ثريد: الشمس والثقة بالنفس + وسائل لزيادة ثقتك بنفسك من خريطتك .. #أبراج #خرائط_فلكية
الثقة في النفس مهمة جداً وللاسف هنجد ان جزء كبير مننا ماتعلمش يثق في نفسه وحتي اللي عنده شوية ثقة سهل يتم وضعه تحت مسمي "المغرور" احياناً. والحقيقة في فرق كبير بين الثقة والغرور لأن زيادة الثقة او "الزيادة" في المطلق مش مؤشر جيد وبالتالي دايماً الاعتدال في اي شئ يكسب.
كالعادة كل خريطة ليها تركيبتها وبالتالي الثريد دي مش هتنطبق علي الجميع بشكل حرفي لأن كل شخص يحمل نكهة خاصة وان انطبقت بعض الدلالات عليه.
خلينا ندخل في موضوعنا ونقول ان الثقة في النفس معتمدة بشكل كبير علي وضع "الشمس" في خريطة ميلادك وده اللي احنا هنركز عليه في الثريد.
خلينا ندخل في موضوعنا ونقول ان الثقة في النفس معتمدة بشكل كبير علي وضع "الشمس" في خريطة ميلادك وده اللي احنا هنركز عليه في الثريد.
دايماً بقول ان الشمس هي القلب ولو قلبك ضعيف صعب تعيش مبسوط، صعب تستمتع، صعب تعبر عن نفسك، صعب تعبر عن مشاعرك. الشمس مرتبطة بالطاقة، الحيوية، الطفولة، التلقائية، بعنصر المتعة في الحياة والشعور بالثقة والحب والتقدير.
وبالتالي الشخص لو وضع شمسه ضعيف في خريطة ميلاده هنجد ان عنده خوف داخلي اغلب الوقت حتي لو هو اجمد واحد في العالم بس هتجد انه مش عارف يقدر ده وفي حالة قلق من المستقبل ومن تعرضه للفشل او الخسارة او من نجاح الآخرين لان عنصر الثقة مفقود، فدافعه هو "الخوف" ولذلك مش قادر يستمتع.
وبنجد ذلك في عدة اشخاص حوالينا، كم مرة شفت شخص جميل او ناجح او غني او مجتهد وغيره من الامور ومع ذلك لا يمتلك ثقة في نفسه. حتي الشخص اللي بيدعي ثقة بالنفس مزيفة سهل تكشفه لأن من وجهة نظري الثقة بالنفس من الامور التي لا يمكن ادعائها بالعكس لازم تشتغل عليها، عايزة تمرين مش تمثيل 🎭
السؤال هنا هل في دلالات في الخريطة بتدل علي قلة الثقة في النفس؟ الإجابة: نعم. ولكن مش كل الأشخاص اللي هتتوافر فيها الدلالات هتكون مش واثقة في نفسها لأن سهل يكون في دلالات اخري بتوازن تحدي مماثل في خريطته. وبما ان تركيزنا علي "الشمس" فخلينا نركز علي بعض الدلالات المرتبطة بيها:
والتحدي اللي بيواجه معظم الاشخاص دي مرتبط بقلة التقدير والاهتمام: فسهل جزء منهم يحس انه مش متشاف حرفياً والبعض الاخر يحاول يقدم كتير للغير علي امل الحصول علي الاهتمام وبرضه يفشل في الحصول عليه وده ممكن ينعكس علي الشخص بعدة طرق، كل طريق منهم معتمد علي تركيبة الشخص ذات نفسه+
يعني مثلاً في اشخاص لما تحس بالتجاهل وعدم الاهتمام او قلة الحصول علي التقدير تبدأ تنسحب او تنعزل وتتعامل بحساسية شديدة وتقسو علي نفسها بشدة وفي كل شئ ومن هنا الثقة بتقل اكتر خاصةً لو الشخص كمان يفتقد وجود كواكب في ابراج نارية في خريطة ميلاده وخاصةً في كواكبه الشخصية.
هتلاحظ كمان ان الشخص معرض للتحديات في علاقاته وحياته العاطفية أكثر من غيره ولذلك سهل تجد جزء منهم خايف من الارتباط، بيحاول يشغل نفسه بأستمرار كنوع من الهروب او بيتمسك بالاشخاص الغلط لأن عنده ازمة الثقة بسبب تجاربه مش دايماً بيميل لمواجهتها.
كمان اتصالات الشمس ونبتون و اتصالات الشمس وكايرون لازم تهتم بيها، زي مثلاً تربيع الشمس لنبتون او تربيع الشمس لكايرون او اقتران الشمس بنبتون او اقتران الشمس وكايرون ولازم تكون درجة الاتصال قليلة يعني قوية. وتاني ده مش معناه ان كل اصحاب الدلالات اللي تم ذكرها ثقتهم قليلة.
فلو انطبق علي شمسك دلالة من اللي تم ذكرها وتمتلك بالفعل تحديات متعلقة بالثقة بالنفس ابدأ اشتغل عليها واتعامل مع خريطتك كوسيلة مساعدة بتفهك الاسباب خاصةً ان الموضوع عميق وصعب نشرح كل الدلالات بالتفصيل ولكن اعرف ان ممكن اتصال او مكان ومزيج مماثل يكون سبب التحدي وبالتالي اجري افهمه.
وسواء شمسك في وضع ضعيف او قوي في خريطة ميلادك تقدر تستغل بعض الاوقات اللي فيها سهل تزداد ثقتك:
. تثليث/تسديس شمس العبور لشمس خريطة ميلادك
. اقتران شمس العبور بطالع/ميدهيفن خريطة ميلادك
. عبور الشمس علي بيتك ٥
. اقتران قمر، مريخ او مشتري العبور بشمس خريطة ميلادك.
. تثليث/تسديس شمس العبور لشمس خريطة ميلادك
. اقتران شمس العبور بطالع/ميدهيفن خريطة ميلادك
. عبور الشمس علي بيتك ٥
. اقتران قمر، مريخ او مشتري العبور بشمس خريطة ميلادك.
والثريد دي مش مرتبطة بدلالات قلة الثقة بالنفس ولكن تركيزنا كان علي وضع الشمس في الخريطة وارتباطها بالثقة في النفس وبالتالي اللي منكم حابب نتكلم عن قلة الثقة بالنفس بشكل عام ونذكر دلالات مختلفة اتمني انه يقولي يا شباب. مع التأكيد ان الدلالات اللي تم ذكرها مش هتنطبق علي الجميع.
🌟 و في النهاية وكالعادة خريطتك ليها الكلمة الأخيرة و تأكد ان مفيش بطل لحكايتك غيرك :)
واتمني للجميع ليلة لطيفة، بحبكم أبطالي 🦄 💜
واتمني للجميع ليلة لطيفة، بحبكم أبطالي 🦄 💜
🕊 بعض التحديات بتكون بمثابة معجزات، من خلالها بتشوف قوتك الحقيقية. احياناً بتمر بحاجات وحشة عشان تكتشف من خلالها قد ايه انت حلو. يمكن تضعف، تتعب، تمل او تكسل لكن ده مش معناه انك ماتقدرش تكمل. كمل مهما حصل لأنك تستحق نهاية تليق بيك ✨
جاري تحميل الاقتراحات...