عندي هدف خلال ٢٠٢١ اني اعمل محطات فلكية عن اشخاص واحداث مختلفة ونتكلم عنها بتعمق وفي إطار فلكي اكيد بهدف الخروج من الإطار التقليدي في شرح بعض الأماكن والاتصالات ونشوف ازاي تركيبة الخريطة بتؤثر علي تجربة، خيارات وطموح كل شخص. المحطات دي هدفها الاستمتاع بجمال الفلك فأتمنى تعجبكم🕊️
أول محطة هنقف عندها هي إليزابيث جيلبرت، كاتبة ومؤلفة ومن أشهر وانجح أعمالها Eat pray love اللي بيشمل مذكراتها بعد مرورها بتجربة طلاق صعبة ومرحلة مليئة بالتساؤلات ورحلة لاكتشاف الذات وبسبب النجاح المبهر تحول فيما بعد لفيلم بنفس الاسم من بطولة جوليا روبرتس.
لما تشوف خريطة إليزابيث وتقارنها بطبيعة التجربة اللي مرت بيها واسلوبها في السرد وتخطي مرحلة مماثلة تنبهر. في بداية القصة هتجد انها بتقول ان حياتها تعتبر مثالية كونها مستقلة مادياً، ناجحة مهنياً ومتزوجة من رجل جذاب وتمتلك منزلها الخاص يعني لا ينقصها شئ وبالرغم من ذلك مش سعيدة!
وده كان أول تساؤل عندها ليه واحدة حياتها بالكمال والمثالية دي ومش قادرة تكون مبسوطة وبتعاني عاطفياً بالشكل ده وهنا بنبدأ مع وجود قمرها في برج #العذراء اللي بيدفعها للبحث عن الحياة المثالية وعشان كده سهل تجد اغلب الأشخاص دي لا ينقصهم شئ علي الصعيد المادي وكأن حياتهم بلا غلطة.
في حالة إليزابيث فكرة ان حياتها تكون صح او مثالية بزيادة ادت الي خلل خلق جواها الشعور بعدم السعادة او الراحة وده لأن عقدتها الجنوبية في حالة اقتران مع بلوتو في برج #العذراء بالإضافة الي قمرها فالموضوع تحول لهوس فاستثمرت كل مشاعرها و طاقتها في الوصول للكمال ده بس في إطار مادي.
وهنا بنشوف ان ده بالفعل ساعدها تصل للوضع المثالي اللي كله بيحلم بيه من وظيفة مستقرة، استقلال مادي وعلاقة تبدو ناجحة. ودايمًا هتجد ان طاقة #العذراء بتدفع الشخص للإنتاج في حياته وخاصةً علي الصعيد المادي نظراً لكونه برج ترابي فده شئ منطقي الي حد ما.
ومش معني كلامي ان اي حد قمره في #العذراء هتكون دي حالته ولكني بتكلم عن مزيج خريطة إليزابيث بالتحديد. في احدي الحورات المذيعة بتقولها اكيد كنتي طفلة قوية وفيكي صلابة ردت عليها ساخرة من نفسها وقالت إنها كانت طفلة جداً حساسة وشعرت بأنها ضعيفة في صغرها واي حاجة تحصل كانت تبكي عليها+
فمش غريب إطلاقاً ان أنجح أعمالها Eat pray love اللي بيعبر حرفياً عن تجربة شخصية مرت بيها في حياتها وهنا يكمن سحر طاقة برج #السرطان لأن عادةً مع طاقة السرطان النجاح بيكون مرتبط بالتجارب الشخصية ولذلك دايماً بنصح الأشخاص اللي عندها كواكب في السرطان انها تستغل تجاربها الشخصية.
يمكن في المحيط الفلكي في تقليل من طاقة برج #السرطان مع انها من اقوي الطاقات نظراً لاثر القمر علي البرج وأثر الأشخاص دي علي الغير. فمن اذكي الخطوات اللي اتبعتها إليزابيث كونها هيمنة سرطان انها استغلت تجاربها الشخصية بشكل إيجابي. وطبعاً انت مش لازم تحكي قصتك ولكن تخلي تجربتك دافع.
إليزابيث عندها اقتران بين الشمس وعطارد وليليث وده بيمنحها قدرة علي التمرد فبالرغم ان وضعها كان مثالي لكنها تمردت عليه لأنها ببساطة مش سعيدة. و المفاجأة هنا انها قررت تتخطي صعوبة طلاقها وتعيد اكتشاف ذاتها من خلال السفر وترك كل شئ ودي اكتر حاجة مريخ #قوس انا شفتها في حياتي.
المريخ في الخريطة بيمثل قدرتك علي تخطي تحدياتك، ازاي بتواجه مشاكلك، ازاي بتعترض علي اللي عاجبك. ووجود مريخها في برج #القوس دفعها لتخطي التحدي ده من خلال انها تطور من نفسها وتكتشف ذاتها وبالتالي امر منطقي انها تلجأ للسفر والتخلي عن كل شئ بمنتهي الشجاعة والجنون في نفس الوقت.
اللي ساعد إليزابيث وجود مريخها في #القوس بالرغم انه عامل تربيع مع قمرها ومعاكسة لزهرتها الا ان الاتصالات دي اوقات كتير بتدعم الشخص ومش بتدمره كما هو شائع والضغط اللي بتخلقه في حياتك بيدفعك للتحرك والبحث عن حلول. فمن خلال طاقة المريخ اتعلمت تغامر وتسيب نفسها حتي لو ده مش مريح ليها
وتاني بالرغم ان خريطتها فيها تربيعات ومعاكسات واقترانات ثقيلة الا ان ده دفعها لاكتشاف ذاتها والتعبير عن نفسها وفي النهاية هي انسانة عادية بس الطريقة اللي استغلت بيها طاقتها جداً رائعة مع انها ممكن تكون مش عارفة طبيعة خريطتها. اللي عايزة اقوله ان كل واحد فينا بطل حكايته.
قبل كده عملت ثريد عن أثر عودة زحل و أشرت فيها للفيلم وللقصة وقولت انه مثال رائع لفهم الطاقة ولسه بأكد علي كلامي. فاللي حابب يقرأ الكتاب او يتفرج علي الفيلم لا يتردد لأن فيهم رسالة ملهمة ومشجعة جداً. اتمني تكون عاجبتكم الثريد واتمني اننا نركز علي استخدام طاقتنا بأفضل شكل ممكن.
🌟 في النهاية اتمني للجميع اجازة رائعة و يوم مبهج، مشرق وجميل 🌻
بحبكم أبطالي 🦄 💜 و اشوفكم في المحطة (٢)
بحبكم أبطالي 🦄 💜 و اشوفكم في المحطة (٢)
جاري تحميل الاقتراحات...