دا ثريد فيه نتاج حديث مع حد متخصص شرح لي الفرق بين اللقاحات وايه التكنولوجيا الجديدة في لقاحات فايزر وموديرنا..طبعا أنا آخر مرة خدت احياء كان في أولى ثانوي فلو في غلط في التعبير فدا ناتج لجهل مني..البداية من حاجةمعروفةعند دارسي البيولوجي اسمها الCentral dogma of molecular biology
ودي اللي بتشرح أساسيات عمل الجينات .. المهم ال DNA دا الشفرة الوراثية للبني آدم ومختلفة من واحد للتاني .. وفي حاجة اسمها ال RNA ليها أنواع كتير بس المهم بالنسبة لنا ال MRNA ال M هنا اختصار ل messenger .. ودي مسؤولة عن ترجمة الشفرة الوراثية
ال MRNA بتترجم الشفرة الوراثية وتنتج بروتينات تساهم في انتاج الخلايا المناسبة لكل عضو للإنسان .. طب فكرة اللقاحات كانت مبنية على انك تحقن الإنسان بنسخة ضعيفة من الفيروس عشان الجهاز المناعي يكتشفه ويكون دفاع ضده وضد النسخ القوية بعد كدا .. المخاطرة هنا انه ممكن الجسم يمرض بالفيروس
فالناس طورت نوع جديد من اللقاحات بددل ما يحقن نسخة ضعيفة من الفيروس بيحقن ال MRNA بتاع الفيروس اللي بيخش الخلايا ويكون بروتين فالجهاز المناعي يكتشفه ويكون أجسام مناعية ضد الفيروس دون التعرض للفيروس أساسا ودا أساس الفكرة بتاعة لقاح فايزر وموديرنا ..
المشكلة بتاعة الموضوع دا انه مفيش اجابةحاسمةإذا في عوامل بتتحكم في قوة رد فعل الجهاز المناعي ضد الMRNA عشان كدا الناس اللي عندها Autoimmune Diseasesمش مصرح لهم بأخد اللقاح دا على حسب ما فهمت .. ومش معروف مدة تأثير اللقاح اللي لحد دلوقتي بتاخد جرعة متبوعة بجرعة بعدها بكام أسبوع
المعلومة الأخيرة انه اللقاح الصيني معمول بالطريقة القديمة (نسخة ضعيفة من الفيروس) ... ومفيش أي حاجة منشورة عن ردود الأفعال السلبية ضده من المجموعة اللي اتعمل عليهم تجارب ..
جاري تحميل الاقتراحات...