رتبها

ثريد تكتيكي عما حدث في مباراة ليستر سيتي ومانشستر يونايتد..!

رودچرز في ماتش مانشستر يونايتد كان عايز دايماً يجبر الخصم على بداية هجماته على الأطراف عن طريق الأظهره لإنهم الحلقه الأضعف في الفريق وعلشان يمنع مانشستر يونايتد من الوصول لـ برونو فيرنانديز بين الخطوط في عمق الملعب ..!

وعلشان كده كان دايماً بيطلب من فاردي وماديسون أنهم يقفلوا زوايا التمرير لـ فريد ومكتوميناي علشان يجبر ماجوير وبيلي على التمرير العرضي لـ شو وليندلوف..

وأول ماتوصل الكوره لأحد الأظهره يبدأ الفريق بتطبيق الضغط الشرس في أجناب الملعب لإستخلاص الكوره..

في نفس الوقت كان بيقوم محاور الارتكاز بدور كبير في منع مارسيال وبرونو من استلام الكوره في أنصاف المساحات بشكل مباشر من قلبين الدفاع..

في الحاله دي هنشوف إزاي تيليمانس بيمنع مارسيال من طلب الكوره في أنصاف المساحات..

وهنا بنشوف ازاي نديدي بيحاول يمنع برونو من استلام الكوره في انصاف المساحات..

والأفكار دي شَلت فريق مانشستر يونايتد بشكل كبير لأنها منعت الفريق من الوصول لأهم مفتاح لعب وهو برونو فيرنانديز في معظم أوقات اللقاء..

والحقيقه سولشاير أتعامل بذكاء كبير مع الموقف ده..

في البدايه طلب من فريد أنه يرجع مع قلبين الدفاع أثناء الإستحواذ علشان يتحول الفريق للعب بثلاثي في الخلف أثناء البناء
مع وجود ماكتوميناي وحده في ضهر ڤاردي وماديسون عشان يكون مانشستر عندهم لاعيب زياده في الخط الخلفي..

وبعد كده سولشاير قرر الدفع بـ بوجبا ثم كافاني عشان يكون عنده لاعيب زياده بين الخطوط بوجود بوجبا مع راشفورد وبرونو..

في بداية المباراة يونايتد كان بيعتمد على تواجد ثنائي فقط بين الخطوط بوجود برونو ومارسيال وده اللي كان بيسهل المهمه الدفاعيه على ثنائي وسط ليستر سيتي لإن كان هناك تكافؤ عددي..

ولكن بعد دخول بوجبا وإحداث التغييرات اللي قولنا عليها أصبح هناك لاعب حُر عند مانشستر يونايتد بين الخطوط خاصةً في منطقة zone14 , وهي دي الفكره اللي جه منه الهدف التاني..

هنشوف هنا تيليمانس ونديدي في مواجهة راشفورد وبوجبا في أنصاف المساحات وفي لحظة قرر كافاني ان يكون هو اللاعب الحُر بعد سقوطه في منطقة zone14 لطلب الكوره من بايلي اللي قدر يتقدم بالكوره مستفيداً من تحول الفريق لثلاثي في الخط الخلفي ..