- علىٰ طاري خبر إن الڤايروس صار فيه طفرة و تحور يليه انتشار فكرة إن اللقاح خلاص ما منه فايدة💉❌.. خل أقولكم معلومة خفيقة لطيفة توضح لكم شغلة مهمة جدًا⚠️في حال مر عليكم الخبر و تبون تفهمونه بشكل صحيح و ليس المنتشر بطريقة ملتوية😂🧬🤝:
١- نتخيل المادة الوراثية للڤايروس إلي إهيا الـ RNA🧬عبارة عن كتاب📖.. كتاب صفحاته وايد و جمله و فقراته كثيرة جدًا .. هٰذا الكتاب يضم كل معلومات الڤايروس چنه CV📑 فيه جمل مميزة موجودة بصفحات معينة تعبر عن صفات " فريدة " فيه📍حلو؟ حلو
٢- بالمُقابل عندنا لقاح💉🧬 .. هٰذا اللقاح فكرته تخيلوها : قاصين جملة✂️ معينة بفقرة معينة و بصفحة معينة من CV الڤايروس📑🦠تخص صفة مهمة فيه : إلي إهيا الـ S protein ( البروتينات الشائكة ) إلي تمثل مفتاح الڤايروس الفريد إلي عن طريقه يدخل الخلية و يهكر إعداداتها☠️🗝حلو؟
- الحين شوي خل نربط الفكرتين في بعض🤝.. و نقول عندنا RNA الڤايروس إلي يمثله كتاب كامل📖 و عندنا لقاح يمثل : "صفحة" من الكتاب📑.. يعني اللقاح لو تفكرون فيها ما يمثل إلا جزء فقط من الكتاب .. و عشان نكون دقيقين اللقاح📍يمثل فقرة مهمة تخص مفتاح الڤايروس🗝✅
خل نتعمق أكثر .. عشان اللقاح يفقد فعاليته حسب المنتشر لازم التحور يضرب موقع فريد بالكتاب📚📍🗺: الجملة إلي تخص مفتاح الڤايروس📃🗝= بروتيناته الشائكة، تخيلوا الطفرة🦠 لونها أخضر عشان نشوف تأثيرها لازم اللون يكون فوق جملة : صفة المفتاح بعدها " ممكن " نقول بيأثر علىٰ فاعلية اللقاح💉
- انزين التحورات من زمان قاعد تصير حق الڤايروس [بس] تحت بس ألف خط شفتوا كتاب الڤايروس؟ التحورات قاعد تصير فيه بصفحات و جمل مالها شغل بجملة البروتين المفتاح .. شنو نفهم إن " الجملة إلي اللقاح معتمد عليها " ما قاعد تحوشها تغيرات إنما التحورات بفصل ثاني من الكتاب و فقرات أخرىٰ💉🦠🤝
![- انزين التحورات من زمان قاعد تصير حق الڤايروس [بس] تحت بس ألف خط شفتوا كتاب الڤايروس؟ التحورات قاعد...](https://pbs.twimg.com/media/EpoOK0JXUAYznKO.jpg)
![- انزين التحورات من زمان قاعد تصير حق الڤايروس [بس] تحت بس ألف خط شفتوا كتاب الڤايروس؟ التحورات قاعد...](https://pbs.twimg.com/media/EpoOK0PXMAIAB3U.jpg)
هل من المنطقي علميًا نقول اللقاح فقد فعاليته و أساسًا الطفرات و التغييرات قاعد تصير بصفحات و كلمات مالها علاقة بالصفحة المميزة📑🗝 الي احنا مستخدمينها باللقاح؟ أبدًا ..⚠️جملتنا أصلاً مو إهيا إلي قاعد تتغير❌📌
- يعني عشان نقول اللقاح فقد فعاليته : لازم الطفرة و التحور يكون مستهدف الجملة المميزة📑إلي إذا تغيرت كلماتها = راح يتغير شكل المفتاح🗝 "البروتين الشائك إلي علىٰ سطح الڤايروس " = علىٰ ذلك راح نحتاج قفل يديد( لقاح💉🔓) عشان نتماشىٰ مع تغير المفتاح و هذا الي [ما صار ]❌!
فلو غيرنا ميدالية المفتاح و كل مرة حطينا شكل يديد (تغيير الميدالية = طفرات خارج نطاق البروتين الشائك) هل راح يتغير التعرف بين المفتاح و القفل و نضطر نغير المفتاح؟ 🔐لا طبعًا لأن المفتاح ثابت المتغير شي ماله علاقة بالقفل و هذا التحور الي صاير، تحور ماله أي علاقة بالبروتين الشائك🦠
- لا تصدقون أي شي ينتشر الوضع صاير شوية حقيقة و كيلو بهارات خيال .. أي شي المهم نخرع الناس المهم أكشن و نبي خبر حصري و رتويت المهم ما نوريهم الجانب العلمي الصح الطبيعي .. و بالنهاية شنو نوصله؟ اللقاح لا زال فعال و كلمة تحور عادي لأنها بعيدة عن جملة المفتاح🗝🦠🧬
- للعلم : الصور إلي فيها الأحرف مفروض U بدال الـ T عشان نكون دقيقين جدًا علميًا .. لأن الڤايروس مادته الوراثية [RNA] بس الله يهداه قوقل مو محترم الـ RNA ماله صور أقدر أشبه عليها عشان هيك استخدمت صور أحرف الـ DNA🤝⚠️
- و بس والله تمنياتي وصلت بسلاسة بعيدًا عن تهويل صياغة خبر التحور و ربطه تحديدًا إن خلاص ماكو فايدة من اللقاحات و هذا شي غلط ما يتعدىٰ كونه خبر لإثارة الجدل ماله صحة .. مع تحيات فقرة نبذ الإشاعات العلمية🧬💉!
جاري تحميل الاقتراحات...