@MohAboelgheit 1) كل أنواع المخاطر ممكن إدارتها بشكل أو آخر، بما فيها نوع ودرجة المخاطر ال ناس زي سنودن بيتعرضو لها، بدليل أن سنودن نفسه للسا عايش و بيقول لكم استعملو سجنال
@MohAboelgheit 2) نوع المراقبة ال بيتعرض له ناس زي سنودن اسمه مراقبة بالاستهداف targeted surveillance، وال أبو الغيط ذكر أمثلة عليه زي برمجيات شركة NSO الإسرائيلية. دا نوع مختلف تماما عن المراقبة ال بنتعرض له كلنا طول الوقت وال اسمه المراقبة الواسع mass surveillance زي ال بتعمله شركات الإنترنت
@MohAboelgheit الكبيرة وشركات الاتصالات.
المقارنة بين الناس العاديين و إدوارد سنودن مغالطة منطقية fallacy، يعني عيب في منطق تفكير أبو الغيط: بما أن سنودن (ال هو ثاني أخطر شخص في العالم بعد فؤاد المهندس) في خطر لا علاج له، إذا شيماء أبو كبير في نفس نوع و درجة الخطر.
المقارنة بين الناس العاديين و إدوارد سنودن مغالطة منطقية fallacy، يعني عيب في منطق تفكير أبو الغيط: بما أن سنودن (ال هو ثاني أخطر شخص في العالم بعد فؤاد المهندس) في خطر لا علاج له، إذا شيماء أبو كبير في نفس نوع و درجة الخطر.
@MohAboelgheit يعني لو أ عنده مرض مميت، يبقى ما فيش فايدة أن ب تاخد بانادول للصداع، و دا عيب منطقي لأن دول حاجتين مختلفتين تماما.
الخطر ال بتواجهه شيماء أبو كبير مش أن حد يعرف هي بتعمل إيه النهاردا، لكن أن حد يعرف بلايين الناس بيفكرو إزاي وإيه ال ممكن يأثر عليهم بدقة إحصائية أكبر من أي وقت سبق
الخطر ال بتواجهه شيماء أبو كبير مش أن حد يعرف هي بتعمل إيه النهاردا، لكن أن حد يعرف بلايين الناس بيفكرو إزاي وإيه ال ممكن يأثر عليهم بدقة إحصائية أكبر من أي وقت سبق
@MohAboelgheit ولو أنت شخص بتاخد معلوماتك من الأفلام، اتفرج على فلم المواطن أربعة زي ما أبو الغيط بيقول لك، لكن كمان اتفرج على فلم عن Cambridge Analytica علشان تعرف إزاي البيانات الكبيرة بتسهل التأثير على الناس.
@MohAboelgheit 2) فكرة أن "كلنا قالعين بالفعل" سببها أن تكلفة مراقبة الشخص الواحد قلت كثير نتيجة التطورات التقنية في السنين الماضية، فبقى من الكفء اقتصايا مراقبة بلايين الناس في أنظمة اتصالات مركزية زي فايسبوك. استخدام أدوات زي سجنال وأنظمة لامركزية بيرفع تكلفة المراقبة دي عشرة آلاف مرة أوأكثر
@MohAboelgheit فنقدر نرجع للوضع الطبيعي ال ما تبقاش فيه مراقبة الناس العاديين مجدية وتضطر الجهات القائمة على المراقبة للتركيز على ناس زي سنودن، يعني مراقبة ألوف أو عشرات الألوف بدل كل الناس. استخدام أدوات زي سجنال هو وسيلة المواطن العادي لإصلاح الجهات الأمنية لأن ما فيش جهة أمنية في العالم
@MohAboelgheit تقدر تراقب كل الناس طول الوقت بالعمق ال بتحاول تراقب به سنودن. بالعكس، استخدام الأدوات دي بيساعد المستهدفين ال محتاجين النوع دا من الخصوصية لأنه هيقدر يستخبي وسط الناس safety in numbers. حماية المواطن العادي مش في أنه عادي و ما عندهوش حاجة يخبيها (كلنا عاديين بس بنقفل باب البيت
@MohAboelgheit و باب الحمام) و بياناته هتتوه وسط بيانات بقية الناس (ما فيش حاجة بتتوه من قواعد البيانات الكبيرة)، لكن في أنه يرفع تكلفة مراقبته هو و بقية الناس العاديين
@MohAboelgheit 3) شيماء أبو كبير مش بالضرورة تكون مستهدفة من حكومة، لكن وارد جدا أن طليقها ال موارده أقل بكثير لكن تركيزه معها أكبر لدرجة تكفي أنه يقدر يستهدفها بنجاح بتقنيات و أساليب أرخص و أسهل بكثير، خصوصا أن قدراتها التقنية أقل من إدوارد سنودن.
@MohAboelgheit الحقيقة أن أغلب الصحفيين مثلا في بلادنا بيستهدفو بطرق أبسط و أرخص زي دي علشان مقررين أنهم ما يركزوش في أمانهم الرقمي زي أبو الغيط. اسمه إيه مسلسل رمضان ال فات؟ لو كانت الست بتستعمل سجنال، ما كانش ال حصل حصل.
@MohAboelgheit 4) ال بيعمله أبو الغيط هو أنه في اللحظة ال الرأي العام فيها بيوعى أخيرا بأهمية التعمية (التشفير) و النظم غير المركزية ، ييجي هو و يسلم أن ما فيش مخرج من خدمات زي واتساب أو فايسبوك أو تويتر، ودا مش صحيح بالمرة.
@MohAboelgheit الشبكات الاجتماعية القديمة بتخسر لصالح الجديدة بالضبط في لحظة زي دي، لما احتياجات الناس تتغير والقديم يفترض أن الاحتياجات الجديدة مش مهمة. من 15 سنة مثلا، مايكروسوفت أساءت تقدير أهمية التليفونات المحمولة، وبالتالي خسرت المجال دا كله لصالح أندرويد وآبل.
@MohAboelgheit أتوقع أنه من كل شركات الإنترنت الكبيرة، فرص أمازون في النمو في العشرين سنة الجاية أكبر من الباقيين بالضبط لأنها ما بتشتغلش في حرية التعبير ال جزء كبير من الناس غيرو رأيهم فيه الأسبوع دا بسبب ترامب و اقتحام الكابيتول.
@MohAboelgheit 5) لو قلقان من الحكومات المحلية (أو لأي سبب ثاني)، يبقى مفيد أنك تقلل من بياناتك عند أي طرف عموما، لأن البيانات دي هتتسرب زي ما بنشوف كل يوم، ولأنك غالبا ما تقدرش تجزم أن حكومتك ما تقدرش توصل لبياناتك على فايبسوك عن طريق التعاون مع أجهزة أمنية في دول ثانية.
@MohAboelgheit 6) تعديل شروط استخدام واتساب الأخيرة ما لهش علاقة بكل الكلام دا، و أتوقع أن أبو الغيط ما قراش الاتفاقية الجديدة قبل ما يوافق عليها. صح يا غيط؟ :)
@MohAboelgheit نهاية، النهار دا ذكرى Aaron Swartz الثامنة
احنا بنعتمد على جهود ناس زي آرون و Ilya Zhitomirskiy في بناء إنترنت تسمح لنا نعيش مع بعض في مجتمع أكثر حرية و مساواة و تضامن.
احنا بنعتمد على جهود ناس زي آرون و Ilya Zhitomirskiy في بناء إنترنت تسمح لنا نعيش مع بعض في مجتمع أكثر حرية و مساواة و تضامن.
جاري تحميل الاقتراحات...