#ثريد #كيف_تتعلم
كلام من القلب لكم♥️.
للامانه عندي نصيحة لكل شخص حاب يتعلم شي جديد سواء لغة او كورس.
وقت ماتبي تتعلم الشي حاول تثبت على محتوى واحد وشخص واحد اذا جلست تنتقل من شخص لآخر بنفس الكورس ولا تكمل.
هنا تضيع وقتك + تشتت نفسك.

من أساليبي في مذاكرتي لشي اني أخلي الشي الي أتعلم هو عالمي ما أتطلع على معلومات أخرى مالها دخل بالكورس سواء كان شي متقدم بنفس الكورس او معلومة خارج الكورس.
وقت ماتبي تتعلم حاول تحدد وقت معين للمذاكره، اذا كانت مذاكرتك وقتها عشوائي صدقني ماراح تركز ويقل الحماس وتتشتت وتتضايق.

ما أجمل أن تضع وقت مناسب لك حيث لا تكون مداخلات في هذا الوقت سواء كان في الصبح او في الليل،وقت لنفسك و لكورسك.
وتتحمس متى يجي هذا الوقت عشان تتعلم اكثر.
من الاشياء الأخرى الي تحمسني وتصبرني على مناهج نظريه مملة اربط الكورس بالشي الي احبه.

مثلا: وقت ماتحس الشبكات نظري ممل تصور انك في الحالة هاذي لو كنت ك مهاجم وش تقدر تسوي وكيف تستغل هاذي النقطة اذا أنحطيت فيها داخل شبكة الضحية.
الملخص: شغفك وحبك للتعلم هو دافعك للتطور ولا تشتت نفسك في اكثر من كورس نفس الوقت او اكثر من مصدر.