#برنامج_العيش_الطيب
صباح الخير زميلات وزملاء برنامجنا العظيم😘♥️💜💙
اليوم بعد أكثر من ٣ سنين في البرنامج أعلن عن نجاحي في ترميم علاقتي الزوجيه مع ابو عيالي 🤝الحمدلله 🙌لله الفضل والمنه ثم للبرنامج اللي دائما وأبدا اردد انه انقذ حياتي من مصير مجهول صراحه..وشكله كان راح يكون😑😑
صباح الخير زميلات وزملاء برنامجنا العظيم😘♥️💜💙
اليوم بعد أكثر من ٣ سنين في البرنامج أعلن عن نجاحي في ترميم علاقتي الزوجيه مع ابو عيالي 🤝الحمدلله 🙌لله الفضل والمنه ثم للبرنامج اللي دائما وأبدا اردد انه انقذ حياتي من مصير مجهول صراحه..وشكله كان راح يكون😑😑
أنا ببدايه البرنامج ماكان هدفي علاقتي الزوجيه ابدا.. كنت اصلا مقرره الطلاق بس مأجلته لين ارتب وضعي.. يعني كنت يائسه من الاصلاح.. بس انتظر الوقت المناسب عشان انهيها.. لاني في داخلي ودي اطلب الطلاق او علي الاقل أقرر من مشاعر متزنه.. مو هروب او ضعف او غضب..
فلما قريت هذي العباره لاستاذنا @_abdala122
عرفت إن قراري كان صح👌.. قبل لا أعرف هالمعلومه من البرنامج.. كنت أبي أنظف وأرتب مشاعري وأشوف إنعكاس واضح في علاقتي بزوجي يأكد إن كل كلام الوعي صحيح.. واللي هو غير الداخل يتغير الخارج.. كنت صراحه مشككه فيه لان عقلي يطلب باستمرار ادله وبراهيين. فعشان انا وحده عمليه قلت بجرب بزوجي😁
قبل لا أطلقه خليني أشوف النتيجه في علاقتي معاه.. ي إني أتواجه مع خوفي ونقاط ضعفي ومعاه ويصير نقطه تحول لي...أو راح يتحسن ويصير مثل ماأبي وأحسن🤗.. فكانت المفاجأه إنه تغييييير ١٨٠ درجه وأنا كنت غاسله إيديني منه ومخي بعد🤭التغييير كان جدا بطئ وكنت مو مهتمه حيل انه يتغير بسرعه
كنت لاهيه بالبرنامج وتطبيقه وكنت حيل مشغوله بنفسي.. وكأني دخلت عالم موازي مو نفس عالمي القديم فيه شي جديد توني أدري عنه وأبي أتعلمه وأفهمه بعمق وسرعه.. فكان زوجي وتغيره وسلوكه آخر همي لاني مثل ماقلت ناويه علي الطلاق بس مأجلته لين افهم نفسي هل فعلا ابي الطلاق او هروب وضعف😑
اول ملاحظه صرت أقدر أواجهه بشغلات بسيطه وماأخاف من رده فعله وحسيت لاول مره إنه بدا يحط لكلامي حساب.. وبعده صارت صدامات معاه وكنت أحس من داخلي بقوه جديده علي وحب ذات بسيط وبدا هو يقاوم هالتغير وأنا كنت أبي أكمل بطريقي غصب لاني توني مافهمت تغيير الداخل يغير الخارج.
فدخلت علاقتنا مرحله التصادم والتناطح 😂هو حس بالخطر والتغيير وبدا يقاومه وأنا مستانسه بالشي البسيط من التغيير وصرت أحاول أحمي وعي الجديد منه وطبعا هذا غلط بس كان فهمي ببدايته وعلي قدي.. بس من تخلص الهوشه استرخي واسمح وارجع لعالمي الجديد.. هذا اول شي تغيير معاي..
قبل اذا تهاوشنا بس مخي يطحن طحن ويسبه ويلعن حظى الزفت ويبدا يحط خططه للانتقام او خطط للاصلاح علي حسب الموقف😂وكل جهدي وتفكيري شنو اتصرف الحين مره حرب ومره احاول اصالحه وكل مره بالطريقتين يجيني شعور خايييييس خاصه اذا طريقتي ماجابت نتيجه.. اما شعور بالذل والمهانه والنبذ
أو شعور بالتأنيب والذنب والقلق... المهم اني بالطريقتن دايما متحسفه وندمانه.. والحين بعد الهوشه ماكأن صار شي.. مجرد تفريغ واسترخاء واتابع حياتي كأن شي ماصار.. حتي مرات انسي اننا متهاوشين واكلمه بمشاعر صافيه وهو😳😳ماألومه مو متعود😂😂
وبعد مده ليست بقصيره من التحرر والتنظيف والتعامل المناسب مع مشاعري وأفكاري الملخبطه بدت ملامح الحياه الجديده مع زوجي تبان ملامحها.. اول شي أنا فرحت فيه.. وقف الاستفزاز والقرقه والتفريغ فيني وفي عيالي.. وماعاد يعصب ويفرغ فينا بالطالعه والنازله. قبل كل مشكله برا البيت يفرغ فينا
يدخل البيت ويدور علي سبب للانفجار ويبدأ وأنا كنت بس أحاول أهديه واصلح اللي موعاجبه عبالي إنه صج.. طلع تفريغ😑وهذا فهمته بعد البرنامج.. وكان من الاسئله المحيرتني.. مهما اسوي مو راضي.. لين مليت منه وقلت بنفسي عساه مايرضي😂😂بس متعود يلاحقني عشان يفرغ وانا ماأدري شالدبره😭
المهم وعيت وفهمت ونظفت وتحررت من الخوف وفككت معتقداتي المعفنه ورتبت داخلي وصار مثل ماقال حبيبنا عبدالله.. رتب الداخل يترتب الخارج.. أما أنه ينصلح او يرتفع بالوعي معاك ويتعدل.. أنا تعدل الحمدلله والله ثم والله ماكنت متوقعه إنه يتعدل كانت توقعاتي إنه يرحل بسلام🤭
لان عندي معتقد عنه إنه صعب او مستحيل يتغير.. الحين كل شي علي كيف كيفي والاسلوب الراقي والكلام اللي انتظره سنين قاله لي وانا احس إني استحقه صراحه.. وراحت العصبيه وراحت الحكاره وراح التشرط بس فيه شغله بسيطه للحين عالقه واحس إنها راح تنحل باذن الله... ي ربي لك الحمد 🙏
من حياه زوجه كانت جحيم ماأدري شلون تحملتها.. الي حياه راضيه عنها بكل تفاصيلها وحابتها وقابله بعيوبها الباقيه🤗💃قبل تحملتها من ضعف وخوف وعدم تحمل لمسؤليه حياتي.. لما حررت الخوف والضعف والقلق من المستقبل.. وصرت ماهمني اتطلق وأجازف وأجرب حياه العزوبيه لانها بالنسبه لي مجهوله
وكل مجهول يخوف..من صار عندي عادي راح الخوف وصرت قويه من الداخل حتي لو ماأرد عليه وأدافع عن نفسي قوتي واضحه وطاقتي وصلت له وتعدل اهم انعكاس في حياتي واثبت نجاح البرنامج وآمنت بالوعي إنه شغال للي يطبق ولاييأس وعلمته عيالي الكبار وحتي الصغار بديت اعلمهم التعبير عن المشاعر والاسترخاء
وبديت حياه جديده جميله وروعه.. مشاعر هدوء.. ي زين الحياه مع زوج هادي😂😂😂اثاريني قبل مو عايشه ولامتزوجه ولامتطلقه ضايعه بالنص😆من زوج عصبي غير متفهم محافظ بشده ومتزمت لرايه وحريص علي الماده مع غيرنا كريم وعلينا يحسب بالملي.. الي زوج كريم متفهم ومحب ورومانسي😆😝
وحافظ للجمايل ويذكرها الحين دايما ويشوف تضحياتي ومقدرها.. قبل والله مايشوف شي واذا ذكرته عشان يرحمني يقولي لاتتمننين علي🥴المهم والله الحين كأني متزوجه حديثا زوج جديد مو اللي اعرفه ابدا بس نفس شكله😂😂بدون قذله🤣كنت ابي قذله بس ما حصلي 😜الحمدلله علي التحديث الجديد🥳
كنت ابي اكتب من اول ماصارت معاي التغيرات وافتكيت من المشاكل والعصبيه اليوميه لكن قلت بصبر وانتظر أكون راضيه تقريبا بشكل كامل عن علاقتي معاه عشان اكتب لكم القصه كامله واحثكم علي الاستمرار بالتركيز علي الداخل لانه هو الحل الوحيد والقوي لكل مشاكلنا.. 💃💃💃
قبل أسئلتي مثل أسئله كل وحده تدور حل بالخارج ومركزه علي طريقه تصرفها اكثر من التعامل مع مشاعرها.. شلون اتصرف بالموقف الفلاني؟ شنو ارد عليه اذا قالي جذيه؟ شنو اسوي اذا عصب؟ وشنو الطريقه اللي ارد اعتباري فيه؟ والازفت شلون احره وانتقم منه😒😱؟ يربي شلون كنت افكر حشا حرب مو زواج😭
نظفوا رتبوا وعدلوا الداخل.. حتي لو صار تشويش منه وضغط عادي تكامخوا وبعدها ردي رتبي وعدلي لاتوقفين.. ان شاء الله ماتحتاجون تصادمون مثلي لكن هذي تجربتي مع البرنامج ونتيجته علي حياتي الزوجيه❤️😇يمكن فيه شي نسيت اقوله وحياتي السابقه من كثر التنظيف والتحرر اللي صار نسيت اغلب مشاعرها
بس النتيجه جباره وتسوى التعب.. ادعوا لي افك آخر عقده معاه بحب وسلام.. تحياتي لكم اعزائي وتحياتي لعبدالله وللبرنامج ولكل القائمين عليه.. 💕💕💕💕ويالله نبي الاخبار الحلوه والساره لكل اعضائنا المتزوجين 💃💃💃
جاري تحميل الاقتراحات...