على قدر ما الكلام ده حيوجعك على قدر ما بصحيك :
ما تتنازلي عن قيمك عشان بتحبي أبدا
اول واحد ح يعايرك بتنازلك الاتنازلتي عشانو لو ما قالها بي لسانو تصرفاتو واهمالو حتبين رخص العلاقة ف عينو
وصدقيني لو حتى معايرتو ليك اتأخرت لو حتى فضل معاك بمفهوم الحب من جواه لما البريق بنتهي..

بحس بقلة قيمة العلاقة ..
حتبقي اشترتيهو بالغالي .. وباعك هو بالرخيص ..
اصل المشكلة انو البت لما بتحب بتتنازل
بس الراجل لما بحب بشتري ويبذل ..
وهو ما حيشتري حاجة بتاعتو ..
وما حيشتري حاجة رخيصة بالنسبة ليهو ..
بشيلها بي بلاش .. من غير مسؤوليات .. ولا تعب ..

وعشان هو بيحب يتعب في البقتنيهو .. ح يزهد حتى لو بيحبك .. عطلتي عندو غريزة الصيد والاقتناء .. بسهولة تنازلاتك ..
فلو انت وقعتي في تنازلات .. قرري من الوقت دا .. ما تتنازلي تاني .. قيّمي نفسك .. انت غالية شديد .. اغلى من انك تدي من روحك عشان بتحبي ..

فلما تحبي استنيو يبذل عشانك .. ماف تنازل الا في حدود علاقة تحسسك بأمان .. علاقة زواج تحميك برة الزواج .. ماف امان لأي علاقة..
فلو ببك حيظهر حبو في محاربتو انو يبقى معاك ويديك الامان ..
ما محتاجك ابدا تتنازلي وما تصدقي ابدا الكلام لو كلام من غير فعل .. يبقى كلام والسلام👍❣️