد انه حجمي كحجم الباب..
وحرفياً من بعدها بدأت قصة الكفاح، طبعاً اتواصلت مع @mnsindi؛ لانه كان دب ونحف وقلتله ابغا انحف زيك.
وحرفياً من بعدها بدأت قصة الكفاح، طبعاً اتواصلت مع @mnsindi؛ لانه كان دب ونحف وقلتله ابغا انحف زيك.
بعدها بيوم اخذني للدكتورة نبيلة عزب، وقبل ما يوصلني، علمني شي ممكن مستفيد منه للان!! علمني كيف اقول "لا"-من أحسن الاشياء اللي اتعلمتها صراحة-، كملت مع الدكتورة ٨ شهور ونحفت ٤٠ كيلو، ولكن للاسف كان النزول سريع- وشكل الجسم حرفياً ما اتغير منه شي- وهذه كانت الرغبة الاولية
بس بعد ما انتهيت اكتشفت انه القرار اللي كنت ابغاه" النزول السريع" كان غلطة، ولكن ما نقدر نغير الماضي بس نقدر نتوقع نتايج المستقبل لو بدأنا الخطوة من اليوم.
وفعلاً، في بداية ٢٠١٤ اشتركت في اول نادي في حياتي “Hulk” وكانت ضياع بالنسبالي، مو عارف ايش اعمل ولا عارف ايش اتمرن ولا ايش آكل ولا حاجة بس كذا حرفياً اسمي اني مشترك في نادي... خلص الاشتراك ولا استفدت حاجة!.
٢٠١٥ اشتركت في “World Gym” وكانت البداية الحقيقية، اتعلمت من النت اشياء واتعلمت من المدربين اشياء، ولا انسى اكثر شخص كنت اتواصل معاه الفترة ديك الكابتن حبيبي واخويا الكبير حسن باقعر، اتعلمت اشياء كثير منه، بس لسا ما كنت راضي بالشي اللي انا فيه.
وبعد شغل في النادي وتعب، جات المصيبة... جاتني اصابة انزلاق غضروفي في العمود الفقري ابعدتني عن النادي ٦ شهور، سألت نفسي وقتها هل هذه النهاية واغير لعبة؟ قلت: لا، كملت ٦ شهور ما بين علاج طبيعي وتمارين خفيفة اقوي عضلة اسفل الظهر.( هنا جلسة من جلسات العلاج)
رجعت النادي بعد ال٦ شهور، وبعد الرجعة ب اسبوعين حرفياً جات الطامة الثانية، خلع في الكتف اليمين... هنا وقتها فكرت، انه هل اقطع اللعبة تماماً او لا؟ وقطعت فعلاً عن النادي لين نهاية ٢٠١٧ قلت لين يستشفي جسمي تماماً- في نص الاستشفاء عانيت من عرق النسا، بس الحمدلله راح-وجسمي صار سيء
بداية ٢٠١٨ قلت هذه البداية الجديدة واشتركت في “Body masters” وفعلاً كانت بداية خير وبركة مع صعوبات كثير ودقات كثير واتعلمت كثير لوحدي سواء من اليوتيوب( الانترنت) او من أشخاص في أرض الواقع، ولو شكرت الناس اللي اتعلمت منهم اخاف انسى احد منهم
كملت رياضة واستمرارية لين ما بعد الحجر -حتى في كورونا وانا مستمر - رياضة واكل ونوم، ووصلت لمرحلة مرا حلوة في جسمي، وحسيت مني قادر اتخطى هذه المرحلة لمرحلة أحسن وأعلى، فقلت: جا وقت انه احتاج احد يكون فوق راسي ويكون مدرب ليّ
واتخذت القرار الصحيح، اني اخترت حبيبي واخويا الكابتن @aaltarteer11 ، وفعلاً وصرت ملتزم معاه الى اخر قطرة وهذه هي النتيجة زي ما تشوفوا..🙏🏾
—————————————————-
"الرياضة اصبحت بالنسبالي اسلوب حياة"
—————————————————-
—————————————————-
"الرياضة اصبحت بالنسبالي اسلوب حياة"
—————————————————-
جاري تحميل الاقتراحات...