رتبها

- ايه هي معلوماتك عن #الصاعقة ؟
مقاتلين المختارين على الفرازة للمهام المستحيلة وده صح . لكن فيه جانب مظلم من الصاعقة وهي فرقة واحد ، فرقة نادر لما حد يتكلم عنها أو يعرف عنها معلومات حتي مش كل قيادات الجيش يعرفوها .. اقوي فرقة مقاتلين في #الجيش_المصري الفرقة 999 قتال...
يتبع👇👇

في مصر فيه 3 ارقام خاصة بفروعها و خلينا نقولها بسرعة .
الفرقة 333
ودول الـ SWAT team أقوي فرقة في الشرطة المصرية متخصصة في حرب العصابات ( gorilla wars ) أو حرب الشوارع ( civil war ) المهام الخاصة عموماً👇

يعني مثلاً ، وصلت إخبارية أن فيه خلية إرهابية مسلحة تسليح تقيل في منطقة عشوائية أو مهمة تحرير رهائن مثلا تقوم الفرقة جاهزة لمداهمة و تطهير المنطقة من العناصر التكفيرية و الفرقة ديه بتاخد أوامر بالتحرك من الأمن الوطني علطول 👇

الفرقة 777
وديه هي الصاعقة اللي نعرفها كلنا لأنها أشهر الفرق في سلاح الصاعقة المصرية مصنع الرجال ورغم انك هتلاقيها معروفة إلا أن محدش يعرف عددهم الفعلي حتى من أفراد الجيش نفسه معلومة سرية و ديه حاجة اعلي من ال333 لأنها من الجيش و متخصصة أكثر في الأماكن الغير مأهولة👇

زي الصحاري مثلا و سيناء بالذات وهي مختصة في أغلب الأوقات بعمليات الإرهاب و بتاخد أوامرها من المختبرات العامة
الفرقة 999
أقوى فرق الجيش المصري و أكثرهم سرية لدرجة أنك هتاخد كل مميزات الفرق اللي فاتت بالإضافة لفرق تانية زي الاقتحام و العقرب مثلا و هتفضل ال999 اقوى فرقة،طب ليه ؟👇

مواصفات رجال ال999 مش مجرد مواصفات خاصة هي حرفيا مواصفات خارقة للطبيعة بياخدوا الناس اللي معدل وجودها واحد في ال2000 و مهماتها بتبقي خلف خطوط العدو أو كمان خارج حدود مصر و تقريباً مفيش حد يعرف عن طبيعة المهمات اللي قامت بها فرقة مجهولة و معتم عنها بسرية شديدة👇

و بياخدوا أوامرهم من 3 جهات
رئاسة المخابرات الحربية ، وزير الدفاع ، القائد الأعلى للقوات المسلحة رئيس الجمهورية .
مدة تدريب الفرقة حسب وحدة زي وحدة ال SEAL المصرية هو برنامج تدريب لمدة 34 أسبوعا يبدأوا من اول 4 اسابيع تعايش و انك تعيش أجواء ظروف المعركة👇

والتمارين على الرماية و السباحة العسكرية و اخيرا اسبوع الجحيم الاسبوع ده انت بتقعد ال 7 ايام بدون نوم و حركة متواصلة و ده فيلم عن برنامج الseal كامل .youtu.be
👇

أيوة يعني مفيش اي عملية معروفة قامت بها ال999 ؟
عملية درنا
هي عملية اتنفذت في مدينة درنة الليبية لاقتحام معسكر لقيادي داعشي اسمه أبو بكر الوهداني و تم قتل 150 إرهابي و أسر 55 منهم القيادي نفسه و ده القيادي المسؤول عن عمليات داعش في شمال أفريقيا👇

العملية ديه خير مثال على مدى براعة الفرقة 999 ، الفرقة قدرت تنفذ عملية في دولة تانية كانت داعش مسيطرة عليها و بذات درنا زي ما قولنا اللي فيها القيادي قدرت مصر تقتحم درنا و تبيد معسكرات إرهابية كاملة👇

الموضوع بدأ بعد ما داعش zبحت 21 مسيحي مصري في الفيديو المعروف بعدها ب5 ساعات انطلقت طائرات مصرية داخل العمق الليبي لإبادة معسكرات كاملة بالتزامن مع عملية ال999 في معسكر الوهداني .
هتقولي لا مستحيل دول استهدفوا مدنيين أصلا 👇

هقولك أن بعد تنفيذ مصر للعمليات ديه قدرت تسبب أضرار ضخمة و خسائر شديد للإرهابيين و كمان خسارة قياداتهم و ده سهل علي القوات الليبية اقتحام درنا برياً .
طب ايه المعروف عن الفرقة ديه ؟ أنواع الأسلحة ، المركبات ، الطيارات ؟👇

مفيش مصدر رسمي بالمعلومات ديه بس المعروف أن ال999 مدربة علي كافة أسلحة الجيش من أول المسدس 9mm لحد قاذفة القنابل لكن ممكن نقول مع بعض اسامي بعض الأسلحة اللي ظهرت مع الفرقة 999 وهي
- بندقية بريتا beretta ARX 160
بندقية إيطالية عيار 7.62 ( اصدار خاص العيار المصري )👇

تمتاز بالخفة و دقة التصويب بدأت تنتشر الفترة ديه كتير و موجودة بكثرة مع أغلب أفراد الصاعقة وهي ديه بندقية الشهيد احمد المنسي و احسن بكتير من السلاح العادي AKM المصري أو بندقية المعادي و ده لينك لمراجعتها بالكامل youtu.be 👇

- بندقية HK 416 أو M416 واحدة من اقوي و احدث بنادق الجيش الأمريكي بالتعاون مع مصنع ألماني و هي اقوي بكتير من أختها الأكبر M4 carbine و بيستخدمها أغلب أفراد الفرقة الخاصة في العالم بسبب دقتها و خفتها و متانتها ولكن صعب و صعب الحصول عليها فهي مش بتتسلم إلا لأفراد الفرق الخاصة👇

و ده لينك لمراجعتها بالكامل youtu.be
بندقية HK G36
بندقية ألمانية من تطوير مصنعheckle , kock سنة 1990
وهي بندقية الجيش الألماني الرسمي من سنة 1997،بندقية خفيف شغالة بالغاز و يتم استخدامها من قبل أغلب أفراد خلف الناتو و ده لينك لمراجعتها
youtu.be
👇

بندقية .107 AK الروسي .
بندقية روسية من عائلة AK الفرق بينها و بين الAKM العادي حوالي 7 نماذج وهي من أحدث بنادق الجيش الروسي و أقواها معدلة كتير الجد الكبير AK47 و أقرب للشكل الأمريكي شوية لكن بتقنية وكفاءة روسية وده لينك لمراجعتها بالكامل
youtu.be
👇

المدرعات
- المدرعة متعددة الوظائف HMVI أو الهامر
- المدرعة ( المصرية ) ST 100
مدرعة ذات تصميم مصري خالص ظهرت أول مرة في معرض EGX 2018 بتقنية المدرعة الأمريكية السابقة M.RAP وبيتم حاليا تصديرها لأكثر من دولة في العالم و ده لينك لمراجعتها youtu.be
👇

الطائرات .
- الناقلة الجوية c 130
ناقلة مخصصة لنقل جنود المظلات و عمليات الإنزال الجوي وده لينك لمراجعتها بالكامل youtu.be
فرق الصاعقة زي ال777 و ال999 مش مجرد فرق مداهمة أو تدخل سرية ، الفرق ديه ليها دور سياسي قوي وهو ورقة ضاغطة علي الأعداء المحتملين 👇

لأنهم عارفين طبيعة الرد المصري في حالة تهديد امنه القومي، العدو سواء كان دول بجيوش منظمة أو مليشيات عارفين القوة المصرية سواء سياسية ميالة للحل السلمي في أغلب القضايا الدولية أو العسكري الحاسم زي عملية درنا
#تحيا_مصر ✌️🇪🇬
#وحدتنا_قوتنا_ندعم_بلدنا
#Muhammed_Khâled_Saad✍️✍️✍️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد