ليه برج بيزا المايل .. مايل .. وايه الي ميله .. وليه محدش فكر يعدله .. ثريد جديد .. انتظروني ✋
في مدينة بيزا الايطاليه و تحديدا في ميدان اسمه ساحة المعجزات .. سنة ١١٧٣ ميلاديه قرر الجماعة الايطاليين حبايبنا بناء برج علشان يعلقو عليه اجراس كاتدرائية بيزا .. وبالفعل تم تصميم برج مكون من ٨ أدوار علي شكل اسطوانه وقررو يبنوة بالرخام الابيض . حلو لحد كدا ؟ .. ١
في مهندس اسمه بونابو تقريب يعني بدء في تنفيذ البناء و الموضوع كان ماشي حلو اوي وزي الفل .. المهندسين بيشرفو و العمال شغالين و الدنيا بيس خالص مافيش مشكله .. بناء اول ٣ ادوار اخد منهم حوالي خمس سنين .. والبرج ثابت و مستقيم لفوق كدا وحاجه تشرح القلب .. تمام لحد دلوقتي .. تمام .. ٢
بعد الدور الثالث ما اتمو بناؤه البرج قام مميل .. الحق يا جدع حوش يا جدع مافيش فايده .. توقف البناء فترة علي ما يشوفو المصيبه دي .. يدورو هنا يحاولو يعدلو المايله من هنا .. مافيش فايده .. حاله فضل مايل زي مهوا .. المسؤولين خافو من استكمال بناء البرج وتوقف البناء ١٠٠ سنه .. ٣
ايوا زي ما سمعت كدا .. بعد ١٠٠ سنه بقي جه مهندس قلبه ميت يقال ان اسمه تومازو وقرر يعدل المايله .. فقرر انه يبني ٤ ادوار اضافيه بزاويه ميل علشان يزبط معاه البرج .. مش بقولك قلبه ميت .. المهم .. بعد ما بنو الاربع ادوار و بدل ما يحصل الاتزان المطلوب يقوم يحصل ايه .. ٤
ايوا هو الي في دماغك بالظبط .. البرج مال اكتر .. طب يعملو ايه .. كالعاده ركنو البرج لفترة .. اتساب كام سنه يا مؤمن .. حوالي ٨٠ سنه .. وقامت حروب و حصلت حاجات كتير في الفترة دي واتركن البرج زي مقولتلك ٨٠ سنه .. في الفترة دي حصل ايه .. ٥
البرج غاص في الارض اكتر ودا لان التربه تحته هشه .. وبالتالي البرج مال اكتر .. فيقوم يجي مهندس تاني يقولهم وسعو كدا .. انا الي هعدل المايله .. هتعمل ايه يا محترم ؟ .. قالهم هبني دور كمان .. ايووووون .. زي ما سمعت كدا .. وبالفعل بني دول كمان .. وكدا البرج بلغ ٨ ادوار .. ٦
لاء ومش كدا وبس .. دا القادر حط علي سطح البرج مجموعة اجراس بعضهم كان اكثر من اتنين طن .. والله حاولت ابحث عن اسمه نشتمو سوا بس لاقيت موضوع الاسماء مخفي و كل روايه بتوضح اسم مختلف فقررت اسيب موضوع الاسماء عايم كدا وندعي عليه غيبا .. المهم نرجع لمرجوعنا .. ٧
بعد ما اتم البناء ووصل البرج لتمن ادوار بطول يبلغ ٥٦ متر .. يحصل ايه .. يميل اكتر بزاويه ميل حوالي خمس درجات .. و تنتظر مدينة بيزا سقوط البرج في اي لحظه .. ان ان ااااااان .
البرج يقع ؟ .. سبحان الله موقعش .. ودا ارجعه العلماء لسببين .. ٨
البرج يقع ؟ .. سبحان الله موقعش .. ودا ارجعه العلماء لسببين .. ٨
اولهم ان البرج وزنه اكثر من ١٤.٠٠٠ طن متروسين في الارض فدا ساعد علي تثبيته .. السبب التاني .. الراجل الي ساند البرج في الصورة الي فوق دا .. ربنا يكرمه يعني ..
في عهد موسوليني قرر الديكتاور ان خلاص كفايه مهزله بقي ونعدل البرج .. ٩
في عهد موسوليني قرر الديكتاور ان خلاص كفايه مهزله بقي ونعدل البرج .. ٩
قررت الحكومه الايطاليه انها تعمل صبه خرسانيه بشكل معين علشان تعمل توازن و تثبيت للبرج .. يقوم يحصل ايه يا معلم .. خلاص بقي اتعودنا .. البرج غاص اكتر في التربه .. ومال اكتر .. ايطاليا كلها اتجننت وقالت بس يا معلم كفايه كدا احنا غلبنا ومافيش فايده .. ١٠
مش يسيبو البرج في حاله بقي .. لاء .
في سنة ١٩٦٤ طلبت الحكومه الايطاليه من جميع المختصين في جميع انحاء العالم بالتدخل وتقديم حلول لانقاذ الموقف .. اجتمع مجموعه من المتخصصين من كل انحاء الدنيا وقررو يتعلمو من اخطاء الماضي وميحاولوش يعدلو المايله ويسيبوها مايله .. ١١
في سنة ١٩٦٤ طلبت الحكومه الايطاليه من جميع المختصين في جميع انحاء العالم بالتدخل وتقديم حلول لانقاذ الموقف .. اجتمع مجموعه من المتخصصين من كل انحاء الدنيا وقررو يتعلمو من اخطاء الماضي وميحاولوش يعدلو المايله ويسيبوها مايله .. ١١
زي مابكلمك كدا فعلا .. قرر المختصين انهم يحافظو علي البرج من السقوط وميحاولوش يعدلوه .. ايطاليا قالت اشطه جدا موافقين .. وبالفعل المختصين راحو ودرسو الموضوع وقررو يحطو خطه متخرش الميه .. اخدو كام سنه يا معلم يخططو .. حوالي ٢٥ سنه .. ما علينا يعني .. ١٢
في سنة ١٩٩٠ تم اغلاق البرج والعمل فيه وتمتوعمليه التنفيد في حداشر سنه وتم افتتاحه اخر سنه ٢٠٠١ .. بعد التعديل الاخير قال الباحثين ان البرج ممكن يصمد حوالي ٤٠٠ سنه .. و بالفعل البرج ما زال قائم الي اليوم بنفس ميله ولكنه اصبح اكثر امان .. ١٣
ودي قصة برج بيزا المائل والي حاولت ابسطها علي قد ما قدرت .. اعتقد دلوقتي صاحب اي بخت مايل ميزعلش علي بخته المايل دا .. الأبراج المعدوله وقعت وبرج بيزا المايل موقعش لسا .. دا كمان بقي مشهور .. تم وغير منقول .. والي اللقاء في ثريد جديد .. شكرا
جاري تحميل الاقتراحات...