اختي وسلطان إبليس
(حصل بيني وبين زوجي خلاف مو كبير
رحت بيت أبوي
بعد يومين اتصل مارديت عليه
ارسل رسائل ما رديت عليه
كرر الرسائل ويتوسل لي بشتى الوسائل
وكل ما شفته متعلق بي زدت عناد
وكل هذا بتوجيهات من خواتي
وكلهم متزوجات
قالوي شدي عليه عشان يكون درس له وماعاد يزعلك(يتبع)

٢_استمر شهر وهو يترجى.
بعدها انقطع أسبوعين
يوم الأحد الأسود
يوم صاعق بالنسبة لي.
وصلتني رسالة واتس فيها صك طلاقي
دارت بي الغرفة
وصرت اسب أمي وخواتي
واقول أنتم السبب
انتم حرشتوني عليه
يوم اشتد الخصام
قالت وحدة من خواتي والله محد ضربك على يدك ولا تكثرين كلام.
حينها(يتبع)

٣_حينها تذكرت قول الله عن الشيطان (وَمَا كَانَ لِىَ عَلَيْكُم مِّن سُلْطَٰنٍ إِلَّآ أَن دَعَوْتُكُمْ فَٱسْتَجَبْتُمْ لِى ۖ فَلَا تَلُومُونِى وَلُومُوٓاْ أَنفُسَكُم))
فما أدري يا شيخ ابغاك تنصحني ابغا ارجع له)