تسمع عن: أدوات الدين (الصكوك والسندات) ؟!
إيش هي ؟! .. وإيش الفرق بينها وبين الأسهم ؟!
ليش لازم تعرفها ؟! ولازم تستثمر فيها ؟! 🤔
خليك معايا 👇
#الاستثمار_للجميع
إيش هي ؟! .. وإيش الفرق بينها وبين الأسهم ؟!
ليش لازم تعرفها ؟! ولازم تستثمر فيها ؟! 🤔
خليك معايا 👇
#الاستثمار_للجميع
بعد ما أتكلمت في التغريدات اللي فاتت عن تنويع الأصول (Portfolio Diversification) .. وقلت إنك تحتاج يكون في محفظتك أكثر من نوع من الأصول عشان تخفف من المخاطر .. جاتني أسئلة كثير عن: أدوات الدين (السندات والصكوك) .. خلونا ناخدها وحدة وحدة عشان نفهم كل شي 🤓
اللي ما شاف موضوع التنويع .. قبل لا يقرأ تغريدات اليوم .. يقدر شوفها من هنا 👇
طيب .. لمن نقول أدوات دين أو السندات والصكوك .. إيش هي؟! .. فكرة أدوات الدين الأساسية إنو لمن الحكومة والشركات تحب تعمل مشاريع جديدة .. حتحاج لفلوس عشان المشروع يبدأ ويشتغل .. طيب الفلوس دي من فين يجيبوها ؟! .. من مستثمرين زيي وزيك 🤩
يعني إنت دحين لمن تشتري أداة دين (صك أو سند) .. إنت بتدي الحكومة أو الشركات دي فلوس (تدينهم: عشان كدا اسمها أدوات دين) وهم يعطوك ورقة (صك أو سند) تثبت إنو هم أخدوا منك دا المبلغ وحيرجعولك هو بعد فترة معينة (لمن يخلص المشروع مثلا) .. تمام ؟! 😁
طيب إيش الفرق بينها وبين الأسهم ؟! .. فكرة الأسهم إنك تملك حصة في الشركة اللي اشتريت أسهم فيها .. حتربح معاهم أو تخسر حسب ربح وخسارة الشركة نفسها .. لكن هنا في أدوات الدين إنت بتقرض الشركة فلوسك لفترة محددة .. حيرجعولك هيا بالمبلغ اللي متفقين عليه من بدري 😉
🔴 معلومة مهمة: عشان عوائد الاستثمار في أدوات الدين شبه واضحة ومضمونة من بدري .. المخاطرة فيها دايما أقل من الأسهم .. وعشان كدا كمان عوائدها دايما تكون أقل .. يعني بنتكلم تقريبا عن عوائد 2-5% سنويا
هل العوائد الضعيفة يعني ما نستثمر ؟! .. لأ طبعا .. على حسب هدفك ووضعك المالي .. ممكن تكون ما تقدر تتحمل مخاطر الأسهم بالتالي تروح لسوق أدوات الدين .. وغير إنك تحتاج أصلا تخلي جزء من استثمارك أدوات دين عشان التنويع (أرجع ذاكر موضوع التنويع) 😆
طيب إيش الفرق بين الصكوك والسندات تحديدا ؟! .. الاثنين نفس الفكرة .. والاثنين أدوات دين .. الفرق بس إنو في الصكوك كإنك بتدخل شريك بشكل جزئي في موضوع الدين نفسه .. وممكن يأثر دا الشي على ربحيتك .. لكن السند لأ .. فوائد محددة تاخدها زي ما هي بغض النظر عن أي شي ثاني 😁
طيب كيف نشتري الصكوك والسندات دي ؟! .. شراء الصكوك والسندات عن طريق أي وسيط مالي (زي الأسهم) .. وحتلاقي معلومات الصكوك والسندات كاملة على موقع تداول 👇
tadawul.com.sa
tadawul.com.sa
قبل سنتين تقريبا كان الدخول للصكوك والسندات صعب لأنه أقل مبلغ تقدر تدخل بيه كان مليون ريال .. لكن بعدها نزل قرار من وزارة المالية خفض القيمة إلى ألف ريال 😍 (رابط الخبر 👇)
spa.gov.sa
spa.gov.sa
🔴 دقيقة قبل لا تدخل سوق أدوات الدين .. في عندنا نقطة ثانية مهمة برضو .. في مشكلة ثانية نحتاج نشوف لها حل .. طبيعة سوق الصكوك والسندات سيولته ضعيفة .. إيش يعني ؟! .. يعني مو بسهولة حتلاقي مشتري إذا أضطريت تبيع الصك أو السند .. طيب إيش الحل ؟! 😬
الحل بسيط وحلو .. تدخل في صندوق متداول لأدوات الدين .. إيش يعني صندوق متداول ؟! .. الصندوق المتداول هو صندوق ميزته الكبيرة إنه موجود في سوق الأسهم العادي .. تقدر تدخل فيه وتخرج منه بكل سهولة (نفس الأسهم بالزبطت) .. يعني زي مين ؟! 🤔
2️⃣ صندوق الإنماء المتداول لصكوك الحكومة السعودية المحلية @AlinmaInvest
وهذا رابطه 👇
alinmainvestment.com
وهذا رابطه 👇
alinmainvestment.com
الاثنين فكرتهم وحدة وأداءهم متقارب .. وهم الاثنين "صندوق مؤشر" للصكوك الحكومية .. يعني إذا دخلت في واحد منهم كأنك تدخل في مؤشر الصكوك الحكومية كله .. يعني الصكوك الحكومية كلها .. وبالمبلغ اللي عندك .. في أحلى من كدا ؟! 🥳
طيب هل دا كل شي عن أدوات الدين ؟! .. لأ .. باقي عندنا شي أخير .. وهو إنو في شركات جديدة بتحاول توفر خدمة إقراض للشركات الصغيرة والمتوسطة .. يعني تصير الشركات الصغيرة والمتوسطة تقدر هي كمان تصدر أدوات دين إذا عندها مشاريع 😎
طريقة الدخول فيها تكون عن طريق منصاتهم مباشرة .. الشركات دي زي @Manafa_co @Sukuk_SA @Forus_ksa @lendoappcom وغيرهم .. تقدروا تلاقوا قائمة الشركات المصرحة كلها في موقع هيئة سوق المال على صفحة مختبر التقنية هنا 👇
cma.org.sa
cma.org.sa
🔴 موضوع منصات التمويل الجماعي كله تحت التجربة بالنسبة لهيئة سوق المال .. عشان كدا المخاطرة هنا تعتبر أعلى من الدخول في صكوك الشركات الكبيرة والصكوك الحكومية .. اذا تعرف الشركة وتعرف مستقبلها وعارفة حجم المخاطرة فيها .. ممكن تجرب أكيد .. لكن غير كدا ما أنصح بشكل عام (رأيي الشخصي)
سامحوني طولت عليكم .. لكن إن شاء الله أكون ساعدتكم في فهم شي يفيدكم في الاستثمار .. الله يوفقكم 🙏
جاري تحميل الاقتراحات...