بما أنو عّم شوف تساؤلات كتيرة عن لقاح الكورونا حبيت اشرح شوي بالعربي و بلغة بسيطة عن اللقاح بركي بقدر زيل شوي من الغموض عن الموضوع و خصوصاً للعالم اللي ما عندها خبرة بهاد المجال 😊⬇️
فيروس الكوفيد عنده على سطحه بروتينات بتشبه الأشواك (بالصورة) و بقلب الفيروس في المادة الوراثية mRNA اللي بتعطي تعليمات للفيروس لحتى يصنّع هي الأشواك. اللقاح ما بيحتوي على الفيروس كله، بس بيحتوي على هي المادة الوراثية يلي هي تعليمات لبناء البروتينات الشوكية
لما الشخص بياخذ اللقاح، هي المادة الوراثية mRNA بتفوت على خلية الجسم و بتعطي تعليمات للجزء من الخلية اللي بصنع البروتينات (الريبوسوم) انو يصنع الشوكة البروتينية تبع فيروس كوفيد. التصنيع بيستخدم سلسة من الأحماض الأمينية اللي موجودين اصلاً بالجسم و بيستخدموا لتكوين بروتينات جسمنا
بعد تصنيع الشوكة البروتينية، الجهاز المناعي بينتبه أنو الخلية صنّعت بروتين غريب بالجسم و عالسريع بيقضي على الخلايا اللي فيها الشوكة. بنفس الوقت بيعمل أجسام مضاضة لهاد البروتين و بيحفظه بالذاكرة تبعه مشان إذا تعرضله بالمستقبل يقدر يتعرف عليه و يقضي عليه بدون إصابة الشخص بالمرض
نسيت اذكر أنو هي عن لقاح Moderna/Pfizer و متل أي لقاح عنده أعراض جانبية متل الحمى، القشعريرة، التعب، الصداع، أو تورم مكان الحقن و هاد طبيعي و دليل على أنو الجسم عّم يستجيب للقاح.
حاولت اختصر قدر المستطاع و إذا حدا عنده أي سؤال أو استفسار بحاول جاوب على قد معرفتي 😊
حاولت اختصر قدر المستطاع و إذا حدا عنده أي سؤال أو استفسار بحاول جاوب على قد معرفتي 😊
جاري تحميل الاقتراحات...