🔴ثريد مهم!
ماهي قاعدة ال80-20؟ وقانون باريتو؟ وكيف بنقدر بي 20% من المجهود نحقق 80% من النتائج ونحقق أهدافنا كلها بأبسط طريقة وأقل مجهود!!
كل ذلك واكثر في ثريد الليلة فتابعو معاي و ريتويت!!
ماهي قاعدة ال80-20؟ وقانون باريتو؟ وكيف بنقدر بي 20% من المجهود نحقق 80% من النتائج ونحقق أهدافنا كلها بأبسط طريقة وأقل مجهود!!
كل ذلك واكثر في ثريد الليلة فتابعو معاي و ريتويت!!
لو ما بتحبوا تقروا ممكن تلقوا نفس محتوى الثريد في الفيديو دا..
كيف تحقق أهدافك مع قاعدة ال ٨٠/٢٠ ومبدأ باريتو ؟ youtu.be
كيف تحقق أهدافك مع قاعدة ال ٨٠/٢٠ ومبدأ باريتو ؟ youtu.be
قاعدة ال80-20 واحدة من اهم قواعد تنظيم الوقت وادارته.. بيطلق عليها برضو "مبدأ باريتو" نسبة للاقتصادي الايطالي فيلفريدو باريتو الي هو اول زول كتب عنها في سنة 1895. باريتو كان بيدرس توزيع الانتاج والثروات داخل المجتمع ولقى انه حوالي 20% من المصانع بتنتج 80% من اجمالي الانتاج.
و 20% من الاثرياء بيحصلوا عن 80% من الثروة بتاعت البلد. بعدها باريتو قرر يدرس مجتمعات تانية واتفاجئ لما لقى نتائج مشابهة, فقرر يدرس ظواهر تانية غير الانتاج والتوزيع. فوجد انه ارقام ال20 وال80 بتككرر وبتفرض وجودها في كل مناحي الحياة, فأطلق على اكتشافه دا قاعدة ال 80-20.
وعندها تطبيقات كتيرة في الحياة والمجتمع والبيت والشغل وكلو.. لو لاحظتوا في المجتمع حتلقوا انه 80% من الجرائم بتقع في 20% من الاحياء, 20% من السائقين بيرتكبوا 80% من المخالفات المرورية, دايما في ناس كل شهر بيرتكبوا كم مخالفة وفي ناس في حياتهم ما اخدوا مخالفات مرورية.
تطبيقات القاعدة في البيت برضو كتيرة, ما بتلاحظوا اننا بنفضل نلبس 20% من الملابس العندنا في الدولاب وفي 80% ما متذكرين آخر مرة لبستوها؟ بالنسبة للاعمال المنزلية, احنا بنستخدم 20% من الادوات عشان نعمل 80% من المهام المنزلية برضو.
حتى في المكتب: انت بتستخدم 20% من الورق والملفات الموجودة في مكتبك في 80% من الحالات وما بتستخدم باقي ال80% الا في 20% من الحالات.
بالنسبة لينا في الثريد دا بيهمنا نعرف انه 20% فقط من النشاطات والاعمال البنقوم بيها بتؤي لي 80% من النتائج.
بالنسبة لينا في الثريد دا بيهمنا نعرف انه 20% فقط من النشاطات والاعمال البنقوم بيها بتؤي لي 80% من النتائج.
يعني في البزنس حتلقوا انه 20% من العملاء مسئولين عن 80% من المبيعات, 20% من المنتجات البتقدموها بتكون مسئولة عن 80% من الارباح واهم نقطة: 🔴🔴20% من المهام البتقوم بيها في حياتك وشغلك, بتمثل 80% من قيمة الحاجات البتعملها.
ودا بيعني لينا انه لو عندنا قائمة من 10 حاجات عايزين نعملها. 2 من الحاجات دي, حيتساوو في قيمتهم مع ال8 حاجات الباقية مجتمعة.
طيب كيف نقدر نستفيد احنا من القاعدة دي في حياتنا وشغلنا واعمالنا؟
زي ما قلنا قبل شوية لو عندنا قائمة مهام فيها 10 حاجات محتاجين نعملها عشان نحقق هدف معين,
طيب كيف نقدر نستفيد احنا من القاعدة دي في حياتنا وشغلنا واعمالنا؟
زي ما قلنا قبل شوية لو عندنا قائمة مهام فيها 10 حاجات محتاجين نعملها عشان نحقق هدف معين,
في القائمة دي بيكون في حاجة او 2 بيساوو الباقين كلهم من ناحية القيمة والوصول للنتيجة.. يلا هدفنا مفترض يكون دايما اننا نعرف اي المهام القدامنا هو البيمثل لينا ال20% المهمة دي.. ولكن هل انتو عارفين انه الشخص العادي, عادة بيكسل يعمل ياتو حاجة؟
الحاجة الحزينة انه اغلب الناس بيأجلوا او بيسوفوا المهام المهمة فعلا, وبيشغلوا نفسهم بال80% الما مهمة البتأثر بي صورة قليلة على الهدف النهائي.
كلنا بنعرف ناس داييييما مشغولين وما عندهم وقت يعملوا اي شي وطوالي فالتلفون, لكن بعد انشغالهم دا بتكون انجازاتهم محدودة جدا.
كلنا بنعرف ناس داييييما مشغولين وما عندهم وقت يعملوا اي شي وطوالي فالتلفون, لكن بعد انشغالهم دا بتكون انجازاتهم محدودة جدا.
ودا بسببب انهم دايما بركزوا على المهام ذات القيمة القليلة وبيأجلوا ويسوفوا المهمة او المهمتين فقط, المهام ال20% اللو كانت اتعملت بسرعة وجودة كانت حتعمل فرق كبير وملحوظ في حياتهم وشغلهم.
للأسف المهام المهمة القلنا عليها دي غالبا بتكون صعبة ومعقدة ولكن النتائج والفوائد البتجي منها بتكون هائلة. عشان كدا ما تركزوا في المهام بتاعت ال80% وبعدين لمن يجي الوقت تعملوا المهام بتاعت ال20% تقرروا انكم تعبانين او كسلانين.
قبل ما تبدا شغل, دايييما اسال نفسك "هل الحاجة الحاعملها دي تبع ال20% المهمة ولا ال80% الما مهمة؟"
مرات بنقرر اننا نبدا بالحاجات الصغيرة ونخلصها بعدين نفضى للكبيرة.. لازم لازم تقاوموا الاحساس دا!
مرات بنقرر اننا نبدا بالحاجات الصغيرة ونخلصها بعدين نفضى للكبيرة.. لازم لازم تقاوموا الاحساس دا!
واتذكره انكم كدا بتكونوا عادة جديدة صعب تتكسر تاني, وهي انكم دايما تبدوا بالمهام الغير مهمة.
المهام الصغيرة والغير مهمة دي زي الارانب, حتفضل تتكاثر كدا وعمرها ما حتنتهي لحدي ما يجي الdeadline وتكتشفوا انكم ما لحقتوا تعملوا الحاجات المهمة فعلا!
المهام الصغيرة والغير مهمة دي زي الارانب, حتفضل تتكاثر كدا وعمرها ما حتنتهي لحدي ما يجي الdeadline وتكتشفوا انكم ما لحقتوا تعملوا الحاجات المهمة فعلا!
أصعب جزء في أي واحدة من المهام القيمة بتاعت ال20% هي اننا بندأ فيها. ودايما بنلاحظ انها اول ما نبدا في اي واحدة من المهام القيمة دي, حنتشجع اننا نخلصها. لانه جزء من عقلنا بيحب يشتغل في الحاجات البتعمل الفرق الحقيقي لاننا بنشوف النتيجة طوالي وبيجينا احساس بالفخر كدا.
مازي المهام الصغيرة الممكن بعد ما نخلص كم واحدة منهم ما نحس اننا بتقدم في تحقيق هدفنا وبالعكس يجينا احباط. والغريبة انه ممكن المهام ذات القيمة المنخفضة والعالية ياخدوا مننا نفس الوقت عشان ننجزهم ولذلك هدفنا مفترض يكون اننا نغذي الجزء الذكرناهو البيحب يشتغل في المهام القيمة دا.
طيف كيف ممكن نركز على المهام ذات القيمة العالية؟
عن طريق ادارتنا الجيدة لي وقتنا, " احنا دايما عندنا وقت بس لازم نعرف نستخدمه صح" ادارة الوقت هي حقيقة ادارة لي حياتنا, ادارة لي نفسنا.
عن طريق ادارتنا الجيدة لي وقتنا, " احنا دايما عندنا وقت بس لازم نعرف نستخدمه صح" ادارة الوقت هي حقيقة ادارة لي حياتنا, ادارة لي نفسنا.
ادارة الوقت هي تحكمنا في تسلسل الاحداث الفي حياتنا. تحكمك في الشي الحتعمله انت اول ما تخلص الثريد دا. انت دايما عندك الحرية تختار الحاجة الحتعملها لاحقا او نكست. قدرتك على انك تختار بين المهام القيمتها عالية و المهام الغير مهمة هو مفتاح نجاحك في الحياة والعمل.
والاشخاص المنتجين بيعودوا نفسهم انهم ما يكسلوا ويبدوا دايما بالحاجة المهمة من بين الحاجات القدامهم. الاشخاص المنتجين بيجبروا نفسهم على الحاجة دي, ونتيجة للشي دا, بيحققووا اهدافهم اكتر بي كتير وبالتالي أكثر سعادة من الشخص العادي اللسه بيلف حولين نفسه وبيضيع زمنه ومجهوده
في مهام غير مهمة ومحتار هو ليه ما قادر ينجز اكتر.
فعشان تقدروا تنجزوا اكتر في حياتكم وبي اقل المجهودات اتبعوا الخطوات التالية:🔴
1) اعمل قائمة بي كل الاهداف بتاعتكم, والنشاطات والمشاريع الشغالين عليها والمسؤوليات الفي حياتكم الآن.
فعشان تقدروا تنجزوا اكتر في حياتكم وبي اقل المجهودات اتبعوا الخطوات التالية:🔴
1) اعمل قائمة بي كل الاهداف بتاعتكم, والنشاطات والمشاريع الشغالين عليها والمسؤوليات الفي حياتكم الآن.
شنو في الحاجات دي ممكن يكن في ال10-20% المهمين جدا الممكن تمثل لي 80% من النتائج؟؟
2) أجبروا واقنعوا نفسكم انكم تقضوا معظم وقتكم في الحاجاتت الحددتو انها بتمثل القيمة العليا, والحاجات الفعلا حتفرق في حياتكم وشغلكم,
2) أجبروا واقنعوا نفسكم انكم تقضوا معظم وقتكم في الحاجاتت الحددتو انها بتمثل القيمة العليا, والحاجات الفعلا حتفرق في حياتكم وشغلكم,
واقضوا وقت اقل في المهام ذات القيمة الاقل والحتخليكم تضيعوا سنين عمركم وانتو في نفس المكان..
وبس بتمنى القاعدة دي تفيدكم فعلا وتقدروا تطبقوها في حياتكم من اليوم, واتذكروا انه دايما القرار والتحكم في يدكم.. انتو البتختارو تعملوا شنو وتخلوا الاولية لي شنو..
وبس بتمنى القاعدة دي تفيدكم فعلا وتقدروا تطبقوها في حياتكم من اليوم, واتذكروا انه دايما القرار والتحكم في يدكم.. انتو البتختارو تعملوا شنو وتخلوا الاولية لي شنو..
زي ما انتو حتختارو تقرروا تعملوا لايك للفيديو دا وتكتبوا لي في التعليقات رأيكم عن النظرية وحاجات انتو شايفين بتنطبق عليها من تجربتكم.. وطبعا لو ما عملتوا ريتويت وفولو اعملوا ريتويت وفوالو وفي امان الله!
جاري تحميل الاقتراحات...