((( ثريد ولادة اختي ببيتنا )))
في عصر يوم الاحد و النسيم البارد يداعب شعري و صوت الاطفال يلعبون ويركضون بحديقة المنزل و افراد العائلة يحتسون الشاي والقهوه و المراهقين يلعبون كرة القدم فجأه اسمع ياحيووووااااااان بنتي لو يجيها شيء ياويلك طلع اخوي الاحول شات الكوره على كرشة اختي الحامل بدل ما يشوتها بالمرمى...
واشوف امي وخواتي كلهم يركضون والاحفاد يلحقونهم ما يدرون وش السالفة يحسبونهم يلعبون سباق وكلهم تجمعوا على اختي والحمدلله طلع مافيها شيء بس تتدلع وشوي كذا امي تذكرت انها ما قامت بواجبها وهاوشت اخوي واخوي انتبه وقام يركض وامي تلحقة والبزران يركضون يحسبون انه الشوط الثاني من السباق
ودخل المشب وقفل على نفسه وامي تقوله افتح ياحبيبي اعتذر لاختك واخوي الثاني يقوله تعال نلعب سوني و اختي الكبيره تقوله افتح الباب مافيه الا انا كلهم راحو بس هو كان ذكي وعرف انه فخ عشان يطقونه ومافتح لهم
وفي ظهر اليوم التالي صحيت على ريحة الغداء تفوح في ارجاء المنزل و صوت المكنسة و بكي الاحفاد و الشغالات يكلمون بالجوال يحسبون صوتهم واطي واختي تغني اغاني كورية تحسب نفسها كيوت ومع ذلك قررت اني اتحدا الظروف واقوم مروقه
ويوم جلسنا نتغدا قمت اعد افراد الاسرة وطلع اختي الحامل مو موجوده سألت وينها قالوا راحت المستشفى و الكل قام يناظر بأخوي الي شاتها و قام يصيح يقول ياخي ولله بالغلط و ترك الاكل وقام مسوي زعلان البزر
وعلى الساعه٣ العصر و الكل ينتظر خبر ولادة اختي صدمتنا ودخلت علينا والكل قام يركض عندها وهي فرحانه المسكينة تحسبنا نحبها بس احنا كنا نركض لان معها اكياس حلويات وكنا نتسايق مين ياخذ اول و قاموا الاحفاد بسحب الشعور وقليل من الدموع والصراخ عشان الحلويات (كأنهم اول مره يشوفون حلويات)
و جلسنا العصريه كلها ناكل ونسينا ان عندنا اخت حامل وتعبانه و على صلاة المغرب اختي الكبيره كان عندها موعد وطالعه ومن حسن الحظ ان هي دكتوره و نسمعها تقول يلعن بليسك ياحيوانه دخليها لا تطلع ورحنا نشوف لقينا اختي جالسة تحت الشجره بتولد تحسب نفسها بعصر الجاهلية
وهنا صارت حالة استنفار بالبيت لان وقت صلاة والرجال كلهم بالمسجد و البيت كله يركض بدون اي سبب و شغالتنا تصيح لانها حامل وشافت مصيرها وهذا كله واختي الكبيره تهدد تقولها ياويلك لو ولدتي دخليها ودقينا على الاسعاف لكن خرج الموضوع عن السيطرة وبدت تولد
وقررنا نرجع لكم عام ورا ونولدها بالبيت و دخلوها المجلس الي بالحوش وجت وحده من خواتي تقول وش رايكم نحط لها بطانيه على الكنب عشان ترتاح وهي تولد وهي كذابه تقول كذا لان هي الي شرت الكنب وخايفه عليه واختي بدت تصارخ لان النونو بدا يطلع...
و خواتي قاموا يركضون ببطانيات و مويا و بعضهم شايلين اغراض مايدرون وش هدفها بس يعنني يساعدون و التفت وراي اشوف احفادنا يبكون ويقولون خاله ماتت و عيالها يقولون ماما ماتت و تحركت مشاعر الخاله عندي وقلت لازم الهيهم
و ادخلهم بالغرفة و اشغل لهم طيور الجنة و ارقص لهم واسمعهم يقولون يع وش ذا لكن ما اثر فيني وكملت لهم رقص بعدين حسيت من جد محد يبي يشوف رقصي قلت بطلع وطلعت واشوف اخواني وزوج اختي كلهم جو وحاطين لثمه على وجيهم زي حقت العزا وامي تبكي قلت بس خلاص اختي ماتت
ومن سوء حظي اني كنت ماره من قدام المجلس الي تولد اختي فيه وفتحوا الباب بالغلط وشفت مكوة اختي و صار بدل الصدمه صدمتين و المنظر هذا خلاني كل ما افكر بالزواج يجيني خفقان
وزوج اختي دخل عند حرمته يبي يساعدها اغمى عليه وابتلشوا فيه وصاروا اخواني يصحونه ويقولون خكري خكري واختي الكبيره باقي تسب وتلعن تقول انا قلت لك لا ترجعين البيت بس انتي ماتسمعين الكلام واخوي الي شاتها قاعد يصيح بالمشب ويقول ولله بالغلط ماكان قصدي مايدري الغبي انها بكل الحالات بتولد
وبعد دقائق معدوده زاد فرد بالعايله وكان بفضل الله ثم اختي الكبيره الي طول الوقت تسبها ليه تولد كان شعور غريب وصعب علينا كانت لحظه حلوه بحياتنا واحنا صرنا خالات للمره العشرين بس مازلنا نفرح وكأنه اول حفيد لنا
بعدها جاء الاسعاف و شال اختي وبنتها و الحمدلله الحين بنتها عمرها ٤ سنوات و اتذكر الحظه وكأنها امس ♥️
@mybador حبيبي دوم يارب😭😭
جاري تحميل الاقتراحات...