جوجل والمصرية للاتصالات وقعوا اتفاقية هتوفر المصرية للاتصالات بيها حلول لعبور بيانات جوجل بشكل أسرع وآمن وبيوفر لجوجل سعة مرور أفضل لبياناتها اللي بتعبر مصر من لخلال الكابلات البحرية للانترنت. تعالوا نشرح ذكاء الاتفاق ده!
investegate.co.uk
investegate.co.uk
البنية التحتية لعبور بيانات الانترنت وشبكتها مشابه جدا لشبكة الطرق والمواصلات، محاور رئيسية (كابلات) بتعبر من منطقة لمنطقة. لو تخيلنا قناة السويس مكان لعبور السفن والبضائع فمصر في شبكة الانترنت الدولية محور أساسي ورئيسي لشبكة الانترنت وكابلاتها وعبور بضاعتها (عبور البيانات)
مصر ثاني أكبر دولة بيمر فيها كابلات انترنت بعد الولايات المتحدة (17% من كابلات العالم) و80%من البيانات العابرة من آسيا لأوروبا بتمر من خلالنا. الكابلات زي محاور الطرق ما بين آسيا وأوروبا فيها عدد الحارات (سعة البيانات) وجودتها والخدمات اللي عليها من تأمين وزحمة Traffic واسعاف حتى
لما بيكون في حد مهم معدي زي بيانات جوجل في الكابلات دي لازم نعمله حساب فإما أنك بتديله أولوية في العبور أو بتفتحله حارة أو اتنين مخصوص. لو الحد المهم ده حس أن الدنيا زحمة في الطريق، هيدور على طريق تاني يمشي فيه أسرع أو يمكن يعمل المحور بتاعه (طريق خاص) بس ده هيكلفه كتير جدا.
ولأن أحنا بيمر من خلالنا محاور كتير (كابلات انترنت عالمية) على أرضنا فأحنا نقدر نعمل "كباري" ضخمة ما بين الكابلات دي من خلال شبكتنا المحلية نفسها. وده اللي عملناه بالفعل عشان نسهل حركة البيانات ما بين المحاور دي وننظم حركة المرور بشكل يسهل على كل البيانات العابرة أنها تعبر بسرعة.
عشان نقدر نوفر خدمة الكباري ما بين الكابلات (كتبسيط للفكرة) فيما يعرف بـ low latency mesh network لازم الحد المهم اللي هيعدي ده يبقا واثق أن الكوبري ده بنفس جودة المحاور ومتأمن زيها برضه وده استثمار ضخم في البينة التحتية للاتصالات أحنا عملناه والنهاردة كسبنا ثقة جوجل فيه.
الاتفاق ده مكسب كبير للبنية التحتية للاتصالات والشبكة المحلية لأنها بيحول مصر من مكان لعبور البيانات فقط لمكان بيتقدم فيه حلول وخدمات للعابرين المهمين أمثال جوجل تقدر توفر عليهم انشاء كابلات خاصة وتقدر توفر خدمات مؤمنة وسريعة على نفس البنية التحتية للكابلات اللي بتمر من خلالك
وأخيرا بعد الشرح تقدر تفهم أن المصرية الاتصالات هتوفر سعة مؤمنة لجوجل على بنيتها التحتية اللي بتقدر توصل ما بين الكابلات البحرية العالمية اللي بتمر من مصر من خلال TransEgypt Mesh وهو شبكة ناجحة مصرية الصنع بتوصل ما بين الكابلات العالمية المارة في أقل من 50 مللي ثانية
وعلى مايبدو فتطور البنية التحتية الانشائية عندنا من طرق وكباري وقناة السويس مش بس بيقف عند ده أنما بيصل أيضا لتطور البنية التحتية للاتصالات والبيانات وبتعمق دور مصر كمحور رئيسي في حركة اللوجيستيات فوق سطح الأرض وتحت سطح الأرض أيضا.
telecomreview.com
telecomreview.com
جاري تحميل الاقتراحات...