#ثريد .. قابلتا المهندس إسلام محمد خير المنسق القومي للقمح بمقر الإدارة العامة للتخطيط والإقتصاد الزراعي بخصوص ملف القمح عموما وتجربة زراعة القمح (المطري) بدارفور خصوصا
1/ الرقم الدقيق لاستهلاك السودان من القمح
ماعندو رقم ثابت لانو في متغيرات كتير متعلقة بتأمين الحدود والتجارة مع دول الجوار وازدياد اعداد النازحين من والى السودان .. لكن بحساباته حسب معدل النمو السكاني من آخر تعداد فنحنا +
ماعندو رقم ثابت لانو في متغيرات كتير متعلقة بتأمين الحدود والتجارة مع دول الجوار وازدياد اعداد النازحين من والى السودان .. لكن بحساباته حسب معدل النمو السكاني من آخر تعداد فنحنا +
حوالي 43 مليون نسمة واستهلاكنا 3 مليون طن (ما 2 زي مابقولو اغلب المسؤولين)
منها 2.3 مليون طن لدقيق الخبز و 0.7 طن للإستخدامات الاخرى (مكرونة ومخبوزات وبسكويت وباسطة الخ)
منها 2.3 مليون طن لدقيق الخبز و 0.7 طن للإستخدامات الاخرى (مكرونة ومخبوزات وبسكويت وباسطة الخ)
2/ توقعاتك للموسم الشتوي الحالي
متفاءل جدا بتحقيق انتاجية تصل لمليون ونصف طن .. بصراحة كدة مااخفيت استغرابي من الارقام وذكرتو بانو دا نفس الكلام القلتوهو الموسم الفات واتضح انو الواقع اقل وبكثير +
متفاءل جدا بتحقيق انتاجية تصل لمليون ونصف طن .. بصراحة كدة مااخفيت استغرابي من الارقام وذكرتو بانو دا نفس الكلام القلتوهو الموسم الفات واتضح انو الواقع اقل وبكثير +
قال لا .. مشكلة الموسم الماضي كانت مشكلة شراء من البنك الزراعي وعدم كفاية الصوامع والمستودعات للتخزين .. القمح الفي السوق حاليا "وبالذات التجاري" دا اغلبه انتاج محلي مامستورد +
3 / نحقق اكتفاء ذاتي من القمح كيف ؟
الحل كله في الشمالية لكن الموضوع محتاج تمويل مابسيط .. ومانسى يذكر انو في محاصيل تانية افضل من القمح كعائد زي الفول المصري وصعب تقنع المزارع بالربح الاقل فالحكومة بتلجأ للأسعار التشجيعية حتى لو كانت اعلى من السعر العالمي
الحل كله في الشمالية لكن الموضوع محتاج تمويل مابسيط .. ومانسى يذكر انو في محاصيل تانية افضل من القمح كعائد زي الفول المصري وصعب تقنع المزارع بالربح الاقل فالحكومة بتلجأ للأسعار التشجيعية حتى لو كانت اعلى من السعر العالمي
4/ تجربة زراعة قمح صيفي في دارفور وصلت وين ؟
مافي تجربة ولا حاجة .. زراعة القمح المطري كانت شغالة في المناطق الجبلية "معتدلة الجو" في دارفور قبل 2002 لكن الحرب هي السبب في توقفها .. الان زرعنا بعد تنسيق مع الحركات المسلحة 1000 فدان في جنوب دارفور و 1200 فدان في وسط دارفور
مافي تجربة ولا حاجة .. زراعة القمح المطري كانت شغالة في المناطق الجبلية "معتدلة الجو" في دارفور قبل 2002 لكن الحرب هي السبب في توقفها .. الان زرعنا بعد تنسيق مع الحركات المسلحة 1000 فدان في جنوب دارفور و 1200 فدان في وسط دارفور
انتاج الفدان كم طن بعد الحصاد ؟
الحصاد بدأ لكن ماوصلنا التقرير الرسمي الى الآن .. في توقعي انتاج الفدان ماحيزيد عن 5-7 جوال وزن 100 كيلو ودا انتاج مقبول جدا لان الري مطري وغير مكلف
الحصاد بدأ لكن ماوصلنا التقرير الرسمي الى الآن .. في توقعي انتاج الفدان ماحيزيد عن 5-7 جوال وزن 100 كيلو ودا انتاج مقبول جدا لان الري مطري وغير مكلف
هل ممكن نتوسع في المشروع دا ؟
ممكن لكن المساحات ماحتكون كبيرة .. اكبر مساحة اتزرعت قبل الحرب كانت 10-11 الف فدان وأهل المنطقة القمح ماأولوية بالنسبة ليهم زي الدخن والفتريتا لكن ممكن نحقق اكتفاء لجزء كبير من دارفور لو وضعت خطة استراتيجة لزراعة القمح وساندناها بالصوامع والمطاحن
ممكن لكن المساحات ماحتكون كبيرة .. اكبر مساحة اتزرعت قبل الحرب كانت 10-11 الف فدان وأهل المنطقة القمح ماأولوية بالنسبة ليهم زي الدخن والفتريتا لكن ممكن نحقق اكتفاء لجزء كبير من دارفور لو وضعت خطة استراتيجة لزراعة القمح وساندناها بالصوامع والمطاحن
جاري تحميل الاقتراحات...