#يلا_ثريد
تحت التغريدة دي حأكتب عن شراء الأراضي الزراعية وشنو الورق المفروض يكون موجود عشان تشتري بطريقة صحيحة , لو عايز تشتري أرض زراعية الثريد دا حيفيدك.
أرح 🌹🇸🇩
تحت التغريدة دي حأكتب عن شراء الأراضي الزراعية وشنو الورق المفروض يكون موجود عشان تشتري بطريقة صحيحة , لو عايز تشتري أرض زراعية الثريد دا حيفيدك.
أرح 🌹🇸🇩
نبدأ من وييين؟
أول شي حكومة السودان عملت قانون تسوية الأراضي وقننت كل الاراضي وعملت ليها أوراق ولسة شغالين بموجبه تبعت كل الاراضي في السودان ملك لحكومة السودان عشان تسهل ادارتها وتعميرها والناس الكانت أراضيهم ملك عين ادتهم شهادات بحث وبقية الاراضي بتطلع شهادات بحث باسم (منفعة)
أول شي حكومة السودان عملت قانون تسوية الأراضي وقننت كل الاراضي وعملت ليها أوراق ولسة شغالين بموجبه تبعت كل الاراضي في السودان ملك لحكومة السودان عشان تسهل ادارتها وتعميرها والناس الكانت أراضيهم ملك عين ادتهم شهادات بحث وبقية الاراضي بتطلع شهادات بحث باسم (منفعة)
انت بتنتفع منها سواء سكني او زراعي بس الملكية الأصلية تكون لحكومة السودان , هي في النهاية كدة ملكك لما تشتريها ما بتفرق يعني .
الأراضي اما ملك لشخص قامت الحكومة اكدت الموضوع دا وأدتو عليها شهادة بحث انها (ملك عين / ملك حر ) يعني المالك يمتلك الأرض ومنافعها
الأراضي اما ملك لشخص قامت الحكومة اكدت الموضوع دا وأدتو عليها شهادة بحث انها (ملك عين / ملك حر ) يعني المالك يمتلك الأرض ومنافعها
أو ملك (منفعة / حكر) دي يعني الشخص لا يمتلك الأرض بس بيمتلك منافعها .
صاحب الملك الحر/ العين بتطلع ليهو شهادة بحث بغرض البيع لأنها بتاعته وصاحب ملك المنفعة/الحكر بتطلع ليهو شهادة بحث بغرض التنازل لأن الأرض ملكية لحكومة السودان هو بيتنازل عن منفعته لشخص تاني
صاحب الملك الحر/ العين بتطلع ليهو شهادة بحث بغرض البيع لأنها بتاعته وصاحب ملك المنفعة/الحكر بتطلع ليهو شهادة بحث بغرض التنازل لأن الأرض ملكية لحكومة السودان هو بيتنازل عن منفعته لشخص تاني
وفي الحالتين ياهو البيع المتعارف عليه .
و انواع شهادات البحث البتطلع من مكتب تسجيلات الأراضي :
1.شهادة البحث بغرض التاكد.
2. شهادة البحث بغرض البيع ( العين / حر).
3. شهادة البحث بغرض التنازل (المنفعة /حكر).
4. شهادة البحث بغرض الرهن.
5. شهادة البحث بغرض الافراز,الضم ,المبادلة.
و انواع شهادات البحث البتطلع من مكتب تسجيلات الأراضي :
1.شهادة البحث بغرض التاكد.
2. شهادة البحث بغرض البيع ( العين / حر).
3. شهادة البحث بغرض التنازل (المنفعة /حكر).
4. شهادة البحث بغرض الرهن.
5. شهادة البحث بغرض الافراز,الضم ,المبادلة.
دا بصورة عامة في كل الأراضي فنحن نجي نشوف موضوع الأراضي الزراعية بيختلف شوية , في اراضي زراعية ملك حر وفي اراضي زراعية ملك منفعة والاتنين عندهم شهادات بحث زي ما قلت وشهادة البحث بتطلع في الحالتين بأسم المالك , الملك الحر مافيهو كلام كتير وما عليهو رسوم نهائيا
نجي نشوف ملك المنفعة أصلا كيف في الاراضي الزراعية :
الاراضي الزراعية في السودان مفروض تكون مستثمرة يعني مزروعة عشان يكون في تعمير وتمشي عجلة الاقتصاد قامت الحكومة عملت انك كمواطن سوداني يحق ليك تمتلك ارض زراعية مثلا اذا تم مسح مشروع وتم عرضه للبيع من قبل الحكومة
الاراضي الزراعية في السودان مفروض تكون مستثمرة يعني مزروعة عشان يكون في تعمير وتمشي عجلة الاقتصاد قامت الحكومة عملت انك كمواطن سوداني يحق ليك تمتلك ارض زراعية مثلا اذا تم مسح مشروع وتم عرضه للبيع من قبل الحكومة
وبيكون برسوم رمزية وبسيطة جدا بتطلع ليك شهادة البحث (منفعة) بأسمك مدتها 3 سنوات قابلة للتجديد في حالة استثمرتها وزرعت وحفرت بئر وشغال وامورك تمام تنتهي مدة شهادة البحث تمشي ليهم يرسلوا ليك لجنة مكونة من مهندس مساحة ومهندس زراعي يجوا الموقع يشوفك شغال ومعمر المكان انت كدة تستحق
انو ينظروا في امر تجديد شهادة البحث بعد المهندسين يرفعوا تقريرهم بالحاجات الانت عملتها ومن شروطهم
تعمل سور حول الأرض ومصدر موية وتكون زارع نسبة معينة من المساحة الكلية او موصل مصدر طاقة
بتجي لجنة تانية تشوف اون لاين عبر الاقمار الصناعية مباشرة وتقارن التقرير المكتوب من قبل
تعمل سور حول الأرض ومصدر موية وتكون زارع نسبة معينة من المساحة الكلية او موصل مصدر طاقة
بتجي لجنة تانية تشوف اون لاين عبر الاقمار الصناعية مباشرة وتقارن التقرير المكتوب من قبل
اللجنة الاولى بالشي الشايفنو قدامهم وطوالي تطلع ليك شهادة بحث جديدة والمرة دي التجديد مدتو 7 سنوات وهكذا كل مرة انت ماشي تمام تتجدد ليك المرة التالتة ل15 سنة والبعدها 25 سنة وهكذا وانت كدة بالنسبة ليهم زول منتج ودا الغرض المطلوب من منفعة الأرض
طيب اذا انت اخدت الارض وبعد ال 3 سنة ما مشيت جددتها ولا عملت اي شي او اللجنة جات لقت محلك خلا وما زرعت بيحصل انو ينزعوها منك ويدوها لغيرك ما ممكن تكون لا داير تشتغل وشايل مساحة من زول تاني ممكن ينجز ويخضر المكان عشان كدة بتلقو السماسرة يقولوا شهادة بحث مجددة ودي ما مجددة وكدة
انت كزول عايز يكون عندك ارض زراعية وما عايز تمشي تشتري من الحكومة يمكن يدوك في سقط لقط وما تقدر تمشي و....الخ وعايز تشتري مزرعة طوالي حتلقى ناس عايزين يبيعو اما مزرعته ملك حر وفهمنا قصتها او زول عنده ملك منفعة زي ما وريتكم وعايز يتنازل عنها ليك يعني بيعها ليك بالدارجي
طيب انت شفت أرض وعجبتك وخلاص قررت تشتري واتفقت مع المالك على السعر حيوريك شهادة البحث بتاعتها ومجددة او لا والأهم طبعا التاريخ عشان تعرفها مجددة او منتهية وفيها اسم المالك , بقيت عليها طوالي تطلب منه انو يسلمك ليها بالمساح الخطوة دي مهمة عشان تتأكد انو دي هي الأرض الانت عايزها
لو صاحب الأرض قاليك أنا ما بتكلف بالمهندس انت قول ليهو انا بدفع حق المهندس الافضل انك تستلم شي صحيح ويوقفك عليها والموضوع بسيط وسهل طوالي تمشي مكتب المساحة تطلب انك عايز مساح يسلمك الأرض الزراعية بشهادة البحث دي تشيل معاك شهادة بحث
وممكن تسوق معاك المالك تملأ بيانات الارض وتدفع رسومك وبيحددو ليك موعد مع مهندس يشيل احداثياتها يمشي معاك يوريك دي الارض وحدودها بالدقة وبيوقع ويختم فيها ودي نقطة مهمة لأنها حتكون مسؤوليتهم تاني .خطوة مهمة
كدة انت ورقك في السليم وامورك تمام وبقية الاجراءات مع المحامي في نقطة لازم تعرفوها انو الارض الزراعية لو شهادة بحثها ما مجددة ما بتطلع ليها شهادة بحث بغرض البيع يعني صاحبها ما بيقدر يبيعها ما لم يمشى في الاجراءات الفوق القلتها وجات اللجنة وزارت الأرض وجددوها ليهو ممكن تطلع ليهو
شهادة بحث بغرض التأكد وما شرط في البيع لأن البائع ممكن يعمل توكيل للمشتري انو يمشي في الاجراءات ويجددها وطبعا كل الاجراءات دي انت محتاج يكون عندك محامي تشاوره في الاوراق والاجراءات
في نوع تاني من الملكية وهو الحيازة وانا حأذكره للعلم لكن موضوعها مختلف والغش فيها اكبر بس ممكن يوم اعمل عنها ثريد .
طيب موضوع شهادات البحث عشان تكون انت زول عارف لأنك اذا حتشتري ممكن تكون مالك برضو فيما بعد وبتحتاج تعرف المعلومات التالية عن شهادات البحث
طيب موضوع شهادات البحث عشان تكون انت زول عارف لأنك اذا حتشتري ممكن تكون مالك برضو فيما بعد وبتحتاج تعرف المعلومات التالية عن شهادات البحث
شهادة البحث بغرض التأكد عشان تتأكد انها مسجلة بأسمك واجراءاتها تمشي تسجيلات الاراضي في المنطقة الفيها الأرض وتعمل الاتي:
تملأ اورنيك 7 و ارفاق الوثائق الثبوتية المطلوبه لمقدم الطلب(البطاقة القومية وبالعدم الجواز الالكتروني) وان يكون الطلب مقدم من مالك العقار او الوكيل بموجب
تملأ اورنيك 7 و ارفاق الوثائق الثبوتية المطلوبه لمقدم الطلب(البطاقة القومية وبالعدم الجواز الالكتروني) وان يكون الطلب مقدم من مالك العقار او الوكيل بموجب
توكيل ساري المفعول وان لا يتجاوز ال 5 سنوات او بتفويض من الجهة الاعتبارية.سداد الرسوم المطلوبة وتسلم الشهادة في نفس اليوم.
و شهادة البحث بغرض البيع بتطلع في نفس اليوم وسهلة يعني ونفس اجراءات شهادة البحث بغرض التأكد لكن بس بتحتاج صورة فوتوغرافية للمالك
و شهادة البحث بغرض البيع بتطلع في نفس اليوم وسهلة يعني ونفس اجراءات شهادة البحث بغرض التأكد لكن بس بتحتاج صورة فوتوغرافية للمالك
أهم شي في البيع والشراء يا جماعة شهادة البحث بغرض البيع دي مدتها 7 أيام فقط بعدها تعد غير سارية وملغية قانونيا وصاحبها بيشيل القديمة يوديها الاراضي يجيب الجديدة (أكرر مدة صلاحيتها 7 أيام) انت تعاين للتاريخ طوالي وتكون أًصل .
بقية شهادات البحث ما بصدد ذكرهم الان
بقية شهادات البحث ما بصدد ذكرهم الان
نقطة اخيرة شهادة البحث حقت الأراضي السكنية بتختلف عن بتاعة الأراضي الزراعية من ناحية الشكل وهنا وضعت ليكم صورة لكل واحدة من النت
كل الحاجات دي المحاميين عارفنها كويس بس انت لو عارف بتساعدهم وتكون ملم الموضوع
كل الحاجات دي المحاميين عارفنها كويس بس انت لو عارف بتساعدهم وتكون ملم الموضوع
كل المعلومات دي من واقع التجربة الشخصية ومعلومات اخدتها من تجربتي الشخصية في شراء في تسجيل الاراضي الزراعية لنفسي حبيت افيدكم بيها وشكرا للقراءة.
#انتهى_الثريد
#انتهى_الثريد
إضافة مفيدة من متابع👌
إضافة تانية
جاري تحميل الاقتراحات...