أنا هكون عكس التيار، وهقول الكلام الكتير ده والفريق خسران كتأكيد مباشر على شغل سولشاير رغم رأيي فيه، سواء كان كسب السيتي أو لا، أو كسب الدوري أو لا، أو مهما كانت النتائج بعد كده.
سولشاير مهما كان الإختلاف عليه، يظل أفضل مدرب بعد السير كان له أساس ومشروع واضح!
ثريد تحليل..
سولشاير مهما كان الإختلاف عليه، يظل أفضل مدرب بعد السير كان له أساس ومشروع واضح!
ثريد تحليل..
بعد فترة فيها إهانة لكرة القدم من إدارة مانشستر يونايتد والمدربين اللي تم التعاقد معاهم بعد إعتزال السير فيرجسون، مفيش مدرب مشي على خط مستقيم بأساسيات ومشروع حقيقي غير سولشاير،
مويس وجيجز كانوا في ظروف لا تسمح لنجاح أي مدرب، وبدون مشروع حقيقي منهم كمان.
مويس وجيجز كانوا في ظروف لا تسمح لنجاح أي مدرب، وبدون مشروع حقيقي منهم كمان.
فان جال أول ما تم التعاقد معاه باع فان بيرسي المهاجم الوحيد،
باع إيفرا، باع كل كوادر الفريق وإتعاقد مع مارسيال ودارميان وبليند وديباي وأشباه لاعبين بأكبر سوقين إنتقالات لنادي وقتها بـ287 مليون إسترليني.
باع إيفرا، باع كل كوادر الفريق وإتعاقد مع مارسيال ودارميان وبليند وديباي وأشباه لاعبين بأكبر سوقين إنتقالات لنادي وقتها بـ287 مليون إسترليني.
فان جال كان عايز النادي يكون هولندي الهوية، بدون مقدمات ومشروع فيه تخطيط سليم، حتى لو عايز تلعب كورة شاملة بدون مهاجم حقيقي، ده مش منطقي إنه يحصل في يوم وليلة وفي دوري زي الإنجليزي، باع قبل ما يشتري، بالتالي النتائج كانت بديهي تكون ضده، ويكون هو المسؤول الأول.
بعد فترة، بيب جوارديولا راح السيتي، بالتالي تأكيدًا لعدم وضع مشروع حقيقي ووعي رياضي من الإدارة، إنصاع الجلايزرز للوضع وتعاقدوا مع مدرب تاني خالص بهوية تانية خالص بأقصى أنواع الإهانة لقواعد كرة القدم، الأهم يكون مدرب كبير زي الباقي، وهو مورينيو.
تعاقد مورينيو مع 10 لاعبين، كل طلباته في الموسم الأول إتنفذت، في الموسم التاني طلب إستبدال مارسيال ببريزيتش، عايز ألدرفيلد وهو معاه بايلي على الدكة طوال الموسم،
تعاقد مورينيو مع 10 لاعبين، كل طلباته في الموسم الأول إتنفذت، في الموسم التاني طلب إستبدال مارسيال ببريزيتش، عايز ألدرفيلد وهو معاه بايلي على الدكة طوال الموسم،
الفريق مر بنتائج سلبية، بسبب مورينيو قبل أي حد، 487 مليون إتصرفوا على الأرض كأكتر مدرب صرف مع جوارديولا بالمناسبة، مفيش أسلوب لعب، إصرار أعمى على أمور سلبية يطول شرحها، اللاعبين معاه بنفس مستواهم بدون أي تطوير،
كان السبب في الصدام مع كل اللاعبين، يخرج يهين كل اللاعبين اللي عنده بعد كل خسارة كأنهم صلصال بيشكل فيهم زي ما هو عايز،
بالتالي بعد سلسلة نتائج سلبية، تمت إقالته وهو في المركز التاسع، بشكل مهين يستحقه تمامًا.
بالتالي بعد سلسلة نتائج سلبية، تمت إقالته وهو في المركز التاسع، بشكل مهين يستحقه تمامًا.
تم التعاقد مع سولشاير، مدرب لم يفعل أي شيء في باقي الموسم ده غير إنه عمل البديهيات اللي لم يفعلها اللي قبله، كسب أوضة اللبس واللاعبين معاه تألقوا وتم توظيفهم في أماكنهم، ريمونتادا على باريس حتى لو بالتوفيق، كل ده كان سبب واضح في التجديد له 3 مواسم حتى لو كان قرار مبكر وغير مدروس
في موسم سولشاير التاني، بداية الشغل الحقيقي، الراجل تعاقد مع 3 لاعبين، مجواير وبيساكا وجيمس، مفيش صفقة فيهم فشلت، كل واحد فيهم عمل الدور المحدد له حتى لو بشكل ناقص،
كان واضح من أول يوم سياسة سولشاير، وهي الإعتماد على الشباب وهوية مانشستر يونايتد مع الإنجليز، إعتمد على المرتدات والتحولات الهجومية لأنه من أول يوم ظهر فقره التكتيكي، لكن ده طبيعي مع مدرب إنجازه الوحيد هو الدوري مع مولده النرويجي!
رغم السلبيات الواضحة اللي موجودة لحد دلوقتي خصوصًا على المستوى التكتيكي والتبديلات المتأخرة اللي كلفته كتير وعدم إدخاله لفان دي بيك في المنظومة واللي بسببها برونو إتهلك بدنيًا،
لكن سولشاير أضاف كمان لكتير من اللاعبين وعمل اللي يقدر عليه،
لكن سولشاير أضاف كمان لكتير من اللاعبين وعمل اللي يقدر عليه،
أضاف لراشفورد في تعامل المهاجم مع الكورة وبدونها، وظف برونو فيرنانديز بأفضل شكل ممكن، حول مستوى فريد تمامًا، عمل ثنائية ممتازة بينه وبين ميكتوميناي لدرجة إن رقم 6 بقى دكة، الإجتهاد معاه هو السبيل الوحيد إنك تكون في مكانك، ولو حصل العكس هتكون على الدكة.
روح الفريق إتغيرت معاه، أنت دلوقتي بتنافس على الدوري رغم النواقص اللي عندك، الفريق حتى لو كسبان عايز أكتر، ولو خسران عايز يكسب وبيقاتل لآخر لحظة، كل ده كان مفقود مع اللي قبله، إسم مانشستر يونايتد بقى حقيقي لكل لاعب في الفريق.
حتى على مستوى المشروع، أندي ميتين إتكلم في "ذا اثليتك" في تقرير ممتاز من يومين عن شغل سولشاير اللي بيُدار خلف الأسوار، لما أخذ باقي الموظفين أجازة في فترة التوقف الدولي، سولشاير كان الوحيد في مانشستر، أظهر قدر كبير من الاهتمام بنظام الشباب وشارك في التعاقد مع بيليستري ومجبري.
ميتين قال إن مانشستر يونايتد بيتبع نهجًا قائمًا على البيانات من أجل التعاقدات وعلوم الرياضة (بدنيًا وصحيًا)، سولشاير قام بإصلاح ترقية موظفين إلى مناصب في أقسام التدريب وعلوم الرياضة والقوة والقدرة والتعاقدات والشباب وتحليل البيانات.
'مارتين بيرت' وصل في بداية الموسم الماضي، حاصل على درجة الماجستير في علوم الرياضة، ودرس كمان أساليب بيلسا، بيتمثل دوره في زيادة الحِمل التدريبي للاعبي مانشستر يونايتد اللي مش بيلعبوا لعدم تهميشهم وعلشان يكونوا مستعدين عند إستدعائهم.
كمان سولشاير تعاقد مع دارين فليتشر، طلب ريان جيجز وروي كين في القسم النفسي للفريق علشان يبث في الشباب روح مانشستر يونايتد الحقيقية، كمحاولة من سولشاير لإعادة الحِرز القديم بكل تفاصيله.
حتى على المستوى التكتيكي، سولشاير حتى لو كان 2 من عشرة أول ما وصل، فهو حاليًا مش بنفس الرقم أبدًا، بقى 6 مثلًا، بيتطور كل ماتش بشكل واضح للأعمى وينكره الظالم، حتى لو كان لسه عنده بعض السلبيات.
شكرًا أولي جونار سولشاير،
فترتك كان المفروض تنتهي قبل الموسم ده ويتم التعاقد مع مدرب أقوى تكتيكيًا وأكتر خبرة، لكن شكرًا لتأديتك المهمة اللي عليك بأفضل شكل ممكن رغم خبرتك المتواضعة، سواء كملت في تأدية المهمة أو الظروف وقفت ضدك.
فترتك كان المفروض تنتهي قبل الموسم ده ويتم التعاقد مع مدرب أقوى تكتيكيًا وأكتر خبرة، لكن شكرًا لتأديتك المهمة اللي عليك بأفضل شكل ممكن رغم خبرتك المتواضعة، سواء كملت في تأدية المهمة أو الظروف وقفت ضدك.
شكرًا من القلب للمشجع أولي جونار سولشاير، قبل المدرب أولي جونار سولشاير.
إنتهى الثريد.
إنتهى الثريد.
جاري تحميل الاقتراحات...