أفضل حاجة يقدمها ال Senior Engineers للفرق بتاعتهم هو أنهم يبقوا Multipliers، و ده مبدأ انا قعدت فترة لحد ما فهمته، ازاي خبرتهم و التأثير بتاعهم يضاعف إنتاجية الفريق ككل.
ده بييجي بطرق كثير، دول ٧ حاجات حسيت انهم مؤثرين جدا 🧵 /1
ده بييجي بطرق كثير، دول ٧ حاجات حسيت انهم مؤثرين جدا 🧵 /1
اولاً لازم تاخد بالك أن فريقك حيعمل زي ما بتعمل سواء صح او غلط، فخد بالك من التفاصيل الصغيرة، يعني لو بتكتب كود، التزم بالمعايير، من اول شكل الكود ايه، لحد بتكتب ايه في ال commit message، انا ما كنتش متخيل الموضوع ده لحد ما لقيت ناس بتسمي ال branches بتاعتها بنفس الاسلوب بتاعي /2
ثانياً هدف مهم من اهدافك انك تنمي مهارات فريقك، فاديهم فرصة ياخدوا قرارات و اتنافش معاهم، ما تسارعش بانك تاخد القرارات بالنيابة عنهم، اهتم اكثر بانك تتأكد أن قراراتهم اتبنت على أساس منطقي، لان ده حيديهم فرصة يبحثوا و يوصلوا لنتائج انت حتتعلم منها قبلهم /3
ثالثا دائما خلي فيه قنوات اتصال مباشرة بينك و بين أفراد الفريق، و بادر بانك تتواصل معاهم في الأوقات اللي الدنيا ماشية فيها كويس بحيث تبقى عادة أن الناس تتكلم معاك و تشاركك في قراراتها و ده حيسهل التواصل في الأوقات الحرجة، لان مفيش جدار وهمي بينك و بينهم /4
رابعا و انت بتعمل اي نوع من المراجعات زي ال Code Reviews و ال Design Reviews، استغل الفرصة دي في انك تخليها فرصة للتعلم، لو فيه حاجة شايف ممكن تبقى احسن، حاول انك تدي ال feedback بشكل actionable، يعني ما تقولش الجزء ده وحش و خلاص، اشرح ليه و ايه وجهة نظرك، و ما تفرضهاش كمسلمة /5
و حاول دائما انك تشاور على الحاجات الكويسة و تبرزها، مش كل ال review feedback لازم يبقى negative بالعكس حاول تثني على الشغل الكويس اللي معمول بمزاج /6
و خلي ال feedback في الاتجاهين، يعني لما تشتغل على حاجة ابعتها ليهم و خد رأيهم و التعديلات اللي شايفينها، و استشيرهم و brainstorm معاهم في قرارات ممكن تبقى محتار فيها، كل دي فرص ممتازة لتطوير المهارات /7
خامسا شجعهم يكتبوا كثير، مش بس كود، لكن يتعودوا على كتابة تفاصيل زي design documents و test plans بحيث باقي الفريق يستفيد من المجهود المبذول، بالإضافة انها بتساعد اي حد داخل جديد أنه يفهم و يبقى منتج بشكل سريع /8
سادساً ما تبيعهمش لما تحصل مشكلة، لانهم حيغلطوا و انت حتغلط، بالعكس الاخطاء لو تعاملت معاها بشكل صحيح حتبقى افضل فرص التعليم، و حسب حجم المشكلة و ازاي اتحلت حاول تنمي ثقافة توثيق المشاكل و اسبابها و اساليب تجنبها في المستقبل Root Cause Analysis RCA مفيدة جدا /9
سابعا ما تحبطش حماسهم، يعني لما تلاقي حد متحمس أنه يجرب أسلوب جديد او تقنية جديدة، ما ترفضش مبدئيا أو تسفه من الفكرة من غير ما تفكر، بالعكس اسمع كويس، و قيم الموقف و خليك موضوعي قدر المستطاع، بحيث حتى لو شايف ان ده مش حينفع لاي سبب، يبقى الطرف التاني اقتنع، أو على الأقل تفهم /10
جاري تحميل الاقتراحات...