رتبها

❎❎❎
باش تعم الفائدة للجميع ،وحاولو توصلو الثريد للناس المهتمين
غانحط هنا مقال للأخ @sissimjanah فيه كيفاش تعلم الإنجليزية من 0
خبع الثريد عندك تقدر تحتاجو 🤗

سلام 👋 بغيتي تعلم اللغة الإنجليزية؟ تبعني ☺️ غادي نشرح لك كاع لي أتحتاج
هاد البوسط قراه حتا اللخر حيت فاللخر داير واحد النصيحة جد مهمة لكاع الناس، و بارطاجي هدشي على الجهد 🔥🔥😍😍😍 خاص كلشي يستافد.
باش تتعلم اللغة الإنجليزية، خاصك تركز على 4 حويج لي أساسيين لي هوما :

1️⃣ القراءة Reading : يعني تكون قادر أنك تقرا أي حاجة مكتوبة و تفهمها بدون إشكال
2️⃣ الاستماع Listening : يعني خاص تكون قادر أنك تفهم دكشي لي كتسمع بالإنجليزية، إيلا هضر معاك شخص أمريكي خاص تكون قادر تفهمو

3⃣ التكلم Speaking : يعني تكون قادر أنه تهضر بالإنجليزية بطريقة لي الشخص الآخر يفهمك أش كتقول و متوحلش فالهضرة بحال كيفما كتهضر بالدارجة
4⃣ الكتابة Writing : يعني تكون قادر أنك تكتب بالإنجليزية بدون أي إشكال

مللي كتدوز امتحان ديال TOEFL أو IELTS, راه كيديرو ليك اختبار على هاد 4 حويج 👆 راه ميمكنش تمشي تقرا برا و إيلا دوا معاك الأستاذ متفهموش أش كيقول ولا مثلا تبغي تمشي غير للحانوت تشري شي حاجة و متعرفش تقول حتا كلمة بالإنجليزية..

كيديرو لك اختبار باش تعرف راسك واش تقدر تتواصل مع الناس فالخارج بشكل سليم و بدون إشكال بحال كيفما كتهضر مع الناس بالدارجة.
و دابا كل عنصر أنقول ليك كيفاش تعلم ليه
✅ باش تعلم للقراءة Reading, خاص ضروري تعمر الرصيد ديالك فالكلمات Vocabulary,

إيلا كنتي يالاه مبتدئ فالانجليزية بدا غير بالقصص ديال الأطفال الصغار لي تقدر تلقاهم فهاد الموقع :
englishclub.com
و بلا ماتدير فيها بطل و تقول راني منحتاجش لهدشي، مكينش لي تزاد كيعرف الإنجليزية، خاصك ضروري تعلم تديرجيا..

www.englishclub.com

ميمكنش تبني الإيطاج الثاني و نتا الساس ديال دارك باقي ممقادش. يعني قرا غير قصص ديال الأطفال و قيد فشي دفتر دوك الكلمات الجداد لي تعلمتيها و فدك السيت كينين أسئلة متعلقك بدك النص لي خاص تجاوب عليهم.

كين أيضا تطبيقات زوينين للمبتدئين فاللغة بحال تطبيق Drops، أنحط الموقع ديالو فبلاي سطور :
play.google.com

play.google.com

مللي تلقا راسك بديتي تعلم بزاف ديال الكلمات، زيد تطبيق Memrise حتا هو تعلم منو :
play.google.com
و بقا غادي بشوية بشوية ماشي تزرب و تحاول تحفظ 20 كلمة فالنهار مغادي تعقل على حتا شي حاجة فاللخر،

play.google.com

بدا غير ب 5 كلمات كل يوم و ديرهم فجمل و نطقهم بصوت مرتفع باش يبقاو فدماغك و معمرك تنسا عليهم، بقا طالع بشوية بشوية حتا توصل ❤️
مللي أتلقا راسك عندك رصيد معرفي كبير فالكلمات، تقدر تقرا كتب بالإنجليزية، بدا غير بشي روايات أو كتب فيهم 100 صفحة ماكسيموم

و أي كلمة مافهمتيهاش سطر عليها و قلب عليها شنو كتعني و عاود قرا دك المقطع باش تبقا فدماغك.
من بعد وللي تخدم بتطبيقات جداد بحال هادو 👇
تطبيق Duolingo :
play.google.com
تطبيق Busuu :
play.google.com

play.google.com

تطبيق Hello English :
play.google.com
تطبيق Bright :
play.google.com
تطبيق BBC Learning english :
play.google.com

play.google.com

من بعد ولي تقرا روايات للكبار و تعلم فقنوات يوتوب بحال هاد القنوات لي أنعطيك :
-Learn english with misterduncan :
youtube.com
-FluentU English :
youtube.com
-EnglishClass101 :
youtube.com

www.youtube.com

-Real English :
youtube.com
- BBC learning English :
youtube.com
- British Council :
youtube.com
- Business English Pod :
youtube.com

www.youtube.com

- VOA Learning english :
#p/a" target="_blank" rel="noopener" onclick="event.stopPropagation()">youtube.com
-Jennifer ESL :
youtube.com
- Britlish :
youtube.com
- EF podEnglish :
youtube.com
- Learn American English :
youtube.com

www.youtube.com

كين واحد التطبيق ديال vocabulary و لكن للمستوى المتوسط و العالي، كيكون فيهم فقط الكلمات لي مكنستعملوهمش يوميا، هاد التطبيق سميتو WordUp Vocabulary :
play.google.com
✅ باش تتعلم للإستماع Listening, خاص يكون عندك أساس تطبيق Castbox :
play.google.com

play.google.com

هاد تطبيق بحال يوتوب و لكن فقط للاستماع مافيهش فيديوهات، كتطلق شي بودكاست فأي مجال بغيتي و كتبقا تسمع ليه، عزل أي مجال بغيتي و قلب على اي قناة بغيتي
ايلا كنتي مبتدئ فاللغة قلب غير على قصص الأطفال فشي بودكاست فيه غير شي 5 دقايق بقا تعاودو و تعاودو حتا تولي تفهم كاع دكشي لي فيه،

و دوز لشي بودكاست آخر، و بقا غادي خطوة خطوة بلا ماتحرق المراحل، اللهم تسمع لدقي وحدة يوميا و تقدر تفهم دكشي ولا تمشي تسمع ل 20 دقيقة و فاللخر مافاهم والو و ضيعتي وقتك كامل و مافهمتي حتا شي حاجة
هاد السيت فيه لائحة ديال قنوات سمعية ديال الأطفال :
blog.castbox.fm

blog.castbox.fm

عزل لي بغيتي و سمع ❤️
و مللي تتطور فالاستماع ولي تفرج فالفيديوهات فيوتوب بالإنجليزية فأي مجال، تفرج فالأخبار بالإنجليزية، حاول كاع دكشي لي كتسمع ليه تولي تسمعو بالإنجليزية، حيت خاص الأذن ديالك تولف على اللغة الإنجليزية

✅ باش تتعلم للتكلم Speaking راه باينة و واضحة، خاصك تحرك دك اللسان لي عندك 😁 يوميا و بدون انقطاع، تولي عندك الإنجليزية فاللسان ديالك وخا تكون حتا غير كتغني بوحدك باللونجلي راه اتنفعك، كين واحد التطبيق لي كتلاقا بيه بناس من الخارج سميتو Hellotalk :
play.google.com

play.google.com

دير فيه شي كونط بشي تصويرة أنيقة و بدا تتواصل مع الناس و استعمل أوديو بزاف، هاد التطبيق فيه خاصية التصحيح يعني إيلا كتبتي أو قلتي شي حاجة خاطئة الطرف الآخر كيصححها لك، و فنفس الوقت كتشرح للناس الآخرين شي لغة عارفها نتا 😊

إيلا كنتي كتحضر للمحاضرات بالإنجليزية ولي تشارك فيهم و تهضر و تقول الآراء ديالك، متقولش ليا كنحشم، اندفع إلى الأمام و هضر حيت معمرك تعلم ايلا مابديتيش
نتا كاع ديرها ساهلة، دخل لشي كروب ديال المغاربة فين كيناقشو الكتب،

و ديرو محادثة فيديو بسكايب ولا ميسنجر و ناقشو على شي كتاب أو شي موضوع باللغة الإنجليزية.
✅ باش تتعلم للكتابة Writing خاصك تعلم بعدا ل grammar و tenses (الصرف و التحويل) :
english.lingolia.com
هاد الموقع وااااعر بزاف فيه كل قواعد Grammar والصرف و التحويل بأمثلة و حتا تمارين

english.lingolia.com

و زيد عليه حتا دوك القنوات يوتوب لي ذكرتهم الفوق كاع 👆
و كين أيضا بعض الكتب لي يقدرو يعاونوك فهدشي مزيان :
- The advanced grammar book :
libgen.rs
- Advanced Learner's Grammar :
libgen.rs

libgen.rs

- Understanding and Using English Grammar :
libgen.rs
بدا تكتب غير جمل عادية بدكشي لس تعلمتيه، و من بعد وللي تكتب فقرات صغار، و من بعد نصوص و بقا غادي تطور فالكتابة ديالك و شوف ليك شي صديق لي يصحح لك دكشي لي كتبتي، ماشي عيب حيت راك كاتتعلم 😊

libgen.rs

✅ نصيحة أخيرة جد مهمة لكاع الناس : بدا تعلم، ماتبقاش تسنا الآخرين لي يعطيوك راس الخيط، نتا لي قلب على المعلومة، متبقاش غير تسنا حيت معمرك أتوصل ايلا بقيتي تسنا، استعمل كاع دكشي لي كين الفوق 👆 و زيد نتا قلب على راسك، قلب فيوتوب، قلب فغوغل، دير شي حاجة

وحلتي فشي درس قلب عليه فالانترنيت و الكتب و تعلم ليه و دير تمارين يومية، وللي تعيش بالإنجليزية، تفرج فالافلام بالإنجليزية، تقيد فدورات مجانية ف Udemy باش تزيد تعلم الانجليزية، متبقاش ا جالس مكتدير والو والله حتا هادي كتتعتابر جريمة ضد عقلك حيت كتخليه يتخمر و مكتدير حتا شي حاجة

قلب و بحث و تعلم، و زيد قلب على تطبيقات أخرى، و زيد قلب على قنوات يوتوب أخرى، و بقا غادي بشوية بشوية بشوية بخطوة بخطوة ماشي تزرب حيت فاللخر اتلقا راسك مافاهم والو، نوض الحرب ضد العلم و المعرفة 😍، و قرا مزيان ❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة