الايرلنديون حاربوا الإحتلال الإنجليزي لمده 800 سنه، أنت قريت الرقم صح 800 سنه بيعملوا نفس الحاجه!
والعجيب أنهم طول الفتره دي مستسلموش، ولا انتصروا برضو!!
متخيل انك بتعمل نفس الحاجه لقرون من غير ما تنتصر! وفي نفس الوقت من غير ما تزهق وتستسلم!

The same efforts EQUAL the same results
لو حبينا نعرف ليه طول الفتره دي الايرلنديون منتصروش ؟!
لأنهم ببساطه كانوا بيستخدموا نفس التكنيك اللي بيستخدمه الإنجليز؛
١- معارك واسعه المدي
٢-تشكيل كتائبي صارم
٣- جيش في مواجهة جيش
ف طول الفتره دي كان تصور ايرلندا أن الطريقه الوحيده

للانتصار هي الجيش النظامي زي الإنجليز.
لحد ما ظهر واحد اسمه #مايكل_كولنز
كل اللي عمله أنه غير استراتجية الحرب من جيش نظامي مقابل جيش نظامي إلي أنه حول المقاتلين الي مجموعات فدائيه شبيه ب حرب العصابات.
عمل حاجه اسمها الاعمده الطائره ودي عباره عن مجموعات

صغيره بتلبس لبس مدني وبتعمل عمليات هجومية علي كمائن و قواعد ونقط تفتيش الإنجليز.
والمفاجأة أن بعد أقل من ٣ سنين بس من الاستراتيجية دي نجح أخيراً الجيش الايرلندي من التخلص من الإحتلال الإنجليزي.
ف بمناسبة السنه الجديده، وبدايه الاحلام والخطط الجديده.

عمرك مفهوش 8 قرون عشان تفهم الدرس
"نفس الفعل = نفس النتيجة"
ف نفس أفعال العام الماضي لن تؤتي سوي بنفس ثمار العام الماضي ف نصيحه يعني
"غير من أفعالك = تتغير النتيجة وتتغير حياتك إلى ما تُحب"♥