النكت البتقسم البلد..
الواحد ليهو كم سنة وقف ترديد و نشر النكات البتتناول جماعات اثنية لأنه انتبه ببساطة انه التبعات بتاعتها في اللاوعي بتهدد السلم الاجتماعي وعندها تأثيرات بطالة في الوحدة الوطنية.. (١)
الواحد ليهو كم سنة وقف ترديد و نشر النكات البتتناول جماعات اثنية لأنه انتبه ببساطة انه التبعات بتاعتها في اللاوعي بتهدد السلم الاجتماعي وعندها تأثيرات بطالة في الوحدة الوطنية.. (١)
فلو الواحد النكتة عجبته، بدل يكتب اسم القبيلة ممكن يعبر عنها بحاجة بتشرح السلوك المقصود معالجته من غير دمغ قبيلة كاملة بأي سلوك.. لأنه زي ما بيقولوا (أي تعميم مهما كان فهو غلط).. وعشان الواحد يكون واضح لكل من يقرأ البوست دة؛ (٢)
فبدل ما تقول رباطابي، جعلي، شايقي.. الخ عوض عنها بالصفة العاوز تعالجها.. الكلام دة برضو بيمتد للجنسيات التانية؛ ف زي ما بنزعل كلنا لما نشوف واحد من اخواننا العرب (بتوع الجزيرة العربية) بيحكي نكت عن السودانيين محاولاً دمغهم بالكسل (واللي ممكن يكون صحيح بالمناسبة)، (٣)
واللي برضو ربما مصدرها هم منافسيننا في سوق العمل الخليجي؛ حقو احنا برضو نجرب نبطل نضحك في الجنسيات التانية و نطلع نكت على شاكلة واحد حبشي، ولا غيره.. (٤)
الخواجة طلع كالعادة مر بالحاجات دي كلها و درسها بعلمية، و طلع لينا مصطلح "فكاهة الإستخفاف" Disparagement humor واللي تعريفه ببساطة (محاولة التسلية عن طريق تشويه سمعة مجموعة اجتماعية او ممثلينها).. النكات دي زي ما قال الخواجة بتحتوي على رسالتين متناقضتين: (٥)
الأولى رسالة صريحة متعصبة و متحاملة، والثانية رسالة ضمنية انه ما المقصود التحييز ضد مجموعة معينة لكن القصد بس الضحك ما أكثر.. كدي نشوف نكات منتشرة في الشبكة العنكبوتية و نحاول نشوف المسج المباشرة البتخاطب لا وعينا..(٦)
١- شايقي لقو بدق في اولاده الاتنين - سالوه مالك؟ - قال: لقيتهم فاتحين المروحة في تلاتة وهم كلهم اتنين بس
(الرسالة الواضحة هنا وصم الشايقية بالبخل)
********************* (٧)
(الرسالة الواضحة هنا وصم الشايقية بالبخل)
********************* (٧)
٢- واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين، قال ليهم قدو لي عيني
(الرسالة الواضحة هنا اقرار عداوة ابدية بين الشوايقة و (الجعلية)
*********************(٨)
(الرسالة الواضحة هنا اقرار عداوة ابدية بين الشوايقة و (الجعلية)
*********************(٨)
٣- واحد جعلي عنده ضرس بيوجعوا ساهر بيهو الليل كله، الصباح مشى للدكتور وقال ليهو: عندي ضرس تعبني خلاص الليل كله بينتح... الدكتور قال ليهو ما عندك مشكلة نقلعه ليك هسع ونريحك منو... الجعلي قال للدكتور لا .... اقلع كل اخوانو التانين وخليهو براه قاعد ينتح زي الكلب.... (٩)
(الرسالة الواضحة هنا دمغ الجعلية بالتهور و الحماقة)
*******************
٤- شافع رباطابي قرصتو نمله طلعت عينو الشافع يشيل و يحك فى رجلو .. المهم ابوهو عاين ليهو كدا قال ليهو يا ولد مالك بتحك كدا ! قرصتك نمله و لا شنو ؟ قال ليه لا بحك لى فى اسكراتش (١٠)
*******************
٤- شافع رباطابي قرصتو نمله طلعت عينو الشافع يشيل و يحك فى رجلو .. المهم ابوهو عاين ليهو كدا قال ليهو يا ولد مالك بتحك كدا ! قرصتك نمله و لا شنو ؟ قال ليه لا بحك لى فى اسكراتش (١٠)
(الرسالة الواضحة هنا دمغ الرباطاب بمساخة اللسان)
*****************
٥- امام الجامع اللي قال في الخطبة (من ترضون دينه زوجوه) و بعدما جاه واحد من المداومين على الصلاة في المسجد وهو ما عاجبه (لسبب عنصري) قال ليه تعالوا لينا البيت ولما جوا خت ليهم اكل ضفادع (١١)
*****************
٥- امام الجامع اللي قال في الخطبة (من ترضون دينه زوجوه) و بعدما جاه واحد من المداومين على الصلاة في المسجد وهو ما عاجبه (لسبب عنصري) قال ليه تعالوا لينا البيت ولما جوا خت ليهم اكل ضفادع (١١)
و لما ما قدروا ياكلوه قال ليه (انا ذاتي نفسي مابياك)
(الرسالة الواضحة فيها ترسيخ للعنصرية و التفوق العرقي)
************************
٦- حبشي ساكن مع حلفاويين ٣٠ سنة وهو مسيحي.. واحد حلفاوي من ناس القرية قال ليهو: يا تسفاي ياخ انت بقيت مننا و فينا واحنا دايرين ليك الخير، (١٢)
(الرسالة الواضحة فيها ترسيخ للعنصرية و التفوق العرقي)
************************
٦- حبشي ساكن مع حلفاويين ٣٠ سنة وهو مسيحي.. واحد حلفاوي من ناس القرية قال ليهو: يا تسفاي ياخ انت بقيت مننا و فينا واحنا دايرين ليك الخير، (١٢)
عشان كدة لازم تخش الاسلام؟.. تسفاي قال ليهو: انا بخش لكن بسراحة خمسة سلاة انا ما نقدر نسلي، ورمدان ما نقدر نسوم، وزكاة سعب علي وحج زروفي ما تسمح.. الحلفاوي قال ليهو (ما مشكلة، نحن ذاتنا خاشين كدة)..
(الرسائل الواضحة هنا مركبة: اولاً: الحبشي ما بيعرف يتكلم عربي صاح (١٣)
(الرسائل الواضحة هنا مركبة: اولاً: الحبشي ما بيعرف يتكلم عربي صاح (١٣)
-ودي برضو ممكن نشوفها في النكات المنتشرة عن الاثنيات الغير عربية عندنا- وبالتالي عنصرياً أقل مننا و ثانياً: الحلفاويين ما عندهم دين)
**************** (١٤)
**************** (١٤)
ناس العلوم السلوكية الاجتماعية عملوا بحوث في الموضوع دة وتوصلوا انه فكاهة الاستخفاف يمكن تفسيرها عبر إخضاعها لنظرية الهوية الاجتماعية Social Identity Theory.. الهوية الاجتماعية بتعرف انها إحساس الفرد بهويته بناء على إنتماءه للمجموعات المحددة، (١٥)
فممكن الشخص يكون منتمي لعدة مجموعات، مثلاً دينياً يكون من جماعة المسلمين وجوة المسلمين يقرر انتماؤه للشيعة او السنة او غيرهم، و رياضياً يشجع الهلال او المريخ، وإثنياً بيعرف انتماءه لقبيلة معينة، و سياسياً ينتمي للفكر السياسي سين او صاد، ومهنياً برضو كمهندسين و موظفين.. الخ (١٦)
نظرية الهوية الاجتماعية لخصوها علماء السلوك الاجتماعي هينري تاجقال و جون تيرنر بقولهم (إن أفراد المجموعة الواحدة [نحن] in-group بيمارسوا التمييز discrimination ضد أفراد المجموعات الأخرى [هم] out-group ليعززوا من صورتهم الذاتية self-image).. (١٧)
الفرد بيمر بمراحل و خطوات ادراكية حتى يعرف هويته الاجتماعية؛ فتبدأ بالتصنيف الاجتماعي Social categorization واللي فيهو الفرد بيقرر المجموعات البينتمي ليها، وبعدها تجي مرحلة التعريف الاجتماعي social identification واللي فيهو الفرد يقيس لأي درجة هو بينسجم مع المجموعة اللي اختارها +
ومن ثم يخلق روابط عاطفية تشكل الأساس لاحترامه لذاته self-esteem.. الخطوة الثالثة و الأخيرة هي المقارنة الاجتماعية social comparison واللي فيها الفرد يقارن مجموعته اللي اختارها ضد المجموعات الاخرى وفيها يؤسس ولاءه الرسمي للمجموعة التي ينتمي لها، ودي تحديداً مرحلة التعصب و التمييز+
هوغ و ابرامز بيزيدوا في تعريف الهوية الاجتماعية بأن رأوا أن الفرد يحاول دائماً وضع نفسه في أفضل مجموعة تحقق ليهو الصورة الذاتية المطلوبة... (٢٠)
أها البيحصل في مواضيع النكت دي هي عبارة عن اعلان غير رسمي في مرحلة المقارنة الاجتماعية (الفوق) نتيجة للتعصب بأن يسوق الفرد لفكرة تفوق مجموعته عبر السخرية من مجموعة اخرى.. تماماً زي ما بيحصل بين مشجعي الاندية الكروية المختلفة.. (٢١)
الاختلاف الرئيسي هنا انه تقسيم المجموعات مبني على اساس عامل غير متغير non-modifiable .. فالشخص ممكن يغير الفريق البيشجعه او يخلي تشجيع الكورة مرة واحدة، وممكن يغير انتماءه السياسي من اليسار لليمين او العكس، وممكن حتى يترك دينه، لكن الانتماء الإثني ثابت.. (٢٢)
طبعاً مع استثناءات زي ما بنشوف مثلاً انه قضية النوع gender انفصلت عن الجنس sex فالأول انتماء اختياري بينما الثاني بيولوجي قسري..
طيب هل النكت الاتكلمنا عنها في البداية ترقى لدرجة العنصرية ولا لأ؟.. (٢٣)
طيب هل النكت الاتكلمنا عنها في البداية ترقى لدرجة العنصرية ولا لأ؟.. (٢٣)
عشان نحسم النقطة دي لازم نفك الاشتباك بين ثلاثة مصطلحات واللي هي العنصرية، التمييز و الانحياز.. ابسط تعريف للعنصرية racism انها إيمان شخصي للفرد في وجود أفضلية لعرق معين على الآخر، ودة بالتالي ينعكس على الاعتقاد ان الشخصية، السلوك و الاخلاق عموماً لها علاقة بعرق معين.. (٢٤)
فمثلاً لو شخص قال انه اذكى شعوب الارض هم اليابانيين فدة اعتقاد عنصري؛ حتى لو كان قائله غير ياباني.. مصطلح التمييز discrimination بيشمل الممارسة العملية بناء على الافكار العنصرية؛ مثال افتراضي يقرب المعنى: لو صاحب شركة كبيرة كان تعيينه للموظفين اغلبه من اليابانيين +
(في بلد اجنبي، لأنه بالطبع اذا الشركة في اليابان ح يكون اغلبية الموظفين من البلد) بناء على اعتقاده انهم اذكى شعوب الأرض فدة تمييز بناء على المعتقدات العنصرية البيحملها.. (٢٦)
بينما مصطلح الانحياز (المحاباة) Bias بيحصل لما يعتقد الشخص في اللا وعي ان سلوك الاشخاص المحدد مرتبط بعرق ما.. فمثلاً صاحب محل بيركز اكثر في متابعة تجول زبائن من اعراق محددة لأنه في رأسه مرتبطين بالسرقة.. طبعاً علماء النفس متفقين انه احنا كلنا منحازين في لا وعينا.. (٢٧)
والانحياز يقود للتعميم الخاطئ.. للطرافة فمثلاً لما تلقى واحد ما بيتونس الا مع البنات الجذابات فدة سلوك انحيازي.. كونك تدرك انحيازك الشخصي في امور معينة لا يعني بأي حال انك ستتغلب عليها وعشان كدة ينصح دائماً انه مع قراراتنا نفكر في إحتمالية انحيازنا اللا واعي مؤثر عليها.. (٢٨)
رجوعاً لموضوع النكت و فكاهة الاستخفاف فهي بدون شك ترمي لتعميمات تستقر في لا وعينا، فلما تسمع كلمة شايقي في بداية النكتة ح تكون قادر تتوقع الاطار اللي ح تجي فيهو (زي البخل مثلاً) وبالتالي الاعتقاد انه كل الشوايقة بخلاء كرسالة واضحة للنكتة هي نشر لفكرة عنصرية.. (٢٩)
وترسيخ الافكار دي في لا وعينا يقود للانحياز بدون شك.. أكيد ناس كتيرة بتقول انه النوايا الحسنة موجودة و الهدف الضحك بس، وكون النكات دي موجودة من سنين او موجودة في بلدان ثانية ما بيلغي نتائجها العنصرية و تأثيراتها السلبية على لحمة المجتمع و وعي الشعب.. (٣٠)
حتى في علاقاتنا مع دول الجوار؛ هل ممكن مثلاً انحيازنا اللا واعي واحتقارنا للاحباش في نكاتنا ممكن يكون عامل اثارة للحاصل دة.. في السودان الجديد محتاج ننتبه فيه لعللنا الاجتماعية، السياسية و الثقافية و نحاول نضع يدنا عليها ونحللها و نعالجها عشان نعبر.. (٣١)
جاري تحميل الاقتراحات...