رتبها

واخيراً ثريد عن جولتي السياحيه بالاسبوع الماضي في #الاحساء مسقط رأسي ..
هنا المتعه والتاريخ والحضاره والارواح العشريه .. والخيرات والاكل الطيّب 😋✨
تخيل انك بتتجول في مدينة نالت الاعتراف العالمي "اليونسكو" للمدن الابداعيه ؟ 👌🏼❤️
كل المعلومات ووسائل التواصل راح انزلها ..

كيف توصل للأحساء ؟
اهل الشرقيه والرياض ممكن عن طريق المؤسسة العامه للخطوط الحديدية والحجز بالابليكيشن
او عن طريق مطار الاحساء الدولي 👌🏼
او برّا اكيد .. 🦦

خيارات السكن بالاحساء كثيره .. لكن انا سكنت في نُزل او فندق الكوت التراثي .. الواقع في اقدم حيّ بالاحساء وهو كان بيت للأمير سعد بن حلوي حاكم الاحساء سابقاً .. وفيه سبع غرف

شعور وكأنك بييتك .. البيت على الطراز المعماري الحساوي 👌🏼🤍 وفيه مطعم شعبي جميل جربوا فطورهم ..

وبما أني عاشقه للحرف والاشغال اليدويه كانت اول محطه لي "سوق الحرفيين " My dream land ❤️ افتتاحه كان هذي السنه
وعلى فكره الاحساء دخلت التراث الانساني العالمي بيونسكو في مجال الحرف والفنون الشعبيه ..

اذا كنت في مجال الارت ومهتم تدرس تقنيات حرفيه او تحب مجال الكرييتف .. هذا مكانك
اغلبية الخرف موجوده من الزري للعقال الحساوي الى القفاصه .. الزبيري ، السبح .. الخ
وتقدر تجرب معهم الي ودك .. واستعدوا لخفة الدم❤️

صباح اي يوم في جولتك .. غلط ما تمر اي مخبز للخبز الحساوي او " الخبز الاحمر " او الحَمر بلهجة اهلنا ..
خبز اهم مكوناته تمر الخلاص أجود انواع التمور وينخبز على حرارة جذوع النخل يعني الريحه ❤️ واطلبوه مع جبن كرافت والدبس 😋

المخابز بالاحسا كثيره .. تقدرون تتواصلون مع العم بو متعب صاحب مخبز الخدود
0500067620
ولو حابين تاخذونه معكم تراه يتخزن بالفريز الى ٦ شهور .. ويكون عشا خفيف لو اكلتوه مع زبادي طعمه لذييييذ 👌🏼❤️

الاحساء دخلت موسوعة قينيس هذي السنه كأكبر واحة نخيل بالعالم .. فأجمل تجربة غير انك تتجوّل بين النخيل انك تتعرّف على الفلّاح الاحسائي الأصيل 🌴او "النخلاوي "
ابو محمد البراهيم .. أضمن لكم ان زيارتكم له بتطلعون منها بروح ثانيه ❤️
مزرعته في قرية البطاليه

اعتزازه بالفلاحه عظيم والسوالف معه والله ماينشبع منها 😂❤️ خفة دم وسعة صدر .. الي حاب يتواصل معه
0505964784

وبقرية القرين الشهيره بزراعة الارز الحساوي اغلى رز بالعالم "ياجماعة لذيذ لذّة 🙂❤️"
تقدرون تمرون مزرعة العم بو جواد وتشوفون مزرعة الورد المحمدي وايضاً مزرعة الارز الحساوي .. وتشترون من منتجاته الخاصه بالمزرعه من دبس ، قهوة النواه، لومي الغراش وغيرها ✨
رقمه 0560646315

هذا ثريد سابق عملته عن زراعة الرز الحساوي .. اجواء شيّابنا فيه ❤️

ومن اجواء المزارع بالقرى الى وسط مدينة الهفوف لاقدم سوق في الخليج العربي "سوق القيصريه " .. تشكّل من عام ١٨٢٢بالعهد العثماني والى يومنا هذا 👌🏼
وفي عام ٢٠٠١ حدث حريق بالقيصريه 💔 الحريق كبير لدرجة تسبب في دمار ٨٠ بالميه لكن بلدية الاحساء مشكوره اصلحت بناياته الطينيه بشكل فوري

السوق فيه محلات لافضل انواع البشت الحساوي ، منتجات والقهوه والملابس التقليديه والعبايات والعقال والحلويات وغيره .. وتحصلون فيه بعض القهاوي ايضاً ❤️

انتم قروب وتفكرون بعشاء باجواء مختلفه ؟ نظموا عشاكم في وسط اعجوبة الطبيعه "جبل القاره " مع احد حسابات السياحه مثل الفوخريه @Fokharia
ومع المرشد محمد الخضيري @M_Alkhudhayri
ووثقوا لحظاتكم الحلوه مع المصور الاستاذ سلطان داخل وخارج الجبل 😍 استديوه موجود داخل👌🏼

الاجواء حلووووه والعشاء غالباً حسب لو حابينه من مطعم او من اسر منتجه واطباق شعبيه وهذا الي انصحكم فيه 👍🏼

او ممكن يكون عشاكم في بيت رزق .. المكان وسط المزارع .. الريحه حولكم ❤️ ومع صوت العود رواق مابعده ولا قبله ..

الحين وقت انك ترفع الادرينالين 😋✨ اطلعوا في رحلة لبحيرة الاصفر مع قروب جيبرز المحترفين @ProJeepers .. رحلة مليانه تطعيس وسواليف شقلبه واستمتعوا بعدها بجلسة على كليف باطلاله على #بحيرة_الاصفر

شوفوا روعة المنظر 😍❤️ #بحيرة_الاصفر

ونرجع لحيّ الكوت .. زرت فيه بيت البيعه و " رباط ابو بكر "

بيت البيعه او بيت الشيخ عبداللطيف الملّا .. بيت شهد مبايعة أهل #الاحساء للمؤسس الملك عبدالعزيز وانضمامها للدولة السعوديه عام ١٩١٣ م .. القصص ممتعه والمكان مهتمين فيه بطريقه جميله جداً 👌🏼 بتشوفون تفصايل البيوت الحساويه والدلال الحساويه وعاداتهم فيه ..

طلّاب العلم الي كانوا يتوافدون من انحاء العالم كانوا يُجازون مدارس الاحساء قديماً .. وبعضهم ماكان يأمن مسكنه واكله .. فقام الشيخ عبدالله ابو بكر ببناء هذا الرباط في موقع مناسب قريب من المساجد ومدارس العلم 😍✨

والى مدينة العيون بالاحساء .. تقدرون تزورون مصنع لقماش البشت الحساوي .. كان التاجر يوسف البوعلي وقت ما كان يستورد خيوط الوبر من بلاد فارس وينسجها يدوياً بعدها قرر يأسس المصنع وينتج منه قماش الوبر المشهور .. 😍✨

احفاده مازالو يحتفظون بأول مكتب للتاجر مع كامل تفاصيله .. من ٦٠ سنه الى الآن ..
المكان ممتع كنت احلم واشوف شلون يصنعون الاقمشه وينسجونها 🤔
حطيت لكم صوره من قوقل قديمة جداً للآلات المستخدمه بالمصنع ، عشان ابوريكم بالفيديو كيف هي نفسها مازالت تستخدم لليوم 👌🏼✨ ألماني اصلي

تقدرون تتواصلون معهم وتطلبون اقمشه لمشاريعكم خصوصا مشاريع العبايات 👌🏼
عنده انواع من الاقمشه غير الوبر والتعامل مع الاستاذ محمد صاحب الشركه الان واحد احفاده راقي جداً جداً
0504937614

ونرجع لحياة المدينه .. خيارات المطاعم والكافهيات مابين العالميه و المحليه والمختصه وحتى تفتح ٢٤ ساعه لا تعد ولا تحصى ..
وهذي بعض المجمعات والشوارع الي فيها الخيارات :
دكان افنيو - ذا ڤالي - البستان مول - سكة الفن - طريق عين نجم - شارع الستين

والى مدينة العمران .. عيلة مكونه من اكثر من ١٠ اشخاص عايشه في مزرعه صغيرهم وكبيرهم يمتهن حرفة سفّ الخوص ..
وحالياً "آيات " ٢٦ سنه تمثل العيله كامله
بتوريكن كل المراحل بالطريقه التقليديه وتاكلون عندها خبز المسح😍❤️
وبتشمون وتعرفون ريحة الطبينه " بخور الاحساء " ❤️✨

لو حابين تتواصلون معهم وتزورونهم بمكانهم او حتى تجيكم لمكانكم .. وزي ماقلتلكم مختصين بالخوصيات وخبز المسح وبرضو الكرّ .. الاداه الي يستخدمها النخلاوي لصعود النخله ..
0543714469

شاطيء بالاحساء ؟ ايوا ياجماعه
الاحساء يتبعها شاطيء العقير وفيه أقدم ميناء بالمملكة العربية السعودية
عقير او "عجير الاسم مقترن بقبيلة عجارو سكان ساحل شرق الجزيرة قبل الميلاد ..
الميناء كان وسيلة الاتصال بالعالم الخارجي لما وراء البحار الهند والصين .. الصوره الاخيره من قوقل

شاطيء العقير ارامكو فيه مرافق سياحية وخدمات للعوائل ممتازه ونظيفه وفيه قسم حالياً للكرفانات .. والان بلدية العقير قائمة على مشروع المسرح الروماني وحطيت صوره لحجم المشروع 👌🏼❤️
راح يكون مساحه تقام فيها الفعاليات والاحتفالات الوطنيه مستقبلاً
الصور كلها من قوقل ..

اذا جوّك متحف .. دار التراث من المتاحف المنظمه ومقسمه تقسيم صراحه مريح وتستوعب فيه القطع والقصص ..
وخلفه مطعم تابع للمتحف يمدحون مشوياته الصراحه ماجربت بس اقدر اثق فيهم 👌🏼

معركة او حرب الالوان لاول مره بالاحساء .. موجوده بجواثا ، وبحط لكم حسابهم الانستاغرام لو حابين تتواصلون معهم 😍❤️
instagram.com

instagram.com/ahsapaintball?…

يمكن اهم معلم سياحي لحرفة مهمه بالاحساء .. "دوقة الغراش " عائلة الغراش الي توارثت الحرفه جيل بعد جيل في منزلهم الي مازال من ٦٠٠ سنه بين جبل القاره 🤍
ومن المهن الي ساهمت في دخول الاحساء لمنظمة اليونسكو للحرف اليدويه ✨ومازال الشغل بالطريقة التقليدية بحتتته