تفرد
1️⃣
أغنية وحدة لمحمد الشامي إسمها يفر بي هوا المحبوب يايمه ، ليومنا هذا ندندن بيها ونطرب عليها لروعة كلماتها والحانها وشجـن وعذوبة صوت الشامي ، كذلك أغاني محسوبة من العمر لمحمد السامر
ويصبرني لاحمد نعمة..
وقندرة وحدة ضربها منتظر الزيدي على جورج بوش خلت العالم كله يعرف

2️⃣
منو منتظر الزيدي ..
وقصيدة وحدة إسمها رسالة الى حسنة ملص للمرحوم رحيم المالكي لهسة ماسمعنا قصيدة بقوتها وتاثيرها علينا
وإستقالة وحيدة لمنهل الحبوبي أمين بغداد قدمها بعز التكالب على هذا المنصب خلت شكو عراقي شريف يرفع القبعة لهذا الإنسان الشريف إلي ماقبل يدنس إسمه وتاريخ عائلته

3️⃣
بهيچ منصب وهيچ حكومة خايسة
وهدف وحيد للراحل أحمد راضي
صارلنا ٣٥ سنة نحچي بي لان ماعدنا غيره ببطولات كأس العالم ..
كذلك ، موقف واحد لآمر فوج بالجيش العراقي مع شباب متظاهرين عزل بمحافظة ذي قار وإصطفافه وياهم ضد قـوات مكافحة الشغب ..

4️⃣
حتما" راح يسجلو العراقيين بلوحة الشرف لهذا الضابط الوطني والشجاع كـ أول ضابط عراقي غيرته تحركه على أبناء وطنه وخلته يوگف وياهم ويرفض أحد يمد إيده عليهم ويأذيهم ..
ولمثل هذا فليعمل العاملون ..
إرجعلي زميلي المخرج ..
#احمد_مكيه