رتبها

في الثريد هذا راح أتكلم عن تصميم المجوهرات من أدواتها إلى طريقة رسمها وكيفية الإستلهام
إذا عجبكم الموضوع تقدرون توصلونه لعدد أكبر مهتمين بهالجانب باللايك و الرتويت✨

مبدئيًا حسابي راح يعرض لكم كل مايخص الأزياء و المجوهرات وراح نتكلم في مواضيع متعددة بإذن الله
😍

بالنسبة لتصميم المجوهرات زيه زي أي شيء جديد حابه تتعلمينه راح تكون فيه اساسيات وراح تكون فيه نقاط مهمه نمشي عليها ونصائح عامه في التصميم ككل راح نتكلم عنها خطوه خطوه إن شاءالله

الشيء إلليّ حابه أقوله لكم إذا فيه وحده شغفها تصميم المجوهرات راح تقدر توصل لهدفها حتى لو مادرست أهم شيء الممارسه و الثقافه في هالمجال 👍🏼

راح نبدأ اول شيء بأدوات التصميم:
⁃فحم أبيض
⁃جل أبيض
⁃جل أسود
⁃فحم أسود

⁃ورق شفاف
⁃ورق أبيض أو رمادي
⁃درجات المراسيم
⁃الفرش دقيقة و الالوان

⁃أدوات هندسة
⁃مسطرة أستنسل
⁃مداعك

عشان تطلع نتيجة الرسم جميلة أفضل الورق يكون رمادي أو أسود ودائمًا تتأكدين أن المداعك نظيفه + الحبر الأبيض في مكان النور تأثيره جميل على المخرج ككل
وهنا تقدرون تشوفون الفرق بين الرسم على الورق الابيض و الرمادي و الأسود

الآن راح نتكلم عن طريقة رسم المجوهرات
المجوهرات تعتمد اعتماد كلي على المنظور وتعني أن الشكل ثلاثي الابعاد
- أول خطوة في رسم المجوهرات و تنفيذها "الاسكتش"

فيه ثلاث طرق لرسم المجوهرات:
1- طريقة رسم المحترفين: وهي طريقة بدون خطوات
2- طريقة الرسم بتحديد المحاور: وهي تعني رسم مستقيمين متعامدين لتحديد النسب و خط النصف لتقسيم الشكل إلى جزئين متماثلين
3 - طريقة رسم المبتدئين: الشبكة التربيعية، مفيدة في تحديد النسب

الآن فقرة التلوين
تكنيك تلوين المجوهرات سهل بس يحتاج منك تعرفين كيف توزيعين الظل و النور
وهي طريقة وحده ماتحتاج منك جهد كبير
وتكنيك المجوهرات يختلف عن باقي التظليل المعتاد
طيب يختلف بأيش؟
في التظليل العادي نبدأ بالتدريج لكن المجوهرات تظليلها إنعكاسات

كيف يعني إنعكاسات؟
يعني راح نعتمد اللون الفاتح جدًا و الغامق جدًا الدرجة المتوسطة يكون قليل استخدامها
زي ماتلاحظون بالصورة هنا انعكاسات قوية بألوان حادة متقاربة بدون تدرج
ويرجع سبب تلوين المجوهرات بهذة بالطريقة بسبب قص المجوهرات و إنعكاسات الضوء على القطعة

وهذي أمثلة توضح فكرة الظل و النور
مهم نركز في توزيع اللون على نفس قطعتنا بالطريقة الموضحه عشان تطلع النتيجة معاكِ😍

مهم نعرف أن لكل المجوهرات شكل قصة معينه و هذي نماذج لشكل قصات المجوهرات وتقدرين تضيفين عليها خطوطك وراح تطلع أجمل كل مازادت التفاصيل كل ماكانت النتيجة واقعية

في هذي الصور أبغاكم تركزون على الانعكاسات تبع المجوهرات + الزركون يتلون بنفس طريقة المجوهرات

معلومة سريعه قصة الالماس على شكل القلب من اغلى القصات

الصورتين الاولى تلوين
الصورتين الثانية بتدرجات المرسام والجل الابيض

بالنسبة لتلوين الؤلؤ يشبه التلوين العادي لكن الاختلافات بأن اللون المنعكس على الؤلؤ مو شرط تكون بنفس تدرجات لون الؤلؤ نفسه ممكن يدخل الغامق في الظل أكثر لكن راح يكون ناعم مو حاد

برضه تكنيك تلوين الاحجار الكريمة يشبه اللؤلؤ لكن اللمعه راح تكون احد زيادة
"مستحيل لمعة الحجر الكريم تكون هندسية زي المجوهرات"

هنا تقدرون تلاحظون الفرق بين انعكاسات المجوهرات و اللؤلؤ

تكنيك تلوين المعدن يشبة التظليل العادي بتدرجاته لكن في مكان الضوء راح يكون الانعكاس اقوى للون الأبيض

بعد مافصلت طريقة التلوين حابة أقولكم على شغلة ابدًا ماتستصعبون تعلم تصميم المجوهرات إذا كان شغف بالنسبة لكم لأن سهل و النتيجة سريعة لا تخافون من نتايج الصوره اللي حطيتها إن راح يكون الموضوع صعب بالعكس ممتع🤩

و أحب أقولكم على نصيحة مهمه، في البداية لازم تقلدون وتنسخون لازم عشان يدكم تاخذ على التظليل و التلوين و عشان تاخذ على الابعاد لين توصلون مرحلة المحترفين بإذن الله 😻🙏🏼

الاخطاء إلليّ ممكن تتجنبونها عند تصميم قطعة الحلي:
البعد عن التعقيد
البعد عن البروزات الحادة راح تكون مؤذيه للشخص وللغير وللملابس
مراعات حجم اليد او الرقبة المصمم لها
اخيرًا فيه اشياء راح تكتشفونها مع الخبره لكن ممكن هذي أهم الاشياء إلليّ تحاولون تنتبهون لها

أمثلة على مصادر الإستلهام