أول ما أجيت عالسويد دلوني على GYM وقاعة رياضية مدعومة من الدولة مجانا للاجئين مسؤول عليها رجل سويدي خمسيني ،طلبت من الشباب العرب منو يجي نتمرن ونلعب شويه واحد گالي لتروح أحسن هذا المسؤول عنصري وميحب اللاجئين!
من وصلت رحب بيه وسلم وسألني ب أبتسامة لطيفة من أي بلد؟
-گتله من .....
من وصلت رحب بيه وسلم وسألني ب أبتسامة لطيفة من أي بلد؟
-گتله من .....
من العراق وبعد كم يوم تمرين گلي تعرف هذا الجيم وهاي الشغلات كلها من فلوس الضرائب الي ندفعها أحنا گتله أي نعم أعرف وأنتوا أصلا مشكورين على أستقبالنا أما باقي الاشياء هذا كرم وطيبة منكم وأنسانية عالية تشكرون عليها العمر كله وراح يجي اليوم الي أشتغل وأدفع ضرائب وأكون مشارك......
بهاي العملية حتى أفتح فرصة لغيري تكون اله حياة جديدة ومستقبل مختلف،
أخذله صفنه وگال أنت أول واحد اسأله هذا السؤال ويجاوب هيج كل الناس يجاوبوني هاي كلها الامم المتحدة تدفعلكم لو من فلوس نفطنا وهذا الكلام الباقي!
أخذله صفنه وگال أنت أول واحد اسأله هذا السؤال ويجاوب هيج كل الناس يجاوبوني هاي كلها الامم المتحدة تدفعلكم لو من فلوس نفطنا وهذا الكلام الباقي!
رجعتله وره فترة گلي شو مختفي ماأشوفك تجي گتله لگيت شغل بمطعم أشتغلت بي فترة مجانا وبعدها صار عندي عقد عمل تعمدت أخذه حتى يشوفه ويقراه كتله ممكن تساعدني بالقراءة والتفاصيل بخصوص الراتب وساعات العمل زينة لو بيها أشكال
گال هذا الراتب كلش زين بالنسبة لواحد جاي جديد وماعندة أقامة....
گال هذا الراتب كلش زين بالنسبة لواحد جاي جديد وماعندة أقامة....
طبعا الراتب كان حوالي اكثر من 10أضعاف المعونه الي ينطوها النا بوكتها وها گتله رحت لدائرة الهجرة وقفت المعونه لأن حصلت على شغل ماأحتاج بعد وهاي وحدها قصة لأن موظفة الهجرة عبالها سكران من رحت گلتها وقفوا المعونه ماأحتاج أشتغلت بس مكان ويايه العقد عبالها شارب ودااخربط گالت روح.....
وتعال غير يوم انت شارب بيك شي لأن ربعنا عدهم عادي يشتغل ويغلس ميبلغ ف يضرب راتب منا ومناك عود أذا انلگف يخلوه يدفع نرجع لصاحبنا أبو الجيم الي صار صديقي بعدين كتله ليش ربعنا ميحبوك گال لان أگلهم لتوسخون ورجعوه الغراض بمكانها من تكملون ها ولاگف كم واحد يبوگ طوبات المنضدة والمضارب
گال من وره هاي الامور صاروا يحچون عليه وحتى يشتكون بدائرة الهجرة بس أني مدام ممسوي شي غلط ميهمني وگلي سالفة أنت وغيرك من يكثرون راح يصححون هواية أخطاء من الناس الي تجي تخرب هالبلد واني متأكد همه نفسهم ساعدوا بخراب بلدانهم سواء بقصد أو بدون قصد ...
رباط السالفة أنت من تكون ماشي صح وتثقف نفسك بالامور الصحيحية حتى الناس الماشية غلط راح تنجبر تحترمك وتصحح أفكارها من خلالك أنت من خلال البصمة الي تركتها عدهم طبعا أكتب هالكلام لأن اليوم صادفني هالانسان وأعترفلي انة مرات هو كان قاسي على ربعنا ونادم واني من الاشخاص الي غيرت فكرته.
جاري تحميل الاقتراحات...