رتبها

AHMED T. BADR

@Ahmed_ben_taha

2 تغريدة 2,379 قراءة Jan 03, 2021

Twitter

شباب الامتياز الجديد
فى كذا حد سألنى عن مجالات الشغل بعد التخرج
Medical
1-تشيل شيفتات امتياز وليها جروبات على التيليجرام
2- تكون دكتور طوارئ فى أى مستوصف صغير (التعامل فى الاول بيكون شيفت طاير بعد كده بتتفق مع صاحب المكان انك تثبته لو حابب
3- تكون دكتور GP فى أى مستوصف صغير1

وده حاجة من 2
يا تشتغل كل حاجة باطنة واطفال وجراحة مايضرش غسيل اذن ما يمنعش
أو تاخد حاجة واحدة بس حسب مانتا حابب
ولكن كله يرجع ل أد ايه انت شاطر وازاى هترد على ربنا لما بيسألك كنت بتعالج الناس ازاى بعلمك وخبرتك الزيرو دول 2

4- دكتور gp
فى شركات البترول
أو شركات السياحة أو الفنادق أو نوادى أو مولات فى القاهرة او بره
ولو بره بيكون سفر اسبوعين على بعض مثلا وفلوسهم كويسة
5- شغل فى مراكز
جلدية
دياليسيز
IVF
3

para-medical:
1- شركات تأمين
وشغل التأمين ك الاتى
لو فى شركة مأمنة ع الموظفين بتوعها طبيا مع شركتك
وواحد منهم عنده وجع فى ضهره مثلا فا الدكتور بتاعه يكتبله على mri& ast /alt
الموافقة دى بتجيلك انت
هل هو يستحق حسب تشخيصه والحد الائتمانى بتاعه يعمل اشعة الرنين وفحوصات الكبد 4

2- call center
انك تشتغل فى معمل البرج مثلا كول سنتر طبى لو مريض بيتصل بيسأل عن نتيجة حاجة أو عن تحليل معين المفروض يعمله ولا لاء تبعا لحالته الصحية وهكذا
3- online tele medicine center
ودى مؤسسات بتقدم الطب عن بعد وبيكون دورك إما تنظيمى فقط أو بترد بنفسك على الاستشارات 5

لو حد من زمايلى عنده اضافة يقولها ويزودها للناس
دى الجروبات اللى تحت ايدى دلوقتى وأكيد فى اكتر
...............................
الجروبات مش كل حاجة
اسأل كل معارفك وحاول تزود علاقاتك على اد ما تقدر
وطبعا اسعى فى كل حاجة من دول وادعى وتوكل على الله وهيرزقك باذن الله 6

ضرورى جدا جدا تحدد انت عاوز ايه من سنة الامتياز قبل ما تبدأ
انبسط باجازتك 7

س الامتياز بيجرى ولازم تستغله صح مش سنة تقضيها فى الفاضى
عاوز تتجوز او تجيب فلوس لاى مشروح او حتى سفر
عاوز تذاكر معادلة
عاوز تتعلم كويس فى التخصص اللى انت ناوى عليه
عاوز تريح وتأنتخ طول السنة وبفلوس الامتياز البسيطة تمشى امورك
حدد انت عاوز تعمل ايه وعلى اساسه ابدأ دور وحط خططك8

هحطلكم اللينكات اللى تحت ايدى فى الكومنتات
ولو حد عنده حاجة يزودها برده وانا هزودهم وربنا يرزق الجميع9