أبغا استثمر في الأسهم .. لكن بأقل خطورة وبأقل تكاليف .. وما عندي خبرة .. عندك حل ؟!
شروطك كثير 😂 .. لكن الحل موجود: صناديق المؤشرات المتداولة Index ETFs 🤩
إيش فكرتها وكيف تستثمر فيها .. شوف معايا 👇
#الاستثمار_للجميع
شروطك كثير 😂 .. لكن الحل موجود: صناديق المؤشرات المتداولة Index ETFs 🤩
إيش فكرتها وكيف تستثمر فيها .. شوف معايا 👇
#الاستثمار_للجميع
عشان نفهم موضوع صناديق المؤشرات .. نحتاج ناخد القصة وحدة وحدة من الأول .. ونعرف إحنا كيف وصلنا لهنا .. ونمشيها كلمة كلمة "صندوق" "مؤشر" "متداول" .. يللا معايا ؟! 😁
طيب .. بشكل سريع .. نحتاج نبدأ بـ ايش هو "سوق الأسهم" أو "سوق البورصة" ؟! .. سوق الأسهم هو المكان اللي تشتري وتبيع فيه الأسهم .. انت اليوم تروح السوق الحقيقي عشان تشتري ملابس مثلا .. الأسهم نفس الفكرة .. صار لها أسواق عشان تنظم بيعها وشراءها .. حلو ؟!
مثال: سوق الأسهم السعودي "تداول" .. لو دخلنا على رابط تداول هنا 👇
tadawul.com.sa
حنلاقي جدول فيه كل أسهم الشركات اللي في السوق دا .. أرامكو .. جرير .. الخ .. ممتاز ؟!
tadawul.com.sa
حنلاقي جدول فيه كل أسهم الشركات اللي في السوق دا .. أرامكو .. جرير .. الخ .. ممتاز ؟!
نفس الفكرة موجودة في كل الدول تقريبا .. في أمريكا الموضوع عندهم أطور شوية وصار عندهم أكثر من سوق للأسهم .. أشهرها سوق نيويورك وسوق نازداك .. طيب ؟! .. دحين نبغا نفهم ايش يعني "مؤشر السوق" ؟! 😉
الشركات الاستثمارية والمستثمرين الكبار عشان يراقبوا سوق أسهم معين .. أو يراقبوا قطاع معين .. سووا حاجة اسمها مؤشر السوق .. تساعدهم ياخدوا قراراتهم الاستثمارية .. إذا تبغا تعرف إيش يعني "مؤشر السوق" بالتفصيل ممكن تشوف هذا الموضوع 👇
hbrarabic.com
hbrarabic.com
وكمثال لو دخلنا على تداول (سوق الأسهم السعودي) .. حنلاقي عندهم صفحة المؤشرات 👇
tadawul.com.sa
خلنا نضغط مثلا على مؤشر قطاع الطاقة ..
tadawul.com.sa
خلنا نضغط مثلا على مؤشر قطاع الطاقة ..
حنلاقي فيه أسهم الشركات اللي لها علاقة بالطاقة .. زي أرامكو وبترورابغ وغيرها .. نفس الفكرة برضو عالميا .. في أمريكا عندهم واحد من أشهر المؤشرات S&P 500 .. وفكرته يقيس أداء 500 من أكبر الشركات الأمريكية .. لو حابب تعرف الشركات في دا المؤشر أدخل هنا 👇
en.wikipedia.org
en.wikipedia.org
طيب ممتاز جدا .. كدا احنا فهمنا ايش يعني "سوق أسهم" وفهمنا إيش يعني "مؤشر" .. باقيلنا كلمتين .. "صندوق" و"متداول" .. باختصار .. الصندوق طريقة تجميع فلوس تسويها الشركات الاستثمارية عشان تسهل الاستثمار على المستثمرين .. شوف شرح الصناديق في التغردة 22 😬
linktr.ee
linktr.ee
طيب "متداول" يعني ايه ؟! .. "صندوق متداول" فكرتها طريقة سهلة للدخول والخروج من الصندوق .. الصناديق العادية كان لازم تروح لنفس الشركة اللي تقدم دا الصندوق .. مثلا صندوق دراية للأسهم .. لازم تروح لشركة دراية عشان تشترك فيه 😫
لكن الصناديق المتادولة اليوم .. حتلاقيها موجودة على سوق الأسهم نفسه .. تقدل تشترك فيها أو تخرج منها بكل سهولة .. زيها زي تداول الأسهم عن طريق أي وسيط أسهم (الراجحي المالية، الأهلي كابيتال، دراية المالية .. الخ) 🥳
دحين إحنا كدا فهمنا إيش يعني صندوق + مؤشر + متداول .. لكن ما فهمنا برضو إيش العلاقة بينهم وإيش نستفيد احنا ؟! .. طيب .. كيف يعني صندوق في المؤشر نفسه ؟! .. ببساطة .. لمن الشركة المالية تسوي صندوق في مؤشر معين .. هي كدا بتستثمر في كل الأسهم اللي موجودة جوا دا المؤشر .. وضحت ؟! 😍
قبل شوية قلنا مؤشر شركات الطاقة في تداول .. لو مثلا لقينا صندوق اسمه "صندوق مؤشر الطاقة في السوق السعودي" معناها لو إنت دخلت دا الصندوق .. إنت كدا حتدخل في كل الشركات اللي جوا دا المؤشر .. بضغطة وحدة وبدون ما تتابع الشركات اللي فيه 😃
ونفس الفكرة كمان لو طبقناها على مؤشرات عالمية .. لو دخلت صندوق في مؤشر S&P500 معناها كأنك أشتريت أسهم في كل الشركات الـ 500 اللي في دا المؤشر 😎
طيب اش استفدنا كدا ؟! .. 3 حاجات .. 1️⃣ ما تحتاج تختار الشركات الكويسة وتتابع قوائمها المالية .. كدا الموضوع صار أسهل .. إنت بتستثمر في قطاع كامل .. أو الشركات الكبيرة الممتازة في بلد كامل .. 😅
2️⃣ بتقلل مخاطر الاستثمار .. تخيل لو استثمرت في شركة أو شركتين بس .. كدا لو الشركة دي انضربت لأي سبب .. حتنضرب إنت كمان 😣
في المقابل لو دخلت صندوق مؤشر .. حتدخل في عدد كبير من الشركات .. إحتمالية إنو كلها تنضرب أضعف بكتير .. 3️⃣ تكاليف إدارة الصندوق ورسوم الاشتراك قليلة .. لأنه ببساطة الصندوق حيشتري ويبيع الأسهم حسب المؤشر بالزبطت .. وما يحتاج يحلل القوائم المالية للشركات ويدرس قرارته بالتفصيل 💃
طيب .. عجبني الموضوع ؟! .. كيف أبدأ ؟! .. نجي للقرار الحقيقي .. إيش عندنا صناديق مؤشرات ؟! .. في السوق السعودي (تداول) نقدر نشوف كل صناديق المؤشرات المتداولة على الصفحة دي 👇
tadawul.com.sa
tadawul.com.sa
(نلاحظ هنا فكرة صناديق المؤشرات المتداولة مو شرط في أسهم الشركات بس .. كمان موجود في سوق الصكوك أو سوق الذهب (زي ما شرحناها في تغريدات فاتت)) 😊
خلينا نقول نبغا نركز على الأسهم .. أخترنا صندوق فالكم 30 .. فكرة دا الصندوق انه يستثمر في مؤشر فالكم 30 للأسهم السعودية .. واللي هو عبارة عن أكبر 30 شركة في السوق السعودي .. ونقدر ندخل على صفحة الصندوق من موقع فالكم عشان نشوف كل التفاصيل عنه 👇
falcom.com.sa
falcom.com.sa
طيب مثال ثاني لو نبغا ندخل في مؤشر S&P 500 الأمريكي .. ايش نسوي ؟! .. حندور في جوجل عن صناديق في نفس المؤشر .. حنلاقي شركات مالية كثير تقدم دا الصندوق .. وحدة من أكبر وأفضل الشركات Vanguard .. ودي صفحة صندوقهم 👇
investor.vanguard.com
investor.vanguard.com
طبعا الدخول في الصناديق السعودية من السعودية سهل .. في أي محفظة إلكترونية عند أي وسيط تقدر تدخل وتشترك .. لكن في الصناديق الأمريكية تحتاج تشوف وسيط أمريكي أو وسيط محلي يقدم خدمة الاشتراك فيها .. هذا الموضوع يفيدكم 👇
كدا إحنا فهمنا بشكل أساسي إيش يعني "صناديق مؤشرات متداولة" .. الأمثلة اللي ذكرتها مجرد وسيلة للشرح ومهي توصية .. الدور عليك دحين تختار بس الصندوق اللي يناسك وتبحث عنه وتشترك فيه .. لا تنسى تراجع كل التفاصيل زي رسوم الاشتراك وغيرها .. الله يوفقك 🙏
جاري تحميل الاقتراحات...