(#ثريد) صديق اسفل سريري؟
.
.
من قمنا ونحن صغار بنسمع قصص او اهلنا بخوفونا او بنشوف ف الافلام والمسلسلات الحاجة دي لكن هل اتخيلت ولو لمرة انو الحاجة دي ممكن تكون حقيقية؟
⭕ تنبيه:اذا كنت من النوع المخيلتهم بتركز كتير ف اتخطى الثريد (اديني رتويت بس ماتقرى🌚)
.
.
من قمنا ونحن صغار بنسمع قصص او اهلنا بخوفونا او بنشوف ف الافلام والمسلسلات الحاجة دي لكن هل اتخيلت ولو لمرة انو الحاجة دي ممكن تكون حقيقية؟
⭕ تنبيه:اذا كنت من النوع المخيلتهم بتركز كتير ف اتخطى الثريد (اديني رتويت بس ماتقرى🌚)
-⭕سيتم تغير اسماء المناطق والشخصيات تحت رغبة صاحبة القصة⭕
-انا (آلاء) ٢٢ سنه. من سكان بحري القدماء ساكنين في واحدة من احياء بحري القديمة عائلتنا مكونة من سبعه افراد وبيتنا كبير شديد وقديم ابوي ماعندو اخوان ف عائلتنا بس البقت ساكنه ف البيت اخواني الاكبر مني اكثرهم اتخرجو وطلعو برا السودان وبقينا ف البيت اربعه بس..
-من وانا ف سنه اولى جامعه بقيت بحب اقعد براي كتير خشيت فعلاقة وفشلت وسببت لي اكتئاب بقيت اليوم كلو قافلة على نفسي الغرفة وببكي. والموضوع بقى روتين انو بليل قبل ما انوم اتذكر مشاكلي واقعد ابكي لحدي م اتعب وانوم. استمر الموضوع ما يقارب الشهر بعديها بدت تحصل حاجات غريبة؟؟؟
-بكون نايمة كانو في حاجة مسكت شعري وجرتني ولا جرتني من رجلي كنت ف الاول ما مركزة لانو بكون مرهقة لمن اجي انوم فبتخيل نفسي حلمانة زي الحلم البتحس نفسك واقع من مكان عالي.
.
-لحدي ما فيوم من الايام اتغير كل شي؟
.
-لحدي ما فيوم من الايام اتغير كل شي؟
-وانا نايمة حسيت بشعور كدة ما مريح! زي الكأنو في واحد بعاين لي؟ شوية كدة وزاد الجو اشمئزاز زيادة لحدي ما فتحت عيوني فجأة لقيت شي زي اليد اتسحبت لتحت السرير سريع اول مافتحت عيوني قمت مخلوعه وبقيت بردد بسم الله. دقات قلبي زادت بقيت سامعاها الجو ف الغرفة هادي لكن انا شفت اليد دي!!
-في لحظة الخوف دي بقيت حاضنة رجولي وبرجف ماقادرة اصرخ ولا اعمل اي شي فحاء بسمع صوت كركبة جاية من تحت السرير!! استجمعت كل الشجاعه الفيني وجريت على النور فتحتو. ماحصلت حاجة؟ بقيت بعيوني بفتش ف الغرفة ببطئ عشان اركز مع اي شي غريب مالقيت؟ قلت معناتا دا كابوس انا مابين صاحية ونايمة.
-مرات بنحاول ننفي الحصل علشان نحن خايفين منو ما علشان نحن شجعان او اغبياء.
-خليت النور فاتح وبعد الخوف قل شوية قلت ارجع انوم انا وراي جامعه بكرة.
-اول ما بديت اغط ف النوم حسيت بحاجة ثقيلة في طرف السرير المرة دي الخوف رجعت لي واكثر كمان كنت مغطية وشي بالبطانية وبرجف زحيت البطانية من عيوني وعاينت جمب رجولي لقيت زول لابس حاجة زي الجلابية السوداء المقطعة؟
-اول ما بديت اغط ف النوم حسيت بحاجة ثقيلة في طرف السرير المرة دي الخوف رجعت لي واكثر كمان كنت مغطية وشي بالبطانية وبرجف زحيت البطانية من عيوني وعاينت جمب رجولي لقيت زول لابس حاجة زي الجلابية السوداء المقطعة؟
-بسرعه جريت رجولي وبصوت بيرجف من الخوف قلت ليه انت منو ودموعي سايلة قادرة اصرخ بس خايفة!!ماعارفة هل دا بشر ولا لا وممكن يسوي لي شنو لو صرخت؟.
-قال لي جملة خلتني محتارة وبعديها حياتي اتقلبت شديد ماعارفة الحصل شنو
-قال :(كنت بشوفك بتبكي يومي فحابقى صاحبك وما حاخليك لحدي ما تموتي!)
-قال لي جملة خلتني محتارة وبعديها حياتي اتقلبت شديد ماعارفة الحصل شنو
-قال :(كنت بشوفك بتبكي يومي فحابقى صاحبك وما حاخليك لحدي ما تموتي!)
-ونزل من السرير وخشى تحتو؟؟؟ انا بقيت مابين مصدومة وخايفة قمت من السرير براحة براحة لحجي ما وصلت الباب وجريت على غرفة امي وابوي اول ما وصلت بقيت برزع ف الباب بقوة بقوليهم في زول تحت السرير في زول تحت السرير وانا ببكي وبصرخ بأعلى صوتي لحدي ما صحو مخلوعين.
ابوي قام مخلوع من النوم شال عصاية ومشى على الغرفة وانا وامي وراهو رفع الملاية والصدمة انو ماكان في اي شي ونحن لمن نجي ننوم بنقفل اي باب بطلع على الحوش برا فتشنا البيت كلو و كان في اي حاجة!!! حكيت ليهم الحصل بس مافي زول صدقني قالو لي انتي الحبسة الكتيرة دي اثرت فيك امي قرت علي.
-كملت باقي الليلة ديك في غرفة اختي وكنت ماقادرة انوم بفكر ف الحاجة دي شنو ومعالم وشو الماظاهرة دي.
-مشيت الجامعه وحالتي بالبلا اول ما خشيت الجامعه حاسة نفسي غريبة شديد وزي الفي نص الزحمة حاسة بأنو في واحد في حاجة مراقباني وفعلا فنص الناس بلقا الراجل اللابس اسود فنص الناس!
-مشيت الجامعه وحالتي بالبلا اول ما خشيت الجامعه حاسة نفسي غريبة شديد وزي الفي نص الزحمة حاسة بأنو في واحد في حاجة مراقباني وفعلا فنص الناس بلقا الراجل اللابس اسود فنص الناس!
-وبعاين لي وانا بقرا ف الاحفاد يعني مابكونو في رجال ف الجامعه غير دكاترة يعني شكلو غريب شديد ما من الناس الممكن يسمحو ليهو يدخل الجامعه وليه البنات ما مركزين معاهو بقيت بقول لصاحباتي عاينو ليهو مباريني مباريني! وصاحباتي بقولو لي يابت انتي جنيتي؟انا بخاف زيادة وصلت حالة هستيرية!
هبطت وصاحباتي بقو برشوني بالموية لمن وعيت لقيتو جمبي وبقرب مني انا حسيت روحي زي المخنوقة واغمى على تاني صاحباتي دقو لناس البيت جو ساقوني اليوم داك كنت نايمة اليوم كلو وامي بتقري لي قرآن صحيت نص الليل كدا لقيت نفسي ف الغرفة وصحيت لسة شايف الحاجة دي قاعدة!!! انا زهجت حرفيا.
-استجمعت كل الشجاعه الفيني وقلت ليهو انت عايز شنو؟
-ما ردا لي! عدت سؤالي تاتي انت منو وعايز شنو وكيف خشيت الجامعه ولشنو مافي زول شايفك غيري؟
-ردا وقالي انا حافضل معاك وحاحميك من اي شي؟ انا اشتغرب شديد وشوية شوية الخوف الفيني بدا يروح ماعارفة ليه كلامو كان جادي شديد!
-ما ردا لي! عدت سؤالي تاتي انت منو وعايز شنو وكيف خشيت الجامعه ولشنو مافي زول شايفك غيري؟
-ردا وقالي انا حافضل معاك وحاحميك من اي شي؟ انا اشتغرب شديد وشوية شوية الخوف الفيني بدا يروح ماعارفة ليه كلامو كان جادي شديد!
-فجاة قالي (ايمان) حتدق ليك وبعد ما سكت طوالي تلفوني دقا؟عاينت للاسم لقيتها ايمان؟ انا انصدمت عرف كيف رديت عليها اتطمنت علي واتكلمت شوية وقفلت اول ماقفلت قال لي بتكذب عليك؟ استغربت شديد منو قلت لي اولا انت عرفتها كيف تاني شي بتكذب علي ف شنو؟
-ردا وقالي هي السبب في انو اجيك!!
-ردا وقالي هي السبب في انو اجيك!!
-سكت وانا في حيرة من امري شديد لانو بديت اصدقو قنص سكوت الحيرة حقي ردا لي وقالي هي الخربت بيناتكم انتي وو(واثق)!!!!!!!
-كيف يعني ايمان خربت بيني انا وواثق ماردا وفجأة قام ونزل تحت السرير؟ نا بتكلم معاهو بثولي دقايق كيف يعني وانت بتعرف واثق من وين؟ رفعت الملاية مالقيتو.؟؟؟؟
-كيف يعني ايمان خربت بيني انا وواثق ماردا وفجأة قام ونزل تحت السرير؟ نا بتكلم معاهو بثولي دقايق كيف يعني وانت بتعرف واثق من وين؟ رفعت الملاية مالقيتو.؟؟؟؟
-بقيت صاحية لحدي الصباح بفكر في كلامو لبست وطلعت على الجامعه امي قالت لي الليلة ما تمشي قلت ليها لالا كويسة حامشي وفعلا طلعت اول ماوصلت دقيت لايمان ولاقيتا اول ماوصلت جات تسلم علي بدون اي سابق انذار قلت ليها اديني تلفونك! استغربت مني قالت لي مالك يا بت قلت ليها اديني تلفونك..
عايزة اتصل مكالمة.. طلعت التلفون وادتني ليهو كتبت رقم واثق اول ما كتبت الرقم ظهر الرقم مسجل وحوالينو ايموجيات حقت قلوب؟؟؟؟؟ بسرعه فتحت الواتس حقها لقيتو حرفيا مرسل ليها اخر رسالة وصلتي الجامعه ولا لسة... خشيت ولقيت محادثات كميات وقلوب وصور حتى في كعبة شديد بيناتهم! انصدمت.
-ايمان ركزت انو وشي قلب جاتني قمت اديتا التلفون وطلعت طوالي وانا ببكي ما زعلانة من اي شي غير صاحبتي البعرفا من ما دخلت الجامعه وداخلين طالعين سوا ف النهاية تعمل فيني كدا! . وصلت البيت دخلت غرفتي وقعدت ابكي حسيت بشي بربت لي ف كتفي عاينت لقيتو هو وظهرت لي معالمو لاول مرة؟
-كان شاب جذاب شديد ووشو نظيف لكن ملابسو السوداء وسخانة شديد حاحة غريبة ملامحو كانت مريحة وآمنه قالي عايزة تنتقمي منها؟قلت ليهو اي سكت واختفى تحت السرير تاني؟ بعدا ما ظهر لكن عارفة انو حيحصل شي..
-مشيت الجامعه عايزة اشوف حيحصل شنو وكانت ايمان مافي ف الجامعه لمن سالت فاطمة قالت..
-مشيت الجامعه عايزة اشوف حيحصل شنو وكانت ايمان مافي ف الجامعه لمن سالت فاطمة قالت..
-ايمان بليل وقعت في مطبخهم وكسرت رجلها!!! انا مابين خفت وما بين حسيت نفسي لي سبب ف الموضوع ومابين فرحانه والبسمة ظهرت في وشي لمن فاطمة ادتني نظرة استغراب انا ركزت مع نفسي وقلت ليها خلاص تمام تمام و مشيت كملت يومي. في نص ما ماشية عاينت ولقيتو واقف بعيد فنص الناس وسمعت صوتو زي....
كانو بتكلم جوا راسي قالي القدامك قعد تفكر اسلم عليها ولا لا المجنونة دي؟؟ فجاة لمن وصلت جمبها سلمت علي رديت ليها السلام وانا بعاين ليها باشمئزاز استمرت القصص تحصل لي وتحصل لي لحدي مافيوم حصلت الحاجة الخلتني اخاف على نفسي واهلي لكن ماحيكفي الثريد دا حاحكيهو في ثريد المرة الجاية
ولحدي هنا انتهى الجزء الاول اعتذر اذا طولت عليكم لكن القطعه ما حتطول وقريب شديد الجزو الجاي وبحبكم كلكم♥️
-ماتنسى تتابعني عشان تعرف الثريدات الجاية البوعدكم من مستوى جديد في الاسبوع دا❤️🔥ونحن عدنا🙋🏻♂️
.
رتويت يا حبيبي❤️وخش احكي لي قصتك.
⭕ رتويت ⭕ رتويت ⭕ رتويت ⭕
-ماتنسى تتابعني عشان تعرف الثريدات الجاية البوعدكم من مستوى جديد في الاسبوع دا❤️🔥ونحن عدنا🙋🏻♂️
.
رتويت يا حبيبي❤️وخش احكي لي قصتك.
⭕ رتويت ⭕ رتويت ⭕ رتويت ⭕
جاري تحميل الاقتراحات...