مضطرة اتكلم في حوار وائل عباس مع الاسف، مضطرة عشان نبرة الاستحقاق والتعالي المقرفة اللي بيتعامل بيها مع الأمر كأنه خناقة من بتاعة زمان..انسي زمان عشان مش هيغفر لك الكوارث والاذي البالغ اللي سببته لستات كتير..ملعونة الاستحقاقية المبنية علي نضال سابق، وفوق جسم الستات ينكشف الجميع

من لحظة ما كنت بتدور علي اسمك وتروح تشتم الناس علي صفحاتها بمنتهي العنجية عشان جابوا سيرة اسمك المقدس بالشتيمة، وانا عرفت انك انها راحت منك، ومن نفس المنطق مارست شرورك علي الستات، والقصة بتوصل للتانية وكلها فيها استغلال واضح لعلاقاتك ورصيدك..

ليه مضطرة اتكلم رغم صدمتي الحقيقية فيك، عشان اقول ان اللي عملته وعمله رجالة كتير من الدوائر المحسوبة علي الثورة خلاني افكر ازاي بنات الثورة وقبلها بنات العمل العام عانوا مع اشكالكم الوسخة وازاي كان مكتوب علينا نواجه فجر الدولة وذكوريتكم وممارستكم المنحطة.لكن ده كله بيتغير دلوقت

فخورة جدا بجيل من البنات والستات مش بيخاف، عنده معايير أكثر احتراما لنفسهم وجسمهم، رابطين الخاص بالعام وفاهمين أنها معركة واحدة، بيتخلصوا تدريجيا من سطوة نفوذكم علي عقلهم ومفيش حد كبير عن المحاسبة، مفيش يا وائل ويا يسري فودة ويا كل الوان طيف الرجالة المناضلين المجرمين