في فيلم "هيبتا " الممثل ماجد الكدواني قال جملة في منتهى الخطورة ..!
"لما تبقي منتظر من اللي بتحبه إنه يسد إحتياجك وميسدش، بتبتدي تكرهه، لأنك عريت نفسك قدامه، بينت له ضعفك وهو مقَدَرش، فأنت أتصدمت"...

والمقصود هنا : التعري العاطفي والنفسي قدام الشخص البتحبه، ودة من أبشع الحاجات الممكن تعملها عشان زول، لأنو على قدر ما بتكون عايش أصدق وأمتع لحظات في حياتك، على قدر ما بتحس بالخيبة والمزلة لأنك ظهرت ضعفك لشخص ما بقدر قيمتها، فما بالك لما يكون الشخص دة هو كل دنيتك...

حتبدا تسأل نفسك كيف يعني ؟ ليه ما قدر احتياجي وليه ما قدرني؟ ليه ما خاتيني في أولوياته زي ما انا خاتيه؟، دا ما بس ح يحسسك بالخذلان، دا ح يخليك تعيد كل حساباتك، وح يخليك تفكر ألف مرة قبل ما تعتبره "سند" وتاني ح تفكر مليون مرة قبل ما تسلم شخص مفاتيح شعورك بالأمان...

عشان كدة من البداية لازم تفكر وتوزن الامور بعقلك وقلبك، ما تخلي قلبك يسيطر علي شعورك ويقودك لطريق ما معروف نهايتو وين ولازم تتعلم تختار صح عشان يوم ما تنخرط في أحزانك وإحتياجك الشديد لشخص بتحبه، تكون متأكد إنو هو بالنسبة ليك نقاط قوتك مش نقاط ضعفك